အတန်ကြာမှ ထိုအဖြေစကားကို ကြားလိုက်ရတယ်။ ထိုတော့မှ အတိတ်သို့တစ်ခနရောက်ရှိလို့သွားသော သူ့ရဲ့စိတ်တွေဟာ လက်ရှိအခြေအနေသို့ပြန်ရောက်ရှိလာတယ်။
တဒင်္ဂ ပျော့ညံ့သွားမိသောစိတ်ကြောင့် ကိုယ့်ကိုယ်ကိုကျိန်ဆဲလိုက်မိကာ..."နက်ဖြန်ည AB groupရဲ့ညစာစားပွဲမှာ ခင်ဗျားက ကျွန်တော့်ပါတနာအနေနဲ့ တက်ရမယ်"
"ပါ တ နာ အနေနဲ့...?"
"အင်း"
"ဒေးဒေး မင်း ကိုယ့်ကို ဘယ်လောက်တောင်အဆုံးစွန်ထိ..."
နှိမ့်ချဆက်ဆံဖို့စဥ်းစားနေတာလဲကွာ...
စကားအပြည့်အစုံကို ဆက်မပြောနိုင်တော့သည်အထိ မိုးသောက်သံစဥ်ရဲ့ရင်ထဲ တင်းကျပ်လို့လာရတယ်။ပထမက မေမေနဲ့ သူတို့အသိုင်းအဝိုင်း..
ဒုတိယက ရည်းစားဟောင်းရဲ့အရှေ့မှာ မျက်နှာထားစရာမရှိတော့သည်အထိ ယုတ်မာရိုင်းစိုင်းပြီးစွပ်စွဲပြောဆိုနေခြင်းတွေ...
တတိယက သူ့ရဲ့ဘဝ...အခုကျတော့ သူတို့ရဲ့လုပ်ငန်းခွင်အသိုင်းအဝိုင်းထိကိုပါလား။ အဲလောက်ထိလုပ်မှကိုရတော့မှာလား။ သူ့ရဲ့မာန သိက္ခာအကုန်လုံးကို ဒေးဒေးရဲ့ခြေဖဝါးအောက်မှာ နင်းချေခွင့်ပေးထားရတော့မှာလား။
"အဓိကက အဲဒါပြောဖို့လာတာ...ပြီးတော့ သတိပေးထားရအုံးမယ် ခင်ဗျား အဲဒါကိုငြင်းခွင့်မရှိဘူး"
"...."
"အကယ်လို့ နက်ဖြန်ည ကျွန်တော်ရှိရာဆီကို အချိန်မှီမရောက်လာခဲ့ရင်...ဟက် နောက်တစ်နေ့ ဘာသတင်းကောင်းတွေကြားရမလဲ စောင့်ကြည့်ပေါ့"
"...."
မတ်တပ်ရပ်ကာ မှိုင်တွေနေဆဲဖြစ်တဲ့ မိုးသောက်သံစဥ်ကို ပြောစရာရှိတာတွေပြောပြီးတာနှင့် ကျောခိုင်းလှည့်ထွက်လာခဲ့လိုက်တယ်။
ထိုစဥ်မှာပင်ရုတ်တရက် တစ်စုံတစ်ယောက်ရဲ့ဖုန်းဆီမှ Ringtone သံတိုလေးတစ်ခုကထွက်ပေါ်လို့လာတယ်။
🎶မှားလား အချစ်များအကုန်လုံး မင်းအတွက်...
ငါလဲ ရူးတော့မယ် ကလေးရာ...
ဆုံးဖြတ် အချစ်အမုန်း နောက်ဆုံးပြောအုံး...
တစ်စုံတစ်ခု မင်း ရွေးချယ်ပေးပါ...
ဒီဘဝ မှားလား? 🎶
![](https://img.wattpad.com/cover/268233304-288-k599705.jpg)
YOU ARE READING
မက်ခွင့်မရှိ (မက္ခြင့္မရွိ)【Completed】
RomanceThe sequel of ချမ်း (オレの愛:ကိုယ့်ရဲ့ချစ်). The love & hate relationship story of U Nge & Day Day. (Own Creation) ((Both Unicode & Zawgyi)) ^ လင်းလက်ကြယ်စင် × မိုးသောက်သံစဥ် ( Day × Dawn ) ^ side cp မြဲထင်သာ × ရာဇ် "မုန်းသည်ဖြစ်စေ.. ချစ်သည်ဖြစ်စေ အဲ...