قدري ان احبك

الجزء التالث

بغات طلق من عثمان زاد زير عليها و حاوط ايديه على خصرها
هزات عينيها كتشوف فيه
وجدان: عفاك نمشي عند صحبتي
عثمان:سكتي قطعي حسك
وجدان (كتشوف ف سلمى بالم)
هبطو عثمان و وجدان لفين كين العدول جلسها فالكرسي لي حداه و جلست تاهيا..
و عينيها مفارقتش عينين صاحبتها
عثمان شاد ليها ف ايدها باش مديرش شي شوهة

سلمى بغات تمشي و حبسها هشام

سلمى(مغوبشة فييه) : طلق مني اش هاد الزمر كديرو فيييه من نيتكم
هشام(دار السلاح فجنبها)  حسنلك خلي هدشي ايدوز من بعد و تفهمي
سلمى عينيها تعمرو بالدمووع و وجدان كذلك
عثمان حاضي وجدان و ايديها كيترعدو بينا خايفة ولكن اش ايدير طاحت معاه فضولها دارها ليها..

العدول:احم مرحبا ب العريس و العروسة..
عثمان:بلا دوك المقدمات د والو بدا..
رحمة(كتندب اللور) : اش هاد الشوهة ا عباد الله زوجتو المرة اللولة بالطبالة و الغياطة و التزويجة التانية جنازة حسن منها ويلي ويلي ويلييي...
العدول(قمعو):احم نبداو وجدان الاسماعيلي واش قابلة تزوجي ب عثمان العمراني على سنة الله و رسولة و تصبري معاه فالحلوة و المرة فالمرض و الصحة فالفرح و القرح و تكوني ليه زوجة بدون تهديد و بكامل ارادتك الحرة...
وجدان ساكتة و كتشوف ف صاحبتها و نيفها ولا حممممممر حابسة البكية باغا تغوت باغا تبكي باغا تندب جنابها و وجهها علاش هياا... علاش ديما هاكا... علاش هيا لي ماتو ليها واليديها و ماشي شي وحذة اخرى.. علاش هيا لي زهرها ديما عوج و ماشي شي وحدة اخرى.. علاش وقع ليها هاكا... علاش... گاع هاد التساؤلات كانت كتسألهم وجدان ف راسها و هيا كتشوف ف صاحبتها لي هيا الاخرى كتبكي و كتشوف فيها مفاهما والو لا علاش لا كفاش.. واالو و عندها بزااف التساؤلات كيفاش الصباح صاحبتها مشاات فرحانة و دبا كتبكي و غتزوج ..
العدول:احم انعاود نسولك مرة اخرى.. وجدان الاسماعيلي.. واش قابلة تزوجي ب عثمان العمراني على سنة الله و رسولة و تصبري معاه فالحلوة و المرة فالمرض و الصحة فالفرح و القرح و تكوني ليه زوجة.. بدون تهديد و بكامل ارادتك الحرة
قرب عثمان لودن وجدان و قال
عثمان:جوبيي..
وجدان(هزات راسها شافت فييه و عينيها حمرين بالدمووع و كيدلو على الحححقد لي فقلبها تجاه هاد الشخص لي قدامها رجعات شافت فالعدول و نطقات)  قابلة..
سلمى دارت ايديها على فمها و زادت فالبكااا... 
عثمان:(بلاما اسولو العدول)  قاابل
العدول(كرهو هاد بنادم فخدمتو هههه) : اذن كنعلنكم زوج و زوجة ...
بداو الناس كيسفقو و وجدان غايبة على الوعي كتبكي فالداخل ديالها
داز داك العرس بحال الجحيييم على وجدان دغيا تفرتكات الجقلة و عثمان مفارقش وجدان شاد ليها ف ايدها.. 
طلق هشام من سلمى
مشات كتجري لعند وجدان
ناض عثمان من حداها و مشا وقف بعيد عليهم
جات سلمى كتجررييي و عنقاتها
غير عنقات سلمى وجدان بحالا وركتي على البوطون د البكا و طلقات دموعها
سلمى:ششش...شششش... متبكييش
وجدان:هئ هئ..... سلمى..... هئ هئ
حيدات سلمى من وجدان و بدات كتشوف ليها فوجهها
سلمى(كدوي بحال المسطية) : مالكك... شنو ضارك(شافت فالجيرة ديالها) اش وقع عودي لياا واخاا..
وجدان حركات راسها و شافت ف عثمان و طلعات هيا و سلمى الفووق
دخلو للبيت و سدات وجدان البيت
