عشقت جبروت

عشقت جبروت .. البارت الثالث عشر

الدكتور: لو سمحتوا ي جماعة ممنوع
مها بدموع: يارب استر يارب استر يارب
مدحت: يارب الطف بينا يارب
ياقوت بخوف: يارب قومه بالسلامة

(سامر خلص شغله ونزل اجازة ومبسوط جدا لانه اعترف لليلى بحبه واتاكد انها كمان بتحبه وتقريبا اتفقوا على كل حاجة في حياتهم)
سامر: ماما مااااامااااااا
سمر: سماسيمووو حبيب قلبي
سامر بفرحة: حبيبة قلبي وحشتيني اوووي
سمر: وانت كمان وحشتني اوي ي حبيبي عامل ايه
سامر: الحمدلله انا بخير طمنيني عنك وعن غنوة وبابا واحمد
سمر: كويسين ي حبيبي الحمدلله
سامر: الحمدلله
سمر بخبث: انما يعني شكلك مبسوط شويتين
سامر بضحك: لا شويتين تلاته
سمر: ههههههههههه ويا ترى ايه السبب
سامر: عاوز اتجوز
سمر بفرحة: ايه؟!

(غنوة في الجامعة بقت ملتزمة جدا وملهاش دعوة بحد كفاية اللي حصلها قاعدة في المحاضرة جه حد من وراها عاوز يكلمها)
: مبسوط انك أخيرا جيتي الجامعة تاني
غنوة بخضة: اسامة حرام عليك خضيتني
اسامة بابتسامة: اسف بس بجد مبسوط اوي
غنوة بابتسامة: متشكرة يا أسامة على شعورك ده
اسامة: ينفع أعزمك ع الغدا انهاردة بعد ما نخلص محاضرات؟
غنوة : انا اسفة بس مش هينفع هروح ع طول اعذرني
اسامة بتفهم: ولا يهمك المهم اني هشوفك كل يوم
غنوة: ان شاء الله
اسامة: لو احتاجتي حاجة متتردديش انك تكلميني
غنوة: حاضر بعد اذنك
اسامة: اتفضلي

(في المستشفى الكل منتظر على اعصابه ومحدش بيخرج يطمنهم على ادهم وياقوت حاسه ان قلبها هيخرج من مكانه كل اللي عليها انها بتدعي ربنا يشفيه ويقومه بالسلامة)

بعد فترة....
الدكتور: الحمدلله حصل شوية مضاعفات في القلب بس الفضل لربنا قدرنا ننعش القلب مرة تانية والوضع اصبح طبيعي
مدحت: يعني نقدر نشوفه؟
الدكتور: مش دلوقتي لما الحالة تستقر عشان ميحصلش مضاعفات تاني هو حاليا جسمه بيستجيب للعلاج لكن لسه مفاقش ان شاء الله خير
مدحت: يارب خير يارب خير
احمد: طب ي اونكل انا بقترح تاخد طنط وتروحوا ترتاحوا شوية انتوا تعبتوا
مها: لا انا مش هسيب ابني ابدا
عمرو: ي ماما وجودك مش هيعمل حاجة ارجوكي تعالي ارتاحي شوية وابقي تعالي تاني
هشام: عمرو معاه حق يا طنط
مها: طيب
(مدحت ومها راحوا البيت وعمرو راح الشركة واحمد وهشام رجعوا شغلهم ومبقاش موجود حد غير ياقوت وداليا)
ياقوت: عاوزة ادخله واخرج ع طول
داليا: مينفعش ي ياقوت دا غلط عليه
ياقوت: والله ما هتأخر هشوفه بسرعة بس
داليا: طيب بس متتأخريش

(دخلت ياقوت الاوضة اول ما شافته عيطت على شكله اللي كله كدمات وجسمه اللي ملان اجهزة قربت عنده ومسكت ايده)
ياقوت: معرفش ازاي اتعلقت بيك في الفترة البسيطة دي ربنا يشفيك وتقوم بالسلامة
ادهم بتعب: ي ا قوت
ياقوت بدموع وفرحة: أدهم...

