انشاء جی اٹھو اب کوچ کرو، اس شہر میں اب جی کو لگانا کیا
وحشی کو سکوں سے کیا مطلب، جوگی کا نگر میں ٹھکانا کیا
اس دل کے دریدہ دامن کو، دیکھو تو سہی، سوچو تو سہی
جس جھولی میں سو چھید ہوئے، اس جھولی کا پھیلانا کیا
شب بیتی، چاند بھی ڈوب چلا، زنجیر پڑی دروازے پہ
کیوں دیر گئے گھر آئے ہو سجنی سے کرو گے بہانہ کیا
پھر ہجر کی لمبی رات میاں، سنجوگ کی تو یہی ایک گھڑی
جو دل میں ہے لب پر آنے دو، شرمانا کیا، گھبرانا کیا
اس روز جو ان کو دیکھا ہے، اب خواب کا عالم لگتا ہے
اس روز جو ان سے بات ہوئ، وہ بات بھی تھی افسانہ کیا
اس حسن کے سچے موتی کو، ہم دیکھ سکیں پر چھو نہ سکیں
جسے دیکھ سکیں پر چھو نہ سکیں، وہ دولت کیا، وہ خزانہ کیا
اس کو بھی جلا دُکھتے ہوئے من، اک شعلہ لال بھبوکا بن
یوں آنسو بن بہہ جانا کیا، یوں ماٹی میں مل جانا کیا
جب شہر کے لوگ نہ رستہ دیں، کیوں بن میں نہ جا بسرام کریں
دیوانوں کی سی بات نہ کرے، تو اور کرے دیوانہ کیا
- ابنِ انشاء -
♦♦♦♦♦♦♦♦♦♦♦♦♦♦♦
Insha jee utho ab kooch karo, is shehar main ab jee ko lagana kya
Wehshi ko sukoon se kya matlab, jogi ka nagar main thikana kya
Is dil k dareeda daman ko, dekho tou sahi, socho tou sahi
Jis jholi main sau chaid huay, us jholi ka phelana kya
Shab beeti, chaand bhi doob chala, zanjeer pari darwaze pe
Kyun dair gaye ghar aaye ho sajni se karo gay bahana kya
Phir hijr ki lambi raat miyaan, sanjog ki tou yehi aik ghari
Jo dil main hai lab per aane do, sharmana kya, ghabrana kya
Us roz jo un ko dekha hai, ab khwab ka aalam lagta hai
Us roz jo un se baat hui, wo baat bhi thi afsana kya
Us husn k suche moti ko, hum dekh sakain per chu na sakain
Jisay dekh sakain per chu na sakain, wo daulat kya, wo khazana kya
Us ko bhi jalaa dukhte huay man, ik shaula laal bhabuka ban
Yun aansu beh jana kya, yun maati main mil jana kya
Jab shehar k log hi na rasta dain, kyun ban main na ja basraam karain
Deewanon ki si baat na karay, tou aur karay deewana kya
- Ibn e Insha -
♦♦♦♦♦♦♦♦♦♦♦♦♦♦♦
The ghazal was written in the early 1970s. It is widely known as 'The Cursed Song' since the singer, Amanat Ali Khan Sahab died a few month after singing it. His son, Asad Amanat Ali Khan sung the ghazal and it proved to be his last song as well. Ibn e Insha himself wrote in a letter to a friend the day before his death about how ominous this ghazal was and how many lives it has taken.
