Unicode
"ကိုရှိုင်း ဆေးရုံသွားတော့မလို့လား"
လှေကားပေါ်မှဆင်းလာသောရှိုင်းကိုပိုးမှမေးလိုက်လေသည်။
"အင်း ဒီနေ့ဂျူတီရှိတယ်လေ"
ဒယ်ဒီတို့အိမ်တွင်မနေ့ပဲရှိုင်းအိမ်ကိုသာလာနေသောအတွဲအားမောင်းထုတ်လည်းမရပေ။
"မနက်စာညီမတို့နဲ့တစ်ခါတည်းဝင်စားလိုက်လေ။ကိုရှိုင်းကိုကျွေးချင်လွန်းလို့ညီမကိုယ်တိုင်လုပ်ပေးထားတာနော်"
"အကို ညီခလေးလည်းသွားကြည့်ရအုန်းမှာ"
"လာပါကိုကိုရယ် အစောကြီးရှိပါသေးတယ်"
မင်းလွန်းကပါခေါ်နေသောကြောင့်ရှိုင်းမနက်စာစားပြီးမှသာနောင်ခအိမ်သို့ထွက်ခဲ့လေသည်။
♥♥♥♥♥♥♥♥♥♥♥
<တီတောင်....>
နောင်ခဆေးရုံသွားရန်ပြင်နေစဉ်အခန်းရှေ့မှဘဲလ်တီးသံကြောင့်အလျင်အမြန်ထွက်ခဲ့ရသည်။နောင်ခစီကိုလာလည်သူမရှိသောကြောင့်မည်သူနည်းဟုစဉ်းစားရကျပ်နေလေသည်။
တံခါးဖွင့်လိုက်ချိန်တွင်ပါးချိုင့်လေးများပေါ်အောင်ပြုံးပြနေသောရှိုင်းကိုတွေ့လိုက်ရသည်။
"ဘာလာလုပ်တာလဲ"
နောင်ခအမေးကိုပြန်မဖြေပဲအခန်းထဲအတင်းတိုးဝင်နေသောရှိုင်းကိုဂျိုးကြည့်ကြည့်ပေးလိုက်သည်။
"မင်း ဆေးရုံမသွားဘူးလား"
ဧည့်ခန်းဆိုဖာပေါ်တွင်အကျအနနေရာယူထားသောရှိုင်းကိုနောင်ခထပ်မေးလိုက်သည်။
"ကိုယ်သွားမလို့ညီခလေးကိုလာကြည့်တာ"
ပြောရင်းနှင့်မတ်တပ်ရပ်နေသောနောင်ခနားလာကာနဖူးကိုစမ်းကြည့်လေသည်။
"ကောင်းသွားပြီး ငါအခုဆေးရုံသွားမလို့"
မနေ့ကပိုးရဲ့အမေးနှင့်အတူရှိုင်းနှင့်တွေ့လျှင်တစ်မျိုးဖြစ်နေတတ်သောနှလုံးသားကြောင့်နွေထွေးသောလက်တို့နဖူးပေါ်မရောက်ခင်ရှောင်ဖယ်ကာမနက်စာစားရန်ပေါင်မုန့်ယိုသုတ်လုပ်လိုက်သည်။
YOU ARE READING
ကုစားချစ် [Completed]
Romancecover by Ohm_maung အချစ်ကြောင့်ရခဲ့တဲ့ဒဏ်ရာတွေကိုဘယ်လို့အရာကများကုစားပေးနိုင်မလဲ...... အခ်စ္ေၾကာင့္ရခဲ့တဲ့ဒဏ္ရာေတြကိုဘယ္လို႔အရာကမ်ားကုစားေပးႏိုင္မလဲ...... started date: : 8.5.2021 End date: : 19.6.2021
![ကုစားချစ် [Completed]](https://img.wattpad.com/cover/269021646-64-k47694.jpg)