(احمد وهشام وصلوا شغلهم وخوفهم على ادهم بيزيد انهم مش معاه ومضطرين انهم ميبقوش معاه)
القائد: طمنوني ي رجالة ادهم عامل ايه
احمد: ادعيله يا فندم
هشام: ربنا يشفيه
القائد بحزن: يارب ربنا يقومه بالسلامة
احمد وهشام: يارب

(داليا واقفة بره وقلقانة لو حد جه وياقوت لسه جوه رنت عليها بس ياقوت مرددتش وفجأة جه الدكتور يطمن عليه)
الدكتور: حضرتك تقربي لحضرة الظابط ادهم؟
داليا بتوتر: اه لا اه اه
الدكتور بشك: اه ولا لأ
داليا: ايوة
الدكتور: اوك عن اذنك
الدكتور فتح الباب اتفاجئ بوجود حد في الاوضة ولسه هيتكلم لقى ادهم بيفوق وبيحاول يتكلم وياقوت واقفة جنبه بتعيط
الدكتور: ادهم باشا سامعني؟
ادهم : ا ي وة
ياقوت بدموع: الحمدلله الحمدلله
الدكتور: لو سمحتي اتفضلي بره
ادهم كان ماسك ايد ياقوت مش عاوز يسيبها ياقوت مالت عليه
: هجيلك تاني مش هسيبك
وخرجت ياقوت مبسوطة انه فاق ومشيت مع داليا

سمر: تتجوز مرة واحدة
سامر: ايوة انا بحب ليلى وهي كمان بتحبني ليه نستنى
سمر بزعل: هتتجوز قبل اخوك الكبير يا سامر
سامر: ليه هو مش خطب خلاص
سمر بحزن: لا الموضوع كان غلط و.. حكت له على اللي حصل
سامر بحزن: طب ما دا الغلط منه يا ماما من الاول
سمر: ايوة ي بني بس اللي حصل حصل
سامر: هو البيت اللي روحتوه ده فين
سمر: في(..)
سامر: خلاص انا هتصرف
سمر: هتعمل ايه
سامر: هعرف كل حاجة عن البنت دي ولو بتحبه نتكل ع الله ونروح ولو مش بتحبه يعرف عشان ميعلقش نفسه بوهم
سمر: معاك حق

(ياقوت روحت البيت لقت باباها مستنيها)
توفيق: ياقوت
ياقوت: نعم يا بابا
توفيق: عاوزك في موضوع مهم
ياقوت: خير
توفيق: يوسف لقى شقة كبيرة بسعر كويس في اسكندرية وعاوزنا نتنقل كلنا هناك وسها وافقت انها تنقل المرسم بتاعها هناك ووالدتك بردو انتي رايك ايه؟
ياقوت: ننقل؟....
توفيق: ايوة مالك
ياقوت: لا يا بابا انا مستحيل امشي من هنا انا حياتي كلها هنا مش هقدر لا
توفيق: انا اتفقت مع مامتك لو رفضتي دا قرارك وبراحتك ولو عشان الكلية انتي في اخر سنة ومش مشكلة لو قعدتي السنة دي هنا لوحدك وتيجي لنا في الاجازات لكن بعد ما تخلص هتيجي معانا هناك ومش هيبقى لينا حاجة هنا
ياقوت بصدمة: يعني اي ي بابا لا انا مش عاوزة امشي من هنا لا دلوقتي ولا بعدين
توفيق: انا كلامي خلص

(غنوة روحت البيت لقت نفسها بتفكر في أسامة وفي كلامه واهتمامه بيها)
غنوة: ايه ده انا بفكر فيه ليه دا مجرد زميل عادي
تليفونها رن ولقته اسامه ارتبكت ومعرفتش تعمل ايه ردت : الو
اسامة: غنوة انا كنت عاوزة اقولك حاجة
غنوة برسمية: طبعا اتفضل
اسامة: انا بحبك
غنوة:......