ဘုတ်....
"အာ....ပြုတ်ကျပြန်ပြီကွာ!!!"
မနိုင်မနင်းသယ်လာရတဲ့ အထုပ်အပိုးများစွာက ပြုတ်ကျလိုက်၊ ပြန်ကောက်လိုက်နဲ့.. ဒီတစ်သက် ရည်ရွယ်ရာနေရာသို့ ထင်သာ ရောက်ရှိပါတော့မလား...
မတတ်နိုင်ဘူး... !
ဓာတ်လှေကားကို ခေါက်တုံ့ခေါက်ပြန်၊ ပြန်မစီးချင်တဲ့ ငပျင်းရောဂါကြောင့် လူနဲ့အထုပ်နဲ့မမျှသော်ငြား ပွေ့ပိုက်ပြီးတော့ ဆက်သွားနေဆဲသာ။
ဘယ်ဘက်လက်ကအထုပ်တွေကို ကြမ်းပြင်ပေါ်ခဏချ၍ ထင်သာ့ခန္ဓာကိုယ်ကိုငုံ့ကိုင်းလိုက်သည်။ ပြုတ်ကျနေတဲ့ပစ္စည်းတွေဆီ လက်လှမ်းလိုက်တော့ ရုတ်တရက် သူ့လက်ပေါ်သို့ထပ်လျက်အုပ်မိုးလာသော လက်တစ်ဖက်...
ဘယ် သူ... ?
မော့ကြည့်လိုက်တော့ ထင်သာ့မျက်စိထဲသို့တန်းခနဲဝင်ရောက်လာတာက ထိုလူ၏ညာဘက်မျက်ခုံးပေါ်က ကန့်လန့်ဖြတ်အမာရွတ်တစ်ခု... ထို့နောက် ရှပ်အင်္ကျီကော်လံအောက်က တစ်စွန်းတစ်စပေါ်ထွက်နေတဲ့ တတ်တူးတစ်ချို့ကို မြင်လိုက်ရတယ်။
"ရာဇာသက္ကရာဇ်... "
"......"
ထင်သာ့ ပါးစပ်ဖျားမှ ထိုနာမည်က လွှတ်ခနဲထွက်လို့သွားသော်ငြား တစ်ဖက်လူကတော့ ဆက်လက်၍ ပြုတ်ကျနေတဲ့ပစ္စည်းတွေကိုကူကောက်ပေးနေခဲ့ပြီး ထင်သာ့ကိုကမ်းပေးလာတယ်။
"ကျေးဇူးဘဲ"
"အင်း"
"မင်း ဒီကိုဘယ်လိုလုပ်ရောက်နေတာလဲ"
ဒီနေရာက ကိုမိုးတစ်ယောက် လက်ရှိနေထိုင်ရာကွန်ဒိုအိမ်ရာတစ်ခုပင်။ အဖျားသွေးအနည်းငယ်ရှိနေတဲ့ကိုမိုးအတွက် လိုအပ်တာတွေဆင်းဝယ်ပြီးတော့ အပေါ်ထပ်သို့တက်အလာမှာ ဤသို့ ရာဇာနှင့်ဆုံတွေ့ခဲ့ရတာကြောင့် ထင်သာ အံ့သြသွားမိရခြင်းပင်ဖြစ်တယ်။ မဟုတ်မှ CEO Linn က ဒီနေရာကို သိနေတာလား... ?
"Boss ဆီလာတာ... "
"အော်.. Boss ဆီလာတာလား? အေးအေး"
ပြန်ပြောလက်စနဲ့ပင် တစ်စုံတစ်ခုကိုသိရှိလိုက်ရပြီး ထင်သာ့မျက်ဝန်းတွေပြုးကျယ်လာရတယ်။
VOCÊ ESTÁ LENDO
မက်ခွင့်မရှိ (မက္ခြင့္မရွိ)【Completed】
RomanceThe sequel of ချမ်း (オレの愛:ကိုယ့်ရဲ့ချစ်). The love & hate relationship story of U Nge & Day Day. (Own Creation) ((Both Unicode & Zawgyi)) ^ လင်းလက်ကြယ်စင် × မိုးသောက်သံစဥ် ( Day × Dawn ) ^ side cp မြဲထင်သာ × ရာဇ် "မုန်းသည်ဖြစ်စေ.. ချစ်သည်ဖြစ်စေ အဲ...
