وحتى مر الوقت و وصل حاتم ليأخذه هو وحنان
حنان: نادت عليه،...يلا خالد اجه حاتم استعجل و لا تنسى كتبك لايخبصنا محمد!؟
حاتم: اقترب منها واعطاها قبلة سريعة قبل ان يلمحهم خالد،....صباح الورد يگلبي شـلـونـچ مشتاقلج ولج؟
حنان: صباح العسل حبيبي والله اشتاقيتلك!
خالد: تفاجأ بالمنظر،....اجيت هلا حاتم احم احم اني هنا، شبيكم استحو!
حاتم: ضحك،....حلالي وبكيفي،... السلام عليكم شلونك شخبارك خالد مبروك النجاح!
خالد: صافحه ورد السلام،....بعد وكت!! تره صارلي شهرين من نجحت؟
حاتم: اعذرني و الله مشغول اربع وعشرين ساعة زين من گدرت اجي اخذكم!
ام محمد: تلقته ورحب به،...هلا يمه حاتم شلونك لا تروح قبل لا تتريك؟
حاتم: هلا خالتي بعد گلبي والله متريك من الفجر!
خالد: بسك من الاكل صاير عندك كرش!
حاتم: والله من يوم ما خذتها لحنان واني كرشت رسميا!
ام محمد: غير تربيتي شوف ابو محمد همين من تزوجته ياله انفخ كرشه
خالد: كان مستعجل،...ياله نمشي بسرعة قبل لا اكرش شبيكم تحجون بالكروش من الصبح؟!
حنان: قالت لخالد،...يا شبيك مستعجل عيب عليك ابدال ما تگوله ابقه شويه!
حاتم: لا هم يلا اوصلكم و ارجع لشغلي يله بسرعه امشونا ، الله وياج خاله سلميلي!
وبعد ان انطلقت السيارة دار بينهم الحديث الثالي..
حاتم: طلب من خالد،... ابن عمي اسمه أزل اريدك تتعرف عليه لان راح اداومون بنفس المدرسة و وصيت ابوك بعد همين يخليكم نفس الصف!
خالد: قال ولم يكن مهتم،...ايه ان شاء الله
ثم
سكت واكتفى بمراقب الطريق
حاتم: تفاجأ من ردة فعله،....بس! حسبتك راح تتحمس و تسألني عنه! وين راح خالد الفضولي؟
حنان: هو شباقي بيه من واهس محمد ما قصر وياه كرهه بالدنيا كلها!
حاتم: كافي حنان ليش تحجين هيج تره اني همين اصغر اخواني و هسه اني بصراحه اشكرهم على كل راجدي و دفره و ضربه لان جانو يردون مصلحتي لا اكثر!
YOU ARE READING
عيسى
General Fiction#مثليه عامية ، واقعية ، حوار الشخصيات باللهجة العراقية الـحـب شـعلـة نـار تـدخـل الـنـفـوس فـتـشـعـلـها ويـظـهـر لـمـعـانـهـا مـن خـلال العـيـون . ملاحظة: تحتوي على كلمات بذيئة و احداث عنف ، لا تناسب الجميع .
