خرجات رحمة عينيها ف وجدان صافي خرجت ليها طاي طاي رحمة:هويلي حاااي كتعيرييننيييي ضارو البنات ايشوفو مال رحمة كتغوت حيت وجدات ذوات ا بينها و بين رحمة مسمعوهاش الدرياات رحاب:(ماماها طلعات ليها الزعف) وا صافي ا ماما الدرية مقالت والوو (جرات وجدان من ايدها) يلاه ا وجدان رحمة(ناضت كتشالي بايديها) : وا عيرتني بنت الخانزة و فقلب داري وجدان(عقدت حجبانها) : عرفي راسك شكتخرجي من فمك ا خالتي كيفاش بنت الخانزة و فين عيرتك (ضارت عند رحاب و شاف فيها الشوفة ديال المشاش) شفتيها ا ختي رحااب عيرت ليا ماما قولي واش كنضلمهااا.. رحاب:مامااا(كتخرج عينيها ف مها زعما عييب) رحمة:لا لا (هازة صباعها و طالقة حلوقها كتغووت) انا مني وليت نتعاير ف قلب داااااري مبقا ميتقااال وجدان:(كتشوف فيها) فين عايرتك ا خالتي ا قوليليا فيين.. رحمة(كتشوف ف البنات) : علاااه مسمعتووهاشششش قالتيياااا وجهك وجه الدللوووو وجدان خرجات فيها عينيها ب معنى ااننااااا رحاب:لاواه لاواه ا ماما متزيديييش فيييه متقولهاااش وجدااان سلمى ا كتفرج و ساكتة عارفة صحبتها و علاش قادة لي جبدها القاها و لا بغاتك تعرفي راها دارت الحاجة تعرفي الا مبغات راه كضرب الطم كي دارت دبا.. وجدان:خالتي انا معيرتكش ولكن انطلب منك السماحة (بدات كتنخصص بلعاني) واخا هئ عيرتي ليا ماما المرحوومة ولكن هئ حيت انا بنت الاصل نطلب منك السماحة.. (هزات ليها ايدها و باستها و هيا ميقة منها) المسامحة رحمة ا كتشووف فهاد اللفعة كيف سماتها لي واققفة قداامها و كيفاش قلبت عليها القفة مكذبوش لي قالو اللحلاحة كتغلب السحاارة ههه هزاات وجدان ساكها و خرجت و دايرا ضحكة كيوت ف فمها ههه رحاب:عيب ا ماما و الله حتا عييب ايلا عرف عثمان اش درتي علم الله اش ايقولك رحمة ضربات الطم عرفات راسها كتلعب مع عقرب و خصها ترد بالها ولكن حتا هيا لا تضاهي وجدان فالتحريميااات..... مشات سلمى و رحاب تابعين وجدان لي خرجو لقاوها ططاالقة الشعبي و تشطح و تحير رحاب:(كدوي مع سلمى)ههه حمقة هاد صاحبتك سلمى: صاحبتي حمقة مع لي حمق و ضريفة مع لي ضريف و شرانية مع لي مشرار رحاب بحالا فهمتها شبغات تقوول مشاوو ركبو مع وجدان و تاجهو ل قهوة حدا البحر ايخططو فييه كيفاش ايقنعو عثمان باش ايصافرو دااز الوقت و وصل الليل النهار كامل و البنات خارجين دوزو الوقت زويين رجعو للداار قنعات وجدان سلمى باش تبقا معاهم ليوما فالقصر طلعو البنات ل بيتهم رحاب و سلمى و وجدان مشات ل بيتها غاذا و كتقلب ف تيليفونها مدواش معاها و مصيفطش ليها ميساج وجدان:بفف غير نقطة خسر علينا ا نقطة (طفات تيليفون) المعفر لاخر دخلات للبيت و سداتو نصلات حويجها كي ديما عند باب الدووش هه و دخلت تعووم و تحيد العيا دالييووم خرجت من الدووش و مشات لبسات عليهاا بيجامة
Oops! This image does not follow our content guidelines. To continue publishing, please remove it or upload a different image.
