[Zawgyi]
ဆယ်ရက်နီးပါးလောက်ထိ ကော်ဖီဆိုင်ရှေ့က မလှမ်းမကမ်းမှာစောင့်လိုက် အိမ်ကိုစုံစမ်းထားတာမလို့ အိမ်ရှေ့လေးမှာသွားစောင့်နေလိုက်လုပ်ပေမယ့် ရိပေါ်ရဲ့ ယုန်ကလေးက ပတ်ပြေးလို့ ကောင်းနေတုန်းပဲ။
ရိပေါ် တစ်ခါတလေ စဉ်းစားမိသေးတယ်။ ကိုကိုက ယုန်အမျိုးအနွယ်ဝင်လေးမလို့ ယုန်တွင်းလေးတွေထဲကနေများ ရိပေါ်ကို ပတ်ပြေးနေသလားလို့လေ။
ဟုတ်တယ်။ ရှောင်းယုန်ကလေးကို ရိပေါ်က အထူးတလည် ခေါ်တဲ့နာမ်စားလေးက ကိုကို ဖြစ်ပါသတဲ့။
စိတ်အနှောက်အယှက် ဖြစ်မှာစိုးတာကြောင့် ကော်ဖီဆိုင်လေးရဲ့ အပြင်ဘက်ကနေ စောင့်ကြည့်နေလဲ အလုပ်ချိန်မှာ တွေ့ရတတ်ပေမယ့် အလုပ်ဆင်းချိန်ဆို ရိပေါ်ရဲ့ ကိုကိုက ပျောက်သွားတော့တာပဲ။
အိမ်ရှေ့သွားစောင့်တော့လဲ ဒီအတိုင်းပဲ။ ဆိုင်မှာပဲ တွေ့ရတတ်ပြီး အိမ်ပြန်တာကို လုံးဝမတွေ့ရတော့တာ။
ဒီနေ့က နည်းနည်းထူးခြားတယ်။ အရင်နေ့တွေက ရိပေါ်ကို အယောင်သာပြနေပြီး လှစ်လှစ်ပါအောင် ပုန်းကွယ်နေတဲ့ ယုန်ကလေးကို ရအောင်ဖမ်းပြီး စကားပြောရမှဖြစ်တော့မယ်။
" ကြိုဆို ... "
အရင်နေ့တွေက ဆိုင်ရှေ့မှာပဲ ရပ်စောင့်နေတတ်တဲ့ ရိပေါ်က ဒီနေ့ ဆိုင်ထဲကို ဝင်လာတော့ အံ့သြသွားပုံရတယ်။
တံခါးဖွင့်လို့ အသံမြည်လာတဲ့ တံခါးပေါ်က ခေါင်းလောင်းသံလေးကြောင့် ကောင်တာက ယုန်ကလေးက ခေါင်းထောင်လို့နှုက်ဆက်ပြီးကာမှ ရပ်သွားတာကြောင့် ရိပေါ်မျက်ခုံးပင့်လိုက်တယ်။
" ကြိုဆိုပါတယ် ဧည့်သည် ... ဘာအလိုရှိပါသလဲဗျ "
" အပုန်းကောင်းနေတဲ့ ယုန်ကလေးကို လိုချင်လို့ "
" ....... "
ဆက်ပြောမလို ပါးစပ်ဟလိုက်ပြီးမှ ဆက်မပြောတော့တဲ့ ကိုကိုကြောင့် နှုတ်ခမ်းသားနောက်က ပေါ်လာတဲ့ ယုန်သွားလေး နှစ်ချောင်းကိုပဲ စိုက်ကြည့်နေလိုက်တော့တယ်။
" မမှာဘူးဆို ဖယ်ပေးပါဗျ ... အနောက်မှာ မှာမယ့်သူတွေ တန်းစီနေလို့ပါ "