ချစ်ခြင်းမုန်းခြင်းကင်းမဲ့ဇုန် (Completed)

ချစ်ခြင်းမုန်းခြင်းကင်းမဲ့ဇုန်_8

Part-8

မနေ့က ယွီရှင်းဆီက Msgရောက်တယ် သူဒီနေ့ပြန်လာမယ်တဲ့ ‌ငါသွားကြိုရမယ် ဒါပေမဲ့ရိပေါ်မသိအောင်သွားမှဖြစ်မယ်။
ရှောင်ကျန့်ကနိုးနေပေမယ့် Alarmကိုထမပိတ်ဘဲ ကုတင်ပေါ်မှာဘဲဆက်အိပ်နေလိုက်သည် ရိပေါ်ကထပိတ်ရင်း ရှောင်ကျန့်ကိုလှုပ်နိူးသည်။
"အကို အကို ထတော့ 6နာရီထိုးပြီ"
"အင်"
ရှောင်ကျန့် ၀မ်ရိပေါ်ဘက်သို့လှည့်လိုက်ရင် မျက်လုံးလေးကိုဇွတ်မှိတ်ကာ နားထင်ကြောလေးကို လက်ဖြင့်နှိပ်နေလိုက်သည်။
"အကို ဘာဖြစ်လို့လဲ နေမကောင်းဘူးလား"
"အင်း ခေါင်းတွေကိုက်နေတယ်"
ရိပေါ် ရှောင်ကျန့်နဖူးလေးကိုချက်ချင်းစမ်းသည်။
"အာ ကိုယ်တော့မပူပါဘူး တော်တော်ခေါင်းကိုက်နေလား"
"အင်း"
"ဒါဆို ဒီနေ့ကျောင်းမတက်ပါနဲ့လား"
"အင်း ဖြစ်ပါ့မလား"
"ဘာလို့မဖြစ်ရမှာလဲ ကျနော်ခွင့်တိုင်ပေးမယ်"
"မင်းတိုင်လို့ဘယ်ဖြစ်မလဲ ရတယ် အကိုဘဲဖုန်းလှမ်းဆက်လိုက်မယ်"
"အင်းပါ အဲ့တာဆိုလဲပြီးရော မထသေးနဲ့လေ ဘာလုပ်ဖို့လဲ"
"ငါမင်းအတွက် မနက်စာလုပ်ပေးဖို့လေ"
"မလုပ်နဲ့‌တော့ ကျောင်းရောက်မှ အဆင်ပြေသလိုစားလိုက်မယ်"
"ရလို့လား"
"ရတယ်"
‌ရိပေါ်က ရှောင်ကျန့်ကိုစောင်ပြန်ချုံပေးပြီး ထသွားသည်။

ရိပေါ်က ကျောင်းသွားဖို့ကိုအမြန်ပြင်ဆင်ပြီး မီးဖိုချောင်ထဲ၀င်သည် အရာရာကိုရှောင်ကျန့်ဘဲလုပ်ပေးနေကျမို့ ဘယ်ကစလုပ်ရမလဲမသိပေ။
ဆန်ပြုတ်ကတော့ မဖြစ်နိုင် ခေါက်ဆွဲလောက်သာသူပြုတ်တတ်သည် အတတ်နိုင်ဆုံးခေါက်ဆွဲကိုကောင်းအောင်‌ပြုတ်လိုက်သည် ထို့နောက်ခေါက်ဆွဲပန်းကန်ကိုပြင်ဆင်ကာ ကုတင်ဘေးနားကစားပွဲပေါ်တွင် တင်ပေးသည်။
နောက်တခေါက်ပြန်ထွက်လာပြီး ရှောင်ကျန့်ဆေးသေတ္တာထဲမှ ‌အဆင်ပြေမယ့်ဆေးနဲ့ရေကိုယူကာ စားပွဲပေါ်တွင်ထပ်တင်သည် ထို့နောက်‌အိပ်ပျော်နေသောရှောင်ကျန့်ကိုအသာအယာလှုပ်နှိုးလိုက်ရင်း
"အကို"
"ဟင်"
"ကျနော်ကျောင်းသွားတော့မယ် ခေါက်ဆွဲနဲ့ဆေးသောက်ထားလိုက် ကျနော်စောစောပြန်ခဲ့မယ်‌နော်"
"ရိပေါ် မင်းကျောင်းချိန်ပြည့်တက်ခဲ့နော် စိတ်ပူလို့ဆိုပြီးအစောကြီးပြန်မလာခဲ့နဲ့ ခေါင်းကိုက်တာကအိပ်ရေး၀၀အိပ်လိုက်ရင်းသက်သာသွားမှာ"
"အင်းပါ သေချာအိပ်နော် ညနေကျနော်ပြန်လာတဲ့ထိ မသက်သာရင်တော့ဆေးခန်းသွားရအောင် နော်"
"အင်းပါ သေချာသွားဦး"
"အင်း"
တံခါးပိတ်သံကြားတာနဲ့ ရှောင်ကျန့်က အိပ်ရာ‌ပေါ်ကဝုန်းခနဲထသည်။