عشقت جبروت

عشقت جبروت البارت الـ 30

ادهم بسرعة راح ناحية الممرضة وسألها: في ايه
الممرضة: المريض فاق ومنفعل جدا وبيشيل الأجهزة من عليه
ادهم راح بسرعة عند هشام لقاه بيشيل الأجهزة بتعب حاول يهديه لحد ما جه الدكتور واداله حقنه مهدئه نام بعدها
ادهم بعد ما خرج من الاوضة: في ايه يا دكتور
الدكتور: طبيعي مصاب في اماكن كتير حساسة جدا لما البنج بدأ يروح اتألم خلاه يعمل كده متقلقش يومين بالكتير وهيتحسن
ادهم قعد لوحده بكى بشدة على صحاب عمره اللي شايفهم بيتألموا قدامه ومش قادرة يعملهم حاجة دعا ربنا انه يخفف عنهم ويشفيهم

تاني يوم الصبح عند ياقوت على السفرة
مدحت: ادهم مجاش؟
ياقوت: لأ قال هيبات هناك
مها: يا حبايبي ربنا يصبر اهاليهم دلوقتي الله يكون في عونهم
مدحت: يارب شغلهم صعب ربنا يحميهم
ياقوت: هو انا ممكن اروح يا بابا؟
مدحت: اه طبعا واكيد داليا هتعرف انهارده لازم تكوني جنبها، عمرو خلص فطار ووصل ياقوت المستشفى قبل ما تروح الشركة
عمرو: حاضر يا بابا
ياقوت: طب عن اذنكوا هطلع أجهز

عند داليا قاعدة بتفطر لقت فونها بيرن وكانت غنوة
داليا: غنوة ازيك وحشاني
غنوة بحزن: الحمدلله
داليا: مالك يا حبيبتي صوتك ماله
غنوة: أبيه أحمد في المستشفى
داليا بصدمة: ايه؟ مستشفى ايه وامتى وحصل ازاي
غنوة: اهدي انا بعتلك سامر ييجي ياخدك دلوقتي
داليا بسرعة: طيب انا هلبس بسرعة وانتظره

عند ياقوت عمرو وصلها المستشفى وطلع معاها وقعدوا يدوروا على ادهم لحد ما عمرو شافه وراحوا عليه
عمرو: ادهم
ادهم: جيتوا ليه
عمرو: ياقوت عاوزة تطمن عليك اخبارهم ايه
ادهم بحزن: الوضع مش كويس يا عمرو
ياقوت: يعني ايه
ادهم: مش عارف ادعيلهم
ياقوت: ربنا يشفيهم يارب
في اللحظة دي جت داليا وسامر وأشرف وسمر وغنوة وليلى وأسامة وعيلته
داليا راحت على ياقوت بسرعة وبتعيط: انتي كنتي تعرفي
ياقوت اخدتها في حضنها وقعدوا يعيطوا مع بعض لحد ما الدكتور جه وطمنهم على احمد وهشام اللي هياخد وقت في العلاج
الكل راح عند احمد وداليا راحت بسرعة في حضنه وقعدت تعيط وهو طبطب عليها بحنية: انا كويس يا حبيبتي كفاية دموع بقا
داليا ببكاء: انا كنت هموت لو حصلك حاجة
احمد: بعد الشر انا كويس اهه
سمر بدموع: يا حبيب قلبي يا بني
احمد: والله انا كويس يا ماما متقلقيش اخبار هشام ايه يا ادهم
ادهم بحزن: ادعيله
احمد عرف ان حالته صعبه وصمم يروح يشوفه وادهم وسامر سندوه لحد ما شافه ورجع

عند هشام
تاليا بتركبله المحاليل بنفسها وبتعيط: ااه يا وجع قلبي عليك
دخل ماجد: احم معرفش انك هنا بعد اذنك
تاليا: استنى يا ماجد، انا يمكن في وقت ومكان مش مناسب اني اقولك كده لكن انا اسفة على كل حاجة حصلت انا بجد مكنتش قاصدة اوجعك بس مقدرتش
ماجد ابتسم: مفيش حاجة يا دكتورة وربنا يقوم الباشا بالسلامة ونفرح بيكوا
تاليا بصت على هشام وعيطت ماجد اتكلم: متقلقيش هيبقى بخير
تاليا: ياااااارب