نیا اِک رشتہ پیدا کیوں کریں ہم
بچھڑنا ہے تو جھگڑا کیوں کریں ہم
خموشی سے ادا ہو رسمِ دوری
کوئ ہنگامہ برپا کیوں کریں ہم
یہ کافی ہے کہ ہم دشمن نہیں ہیں
وفاداری کا دعویٰ کیوں کریں ہم
وفا اخلاص قربانی محبت
اب اِن لفظوں کا پیچھا کیوں کریں ہم
ہماری ہی تمنا کیوں کرو تم
تمہاری ہی تمنا کیوں کریں ہم
کیا تھا عہد جب لمحوں میں ہم نے
تو ساری عمر ایفا کیوں کریں ہم
نہیں دنیا کو جب پروا ہماری
تو پھر دنیا کی پروا کیوں کریں ہم
یہ بستی ہے مسلمانوں کی بستی
یہاں کارِ مسیحا کیوں کریں ہم
- جون ایلیا -♦♦♦♦♦♦♦♦♦♦♦♦♦♦♦
Naya ik rishta paida kyun karein hum
Bicharna hai tou jhagra kyun karein hum
Khamoshi se adaa ho rasm e doori
Koi hangama barpa kyun karein hum
Yeh kaafi hai k hum dushman nahi hain
Wafadaari ka daava kyun karein hum
Wafa Ikhlas Qurbani Mohabbat
Ab in lafzon ka peecha kyun karein hum
Humari hi tamanna kyun karo tum
Tumhari hi tamanna kyun karein hum
Kiya tha ehd jab lamhon main hum ne
Tou saari umr eefa kyun karein hum
Nahi dunya ko jab parva humari
Tou phir dunya ki parva kyun karein hum
Yeh basti hai musalmanon ki basti
Yahan kaar e maseeha kyun karein hum
- Jaun Elia -