اہلِ ذوق

لوح و قلم

ہم پرورشِ لوح و قلم کرتے رہیں گے
جو دل پہ گزرتی ہے رقم کرتے رہیں گے

اسباب غمِ عشق بہم کرتے رہیں گے
 ویرانی دوراں پہ کرم کرتے رہیں گے

ہاں تلخی ایام ابھی اور بڑھے گی
 ہاں اہل ستم مشق ستم کرتے رہیں گے

منظور یہ تلخی یہ ستم ہم کو گوارا
 دم ہے تو مداوائے الم کرتے رہیں گے

مے خانہ سلامت ہے تو ہم سرخئ مے سے
 تزئین در و بام حرم کرتے رہیں گے

باقی ہے لہو دل میں تو ہر اشک سے پیدا
رنگ لب و رخسار صنم کرتے رہیں گے

اک طرز تغافل ہے سو وہ ان کو مبارک
 اک عرض تمنا ہے سو ہم کرتے رہیں گے


 - فیض احمد فیض -

♦♦♦♦♦♦♦♦♦♦♦♦♦♦♦

Hum parwarish e loh o qalam karte rahein gay 
Jo dil pe guzarti hai raqam karte rahein gay 

Asbaab ghum e ishq baham karte rahein gay
Veerani e dauraan pe karam karte rahein gay

Haan talkhi e ayyaam abhi aur barhe gi
Haan ahl e sitam mashq e sitam karte rahein gay

Manzoor yeh talkhi yeh sitam hum ko gawaara 
Dam hai tou madaava e alam karte rahein gay

Mai-khana salamat hai tou hum surkhi e mai se
Tazayyun dar o baam e haram karte rahein gay

Baqi hai lahu dil main tou har ashk se paida
Rang e lab o rukhsaar e sanam karte rahein gay

Ek tarz e taghaful hai so woh un ko mubarak 
Ek arz e tamanna hai so hum karte raheinge 


- Faiz Ahmed Faiz -