سلمى:دوي اش واقع كيفاش الصبااااح خرجتييي و دبا اتزوووجي راه مفهمتتتتتش متكدبيييييش عليا دوي
وجدان:ششش انعاود ليك كلشي غير سكتي..احم ليوم مع وقيت الغدا جات عندي مامات واحد المريضة عندي قاتليا بنتي مريضة و مكدويش.. و طلبتني باش نمشي نشوفها فالدار..
مشيت شفت البنت دويت معاها و كان خصني حصص اخريين باش نشخص حالتها
سلمى ساكتة و كتسمع ليها
وجدان: نزلت باش نعلم خوها لي هوا..
سلمى(قاطعتها):عثمان العمراني
وجدان(غمضات عينيها) : اه هوا دويت معاه قتليه راه خصها حصص اخرين و قاليا ديري لي بانلك و معبرنييش من بعد مشا لواحد البلاصة و انا.. 
سلمى:تبعتييه
وجدان(حركات راسها باه)
سلمى:(معصبة)  زيدي كمليي
وجدان:تبعتوو..و شفت لي مكانش خصني نشوفو... شفتو قتل واحذ الراجل ا سلمى (زادت فوتيرة البكا)  قتلوووو بقا كيطلب فييييه و وااالو قتلو
انا مني شفتو غووت و خرج تبعنيي من بعد حبسني فالاصطبل و انا فكرت نهرب ولكن طحت و (هزات اليد لي فيها الجبيرة) و تهرست...  من بعد خيرني ما بين زووج حويييج يا نتزوج بييه يا ايقتلني
سلمى: و نتي ختاريتي الزواج
وجدان (حركات راسها ب اه) 
سلمى (ناضت هزات شعرها على راسها و دوات)  واش السيبة فالبلاد هممم راه كيتسمى هادا ابتزاااز خصنا نعلمو البوليييس
وجدان:سلمى راه ايدو واصلة واخا نقولو البولييس راه ميمكنش معدنا منديرو هادشي مكتااب
سلمى:لا لا مخصكش تبقااي هنااا...
وجدان : حتا انا مبغييتش ولكن (هزات كتافها)  مكتاب (ابتسامة منكاسرة)
سلمى بقات فيها صاحبتها و عنقتها بحالا كتقوليها انا معااك متخافييش
بقاو البنات هكك حتا وصلات هاديك 11 ليل
سلمى:اش انديرو دبا
وجدان:معرت انمشي معاك
سلمى:وداك المريض ايخلييك
وجدان :معرت لييه
ناضت وجدان حللت الباب و لقاتو طالع
عثمان:اووه مرتي العزيزة فين غاذا راه عاد سالينا العرس (شاف ف سلمى) صاحبت مراتي صافي دغيا صخيتي بيناا
سلمى مدوااااتش معاه
وجدان : انا انمشي مع سلمى
عثمان (واقف على جنب الدروج و مربع ايديه) : و نقدر نعرف علاش
وجدان : معنديش حويج.. 
عثمان: نووو راك عروسة جدييدة دبا اولا و حويجك دبا ايوصلو عندك
(قرب حدا وجدان عنقها من اللور و قال لسلمى )
انخون لك صاحبتك شوية
و زاذ بيها للبيت
وجدان (وقفت لييه و شافت فييه) : ب بغيتها تبقا معايا..
عثمان هاز حاجبو شحال فيها د الطلبات
وجدان: ايلا بغيتيني نبقا هنا حتا هيا تبقااا
عثمان:اوكي (شاف ف سلمى) دخلي ل داك البيت
سلمى:وجدااان
شافت فيها
سلمى : متنسايش اش قتلك
حركات وجدان راسها و عثمان كيشوفيها و زادو دخلو للبيت سلمى شافت تا عياتت و دخلت ل داك البيت
دخلو العرسان ديالنا ههه
سد عثمان البيت
وجدان كتشوفييه و شادة فالجبيرة ديالها
مدواش عثمان معاها مشا دخل للدريسينغ حيد الكوستيم لي كان خانقو دخل للدوش دوش و خرج لاوي فوطة على خصرو و شاد فوطة صغيرة كيمسح شعرو
وجدان (شافت فييه و غطات عينيها بايد وحدة): واا لبس حويجك ا خويا
عثمان(جاتو الضحكة مفراسهاش بلي اتولي تشوف ديما هاكاا ) : لا مباغييش
وجدان :(حيدات ايديها على عينيها كتلعن فراسها من هاد المقزدر لي معاها ) انا اندووش و بغيت حويج
عثمان:عدي ب حويجي تال غذا و ايجيبو ليك حويجك
وجدان جات داخلة لطواليط و وقفها ب صوتو
عثمان:متفزگيش ايدك
وجدان مجوباتوش و دخلت سدات الباب
