مرحبا" اصدقائي
اتمنى تكونوا بخير دائما♡
.
.
بارت جديد واتمنى تتجاهلوا الاخطاء الاملائية....
في صباح اليوم التالي↜وفي الساعة العاشرة تقريبا.....
❅روان....↜في بيت ابو وائل!
كانت جالسه في الغرفة تنتظر نور لوحدها مع كيان إلي كان يغط في نوم عميق!
لم تكف عن التفكير والقلق على عيسى
لذا هي استغلت انشغال نور واتصلت على عيسى لتفهم مالذي يحدث معه!
وفي المقابل رد عليها عيسى بعصبية وبدأ يلومها ويحذرها بسبب...
عيسى: كان متوتر،.... ليش مااجيتي ويه حبوبه لبيت خالج شعندج باقيه يم الجيران وانتي تعرفين شلون عالگه بينهم؟!
روان: على كيفك شبيك!،،تره گاعده وي نور وكيان وبعدين ابو وائل يعرف من زمان احنا لانريدهم ولايردونا ومامحسوبين منهم!
عيسى:صحيح بس نبقه من دمهم ولحمهم وانتي تعرفين هسه صار بيناتهم دم وثارات!
روان: بس انتَ گلتلي ماكو دليل عليهم ومحد يدري؟
عيسى: تكلم بأنزعاج،... بإي لحظة ينكشفون مانعرف شنو يصير يمكن وائل يعترف و يگول الحقيقة كلها ويورطني وياهم!
روان: لا لا تخاف بس انتبه لايسمعك احد وانتَ تحچي بهذا الموضوع!
عيسى: زفر انفاسه بتعب،.....مااريدهم يعرفون شي مااريد انسجن قبل ما اقتل امجد!
روان: خافت كثيرا عليه واخفت بكائها وحاولت تهدأه،....لاتگول هـيـچ ماكو شي ان شاء الله واني يم نوره هسه لاتفكر بيه!
عيسى: وحاول يهدأ من قلقه فعلا لكنه طلب منها،.....اسمعي اي شي يصير بيتهم اتصلي عليه و گوليلي!
روان: زين بس ما كلت شنو صار بعقيل؟!
عيسى: قال منزعجا قبل ان ينهي الاتصال،... ماصار! هذا هو مثل البغل بكل حيله طلعو رصاصه من صدره وگاعد يهوس على جلال!.
روان: قالت بأسف،....حرامات صدُك العار ميموت!
وبعد ان انتهى ذالك الاتصال....
اخذت روان تدعي من كل قلبها ان لايجدوا اي دليل على عيسى و سعد ووائل!
ثم قاطعها دخول نور الي جلست وهي تبكي من شدة الحزن والخوف...
روان: همست وسألت نور خوفا من ان يستيقظ كيان،....شبيه ابوج يعيط عليج انتِ و امج من الصبح؟،ترا ماناقصجن!
YOU ARE READING
عيسى
General Fiction#مثليه عامية ، واقعية ، حوار الشخصيات باللهجة العراقية الـحـب شـعلـة نـار تـدخـل الـنـفـوس فـتـشـعـلـها ويـظـهـر لـمـعـانـهـا مـن خـلال العـيـون . ملاحظة: تحتوي على كلمات بذيئة و احداث عنف ، لا تناسب الجميع .
