❅خـالـد↜فـي الـمستـشـفـى....!
بعد مرور يوم↜في وقت المساء الساعة ال7 مساءً تقريباً
"كانت الاجواء مليئة بالتوتر والخوف"
وقف محمد بسرعة بعد ان طلبت منه الممرضة ان يدخل لمكتب الدكتور الي كان يتكلم مع ابوه لوحدهم..
محمد: وبعد السلام على الدكتور سأل ابوه،....ها يابه اكو شي؟
ابو محمد: ارتبك ونظر لمحمد ليسأله،...انت ضربت اخوك البارحة؟!
محمد: عصب وانزعج كثيرا لم يكن يتوقع ان يسأله ابوه هذا السؤال،.... لا ابد! ما مديت ايدي عليه! بعدين اني ما موجود وياه بالمدرسة واضربه حتى تسألني هيچ سؤال!
ابو محمد: حس بالقهر وارتجف صوته،...يعني منو؟، اذا مو انت منو سوه بيه هـيـچ؟، الفحوصات تگول اخوك مضروب حيل قبل لاينضرب بالمدرسة هيمن!
محمد: كان مصدوم مثله لكنه خاف على صحته ابوه،... اعصابك يابه اني بعدين اخليه يحچي أهده هسه!
الدكتور: ليكمل كلامه ويصدمهم،...بصراحه مو بس الضرب! نشك انو خالد متعرض للتحرش جنسي!
ابو محمد: انصدم اكثر،...شـ شنو تحرش دكتور گول غيرها؟
محمد: لم يكن يتوقع هذا الكلام ورفع صوته،....يعني شلون تحرش وضح اكثر؟!
الدكتور: صحيح احنا اوقفنا النزيف وعده مرحلة الخطر بس هناك علامات ضرب على اعضائه التناسلية وبعدين لما اجرينا اله الفحوصات چان يهلوس و يترجانه ما نعتدي عليه! لذالك انصحكم تحچون ويه ابنكم بهداوه علمود تعرفون منه الحقيقة وتتقدمون ببلاغ وشكوى للشرطة!
وبعد ان انتهى الدكتور من اخبارهم بتفاصيل حالة خالد
خرج محمد و ابوه من هناك وكانت مشيتهم مكسوره وثقيلة من سماع ذالك الكلام...
ابو محمد: كان يحس بخيبة امل وحزن،....شنو الحل وي اخوك؟ من البارحة اسأله و ما يجاوب؟
محمد: ولأول مره يحس بالعار لهذا الدرجة بسبب خالد، ليزداد غضبا منه،.....اني اعرف شلون اخليه يحچي هذا شافني اسكت عليه مره مرتين و وصل لهايه الحاله!
من ثم اخذ محمد يمشي مع ابوه بسرعة وبكل عصبيه
وكان يفكر جديا في الدخول على خالد الان واجباره على قول الحقيقة
وحتى وصل مع ابوه للغرفة الي يرقد فيها خالد اوقفته امه وقالت له...
ام محمد: اوگف محمد ترا نسيبنا حاتم جوه گاعد وياه وصيته يسأله شنو صار وياه بلكت يحچيله!
YOU ARE READING
عيسى
General Fiction#مثليه عامية ، واقعية ، حوار الشخصيات باللهجة العراقية الـحـب شـعلـة نـار تـدخـل الـنـفـوس فـتـشـعـلـها ويـظـهـر لـمـعـانـهـا مـن خـلال العـيـون . ملاحظة: تحتوي على كلمات بذيئة و احداث عنف ، لا تناسب الجميع .