كتشوف راسها فالمرايا و فراسها مية مطرقة و مطرقة ... واش توكل امرهها لله و تعيش حياة عادية ولا شنوو.. عامت ديك العومة د الزربة حيدت العرق و خرجت لاوية عليها فوطة و شعرها فازك طيح على كتافها
شافها عثمان ا بنص عيين لي كان متكي فوق الناموسية شاد تيليفونو
شافت فيه تاهيا و دخللات للدريسينغ كتقلب ف حويجو فشنو تلبس طاحت عينيها على واحد التيشرت زويين هزاتو لبساتو مكانتش دايرا سوتيام ولكن صدرها واخا هكك واقف بلا بيهم قلبت على بوكسور و بقات مترددة واش تلبسو ولا لا
وجدان: اييه ا وجدان بقاي ا ختي هاكا  بقااي باش ايشد مك ايكسلك هنا نيييت
لبساتو و خرجات كتنزل فالتيشرت شافيها عثمان و مدواش خلاها
بقات ساكتة شوية و هيا دوي
وجدان:ف..فيا الجووع انا
عثمان:اش بغيتي
وجدان:بغيت ناكل
عثمان: (حط تيليفونو و شافيها) اه عرفناك باغا تاكلي اش باغا تاكليي
وجدان:احم(بقات مترددة و قالت مع راسها وراه راجلك ا لملعوقة قوليه اش بغيتي) بيتزاا
عثمان:اوكي
ناض خارج و بغات تبعو و ضار عندها
عثمان(حرك راسو) : نتي فيين
وجدان:هاا..نخرجو ناكلوو
عثمان:سيري تكمشي لهيه قبل منجمعها معاك ب طرشة
وجدان:شنوا و علاش من نيتك
عثمان:باغا تنزلي هاكااا
وجدان عاد وعات براسها شلابسة
وجدان : واخا.. انا.. اندوز ا عند سلمى
عثمان:وجدان..
وجدان (اول مرة ايعيط ليها ب سميتها) ممم
عثمان:دوزي تجلسي الهدرة متعاودش زوج المرات
وجدان هبطاتو و طلعاتو ب عينيها و خبطات رجليها مع الارض و مشات تلاحت فوق الناموسية
عثمان جابت ليه الضحكة بهاد التصرف لي دارت خرج كي ضحك و كيحرك راسو ب لا حول و لا قوة الا بالله
وجدان بدات كضور شوية فالبيت حلات البالكو و شافت الجردة د القصر عجبتها بزاااف ضربت على البيسين تشهات تعوووم فييه...بقات سااهية حتا دخل عثمان و مدخل معاه بيتزا و موناضا و هاز واحد البواط صغيرة
دارت وجدان شافت بيتزا بحالا شافت الذهب ههه
وجدان: ا ههه (كتصفق بايدها)
عثمان كيقول مع راسو دبا هادي عندها 25 هههه
حط بيتزا فوق  طابل و دخل ديك البواط لطواليط و جر كرسي جلس فييه
وجدان حلات لبواط د بيتزا و لقات فيها زيتون كحل و خصرات سيفتهاا...
وجدان : ولاش زيتوون
عثمان(طلع فيها عينو) : مكيعجبكش
وجدان : لا خييب
عثمان: (معندوش مع التحزار و التبزار) كولي و سكتينا
وجدان: زعما متقدرش تبقا ضريف شوية
عثمان:  و زعما نتي متقدريش تاكلي و نتي ساكتة
خنزرات فيه وجدان و بدات كتنقي ف بيتزا من زيتون كحل و تاكل و تلذذ
عثمان  كياكل و حاضيها اش كديير
كملو ماكلتهم ناض عثمان غسل ايديه جمع دكشي و حطو تمك تالصباح و مشا تكا فوق الناموسية
وجدان ناضت و غسلت تاهيا ايدها خرجت و قالت
وجدان:اوا فين انعس انا
عثمان: مع صحبتك
وجدان(الفرحة اتخرج ليها من نيفها)  واخااا
مشات تحل الباب و هوا اوقفها بصوتو
عثمان: تفوتي داك الباب نهرس لمك رجلييك
وجدان:(رجعات باللور و بقات كتشوف فيه بعويناتها)  وا نتا قلتي لياا سيري
عثمان:(ناض عندها و وقف حداها) ديك النموسية معجباتكش
وجدان:ش شنو نعس تمك (خرجات عينيها) 
عثمان:ايلا بغات سعادتكم
وجدان:(ضارت عندو) ولكن
عثمان:اش.. (شافها اش لابسة)  دخلي لبسي اش حطيت ليك فطواليط
وجدان: اشنو
عثمان:دخلي
دخلات وجدان للطواليط و حلات ديك البواطة لقات غوب دو نوي فالبيج فاضح كثر مساتر