SIMPER

Chapter 3

------

Wednesday na naman kaya nasa gym kami para sa P.E class namin. Buti naman at hindi swimming ang gagawin namin ngayon kundi Volleyball at Tennis lang.

Magkatabi kami ni Ella na nakaupo sa bleacher. Panay ang chismisan ng mga kaklase namin. Kesyo tinulungan ko kahapon si Ella para maging kaibigan. Meron din ibang nagsasabi na nagsama ang dalawang loser. Hinayaan ko na lang sila sa mga pinagsasabi nila.

Para silang mga latang walang laman ang ingay-ingay. Ganoon din ang kanila utak parang lata, walang laman. Puro sila chismis, hindi man lang sila napapagod kakachismis o kakasira sa ibang tao.

Nang kapain ko ang bulsa ko ay napagtanto kong wala don ang relo ko kaya tumayo ako at hinarap si Ella.

"Dito ka lang Ella, babalik ako sa locker room naiwan ko ang relo ko eh. Pakisabi na rin kay Ma'am kung sakaling hinanap ako."saad ko at nginitian niya lang ako bago tumango.

Dumiretso naman ako papunta sa building ng girl's locker room. Pagkapasok ko ay nakita ko naman agad sa sahig yung relo ko. Nalaglag ko pala kanina. Pinulot ko naman agad ang relo ko at lumabas na.

Pagkalabas na pagkalabas ko ay may humablot sa kamay ko at hinatak ako papasok boy's locker room. Magkatabi lang naman ang girl's locker room dito. Tumigil lang siya kakahatak sa akin nang nasa loob na kami. Walang Tao maliban sa amin.

Nang mag angat ako ng tingin ay nagulat ako nang makita si Simper. Muli ko na namang naramdaman ang pagkurot ng puso ko. Ano ba ang ibig sabihin nito? Wala akong ideya kung bakit nararamdaman ko ito.

"A-Anong kailangan mo?" Tanong ko nang Di m tumitingin sa mga mata niya.

"Drop the act." Saad niya na ikinakunot ng noo ko.

"Excuse me?" Usal ko.

"I said drop the act." Seryosong saad niya pero hindi ko alam kung bakit niya sinasabi niyan.

" I'm sorry Mister, maling tao ang nahatak mo papasok dito." Sagot ko at akmang maglalakad na palabas nang hawakan niya ako sa braso.

"Ano bang problema mo?" Mahahalata na sa boses ko na naiinis na ako.

"Then who are you?" Tanong niya sa akin at ramdam na ramdam ko ang malamig niyang titig.

"Bakit kailangan mong malaman?" Medyo tumaas ang boses ko nang sambitin ko 'yon.

"Look at me, tingnan mo ako sa mga mata." Nangunot ang noo ko nang sabihin niya 'yon.

He's weird. Bakit niya ako pinapatingin sa mga mata niya? Alam niya ba ang tungkol sa abilidad ko?

"Hinahanap na ako ng kaibigan ko." Saad ko at kinalas ang pagkakahawak niya sa braso ko.

Hindi niya na ako pinigilan kaya nagmadali na akong bumalik sa gym. Nakita ko naman na nasa labas si Ella.

"Issa! Pinuntahan kita sa locker room pero wala ka doon. Hinanap ka ni ma'am kanina. Saan ka galing?" Tanong niya sa akin.

"Ah bumalik kasi ako sa room para hanapin yung relo ko. Hindi ko kasi makita sa locker room eh." Sagot ko naman.

Pumasok na kami sa gym at ipinaliwanag ko na rin kay Ma'am ang nangyari. I mean, I lied.

Buong araw akong lutang dahil sa nangyari kanina. Ano bang kailangan ng Simper na 'yon sa akin? Napaka weirdo niya. Sinong matinong lalaki ang bigla na lang manghahatak sa locker room at sasabihan kang drop the act '

Ano bang ibig niyang iparating? Nagkamali lang ba siya? O talagang ako ang kailangan niyang kausapin?