(بعد مرور ايام___في المدرسة الإعداداية)
في الدرس الأول يدخل الأستاذ ابو محمد للصف الرابع الأعدادي ليشاهد الطلاب متواجدين إلا غياب ابنه خالد و لليوم الرابع على التوالي
ابو محمد: استغفر الله! ويخرج بعصبيه من الصف و يمشي بسرعة متوجها للأدارة!
ليدخل لهناك و يخرج هاتفه من محفظته و يتصل على أبنته حنان
*في بيت عيال حنان*
حنان: يردها الأتصال وهيه جالسة في المطبخ مع حماتها ف تتوتر ، اهوو ابويه يتصل اكيد هسه يرزلني من وره خالد و ترد عليه..... الو ها بابا
ابو محمد: و بدون سلام يدخل في نقاش حاد معها،
اسمعي انطيني اخوج خالد احاجيه و بدون كلام زايد،
ويصرخ عليها بكلمة بسرعة!
حنان: تصعد للغرفة الي ينام فيها خالد و تفتح الباب و تبعد البطانية عن وجه خالد ، اگعد اگعد خالد ابويه مشتعله اعصابه نار گوم حاجيه
خالد: اهووو انطيني" و يرد عليه،
الوو ها يابه!
ابو محمد: مو گلت ألك عيب عليك تبقه يم عيال اختك كل هالمدة و شنو تغيب اسبوعين! ولك خالد تريد تجلطني والله لأطيح حظك اليوم
خالد: يابه مو گلتلك انسه الدوام ما ادرس بعد ولا تعب نفسك انته ومحمد لو تكتلوني ما اسمع الكلام ولا ارجع للدوام
ابو محمد: ها هـيـچ صارت استاذ خالد هـيـچ تحچي وي ابوك يا ادب سز ...
خالد يقطع الاتصال بوجه والده...
ابو محمد: يشعر بالغضب و ضيق في صدره من تصرفات خالد ، و شعر بتعب وجلس على اقرب كرسي في الأدارة وأخذ يندب حظه...
حنان : خالد انته تسودنت ولك ابوي تعبان ميتحمل هالحجي بعدين لو يدري محمد هـيـچ أغلقت الاتصال بوجه ابوي شيخلصك منه
خالد: باوعي ! اني من صدك ما يهمني احد بعد شيريد يصير خلي يصير يعني اموت مثلا! هم ميهمني"
تتعب اخته حنان من كلامه و تحس بألم في بطنها.،
حنان:ااه بطني اجاني مغص من الخوفه عليك' خالد اترجاك لاتسوي هـيـچ
حماتها تسمع كلامهم و تدخل : يمه حنان انتي حامل و تعبانه ميصير هـيـچ
خالد: شنو حا حامل!
حماتها: اي مادريت البارحة سوت تحليل و طلعت حامل اخيرا مرت سنه واحنا منتظرين الحمد لله
VOCÊ ESTÁ LENDO
عيسى
Ficção Geral#مثليه عامية ، واقعية ، حوار الشخصيات باللهجة العراقية الـحـب شـعلـة نـار تـدخـل الـنـفـوس فـتـشـعـلـها ويـظـهـر لـمـعـانـهـا مـن خـلال العـيـون . ملاحظة: تحتوي على كلمات بذيئة و احداث عنف ، لا تناسب الجميع .
