قدري ان احبك

الجزء التاسع

خرج عثمان عينيه فيها تصدم
وجدان:بينغوو bingoo كيفاش عرفت ياك
عثمان:بلا هدرة خاوية انا ممخبي علك والو..
وجدان:وي باينا.. 
عثمان:دبا بلاما تخصري النهار رجعي دكشي لبلاصتو فين لقيتيه
وجدان:(بحزن) باقي كتبغيها يااك
عثمان:(هز راسو فيها) كيفااش
وجدان:سولتك واش باقي كتبغيهاااا (بدات تغوت)  منييي مخليي مزااااال حوييجها هنااا... يعني مزااال كتبغييهااا... ههه و جايبنييي هنااا.. فين كنتي كتجيييب مرتك القديييمة بلا حشمة بلاا حيياااا
عثمان(وقف كيشوف فيها) : خفضي صووتك ا وجدان
وجدان: مخاافضااهش.. مخااافضاااش صوووتيي.. انااا عييييييتت مليييييت.. وجداااان نوووضي... وجدان جلسييي... وجدان سكتتتتيي... قطعيي حسسسكك... ديماااااا ديمااا قامعنننييي.... علاش مزوج بيا فالاصل غيير باش تسكتنييي... ياااااك هادشي لي كين (تغرغرو عينيها قرباات ليه و دوات بصوت منخافض) كنكرهك.. سمعتيي.. كل عضضوو فيااا كيقووول كيكرهك
هزات شعرها من عليها و مشات جلست ضامة رجليها عندها كتشوف ف البحر و دموعها نازليين
علاش..كتسول راسها علاش تعلقت بواحد عقلو و قلبو معا مرتو القديمة..علاش تزوجها من الاصل..ههه غير باش اسكتها يعني معندووش هاديك الفكرة ديال انبغيها و كداا
شافيها عثمان تاعيا و مشا جلس بعيد عليها عارف راسو دار خطأ من الاول مكانش عليه ايتزوج حتا ايخوي قلبو و عقلو من مرتوو..
وجدان كتشووف فالبحر.. كتحس براسها محگورة.. مزوجة بواحد بزز.. ولفاتو لدرجة ولات كتبغييه ولكن هوا عقلو مع مرتو لاخرة..
وصلو للميناء هزات وجدان ساكها و نزلت غادين حدا بعضياتهم ولكن مكيدويوش
وصلو للطموبيل و ركبو كانت هاديك 10 دلييل
غادين فالطريق و ساقلين
عكس فاش كانو جايين هه كيقولو المغاربة لي ضحكناه نهجرووه هيا تاعت وجدان
وصلو للقصر نزلات وجدان من الطموبيل و علامات العيا كيبانو فوججها عوينانها منفوخين بينا فيها باكية
دخللات للداخل و خللتو وراها
كان كولشي فالصالة مجموعين ضربت فيهم و زادت
رانية(كدوي مع ختها) : مال هادي
ريماس:هه معرت كوراه عطبها من شي قنت تاني
دخل عثمان كيشوفيها طالعة فالدروج
قال السلام عليكم و نضم ليهم مجاتش ايطلعو بزوج
رحمة:مال ا وليدي مرتك مقالت تا السلام راها ا ديال الله
عثمان(مكيحملش لي كيبقا ليدوي ليه على حاجتو) : كنا فاليخت و عيات
رانية(مخرجه عينيها): كنتو فاليخت..
عثمان مجوبهاش
منير:يلاه امسية سعيدة
طلع للفووق
وجدان دخلات للبيت و نسات مسداتوش
جلسات فوق النموسية كتشوووف ساهية معارفاش شنو هدشي مضاربة ا مع راسها
ناