Scars of the Past ✓

// Chapter 21 //

Gift

Umabot na ng isang linggo, hindi pa rin binabalik sa akin ni Mama ang gadgets ko. Nararamdaman ko na ang inip ko pero buti na lang ay pinapayagan na akong lumabas ulit dahil kay Tito Raphael.

"Uh, thank you po do'n."

Ngumiti si Tito Raphael sa akin bago tumango. "Okay lang iyon, Adira. Aalis ka na ba? Baka kailangan mo ng panggastos?" alok niya na siyang inilingan ko kaagad.

"Okay lang po. Alis na po ako," paalam ko bago lumabas ng bahay at tawagan si Cads.

Tapos ko na rin naman lahat ng assignments ko at nakapagbasa-basa na rin ng ilang nasulat ko kanina sa school kaya wala na akong kailangang alalahanin pa kung sakaling magkaroon ulit ng hindi inaasahang quiz bukas.

"Malapit na ako," sagot niya. "Huwag mo na lang ibaba 'yung tawag," aniya.

I checked on my nails. "Sige, hintayin kita dito sa may babaan ng jeep."

"Hmm, nakakain ka na?"

"Hindi pa nga, 'e. Nag-sagot pa ako kanina ng assignments bago umalis ng bahay."

"Talaga?"

I chuckled and rolled my eyes. "Bakit parang hindi ka naniniwala?"

"Galing ba 'yung mga sagot kay Acer?" asar niya bago tumawa.

Inirapan ko ito at sininghalan. "Magtigil-tigil ka diyan at baka kaltukan kita. Kita mong nagse-seryoso na nga sa pag-aaral."

"Talaga?" tumango ako. "Buti ka pa sa pag-aaral nagse-seryoso, ako kasi ikaw ang sini-seryoso."

Napatakip ako ng mukha ng may mapa-ubo sa tabi ko.

Ang gagang 'to pinapakilig pa mga kasabay namin da jeep!

"Manahimik ka nga diyan, kinikilig si Ate sa tabi ko," natatawang saad ko bago sulyapan ang kasing edad lang siguro naming dalaga sa tabi ko. She smiled at me.

"Masiyadong pa-fall ang boyfriend niyo, Ate," aniya at mas lumawak ang ngiti.

Umiling ako at natawa. "Hindi ko siya boyfriend. Kaibigan ko lang, masiyado lang talagang matabil ang bibig kaya kung anong lumalabas."

Parang nagulat doon ang babae. "Kaibigan mo lang 'yan, Ate? Parang boyfriend."

"Nahihiya lang 'yan sabihin na boyfriend niya ako. Huwag kang maniwala diyan," singit ni Cads bago ako higitan sa beywang.

Umismid ako bago tapikin ang kamay niyang nasa beywang ko.

"Epal ka, malapit na tayo!" saway ko bago harapin muli ang katabi kong babae. "Bababa na kami ha?" tumango siya at ngumiti.

"Para po!"

(◍•ᴗ•◍)

"Adira!!!" halos mapaatras ako ng salubungin ako ng yakap ni Sonic. Humiwalay din naman siya bago ako hawakan sa magkabilang braso at pinagkatitigan.

"Anong nangyari sa'yo? Akala namin naging taong gubat ka na kada uwian galing school!" OA na sabi nito bago ako hatakin papuntang couch. "Cads, tara sa kusina kuha muna tayong pagkain!" aya niya bago hatakin ang kasama ko papuntang kusina.

Nginitian ko ang mga nandoon. Some greeted me back and the rest only nodded their heads at me katulad nina Ozen at Josiah. Mga tahimik. Nandito rin pala ang banda nina Adam?

Nasa drum set si Adam at Niall kahit hindi naman siya miyembro. Ganoon din si Ice na hawak ang gitara kasama sina Van at Aqua na nakahawak naman ng electric guitars. Ngumiti itong dalawa sa akin kaya sinuklian ko rin ng ngiti. Si Ezekiel naman ay tahimik lamang na nakikinig sa kanyang headset habang nakakunot ang mga kilay at nakapikit. Maging ang mga braso nito ay naka-halukipkip. Si Ozen at Josiah naman, may binabasang libro at tahimik din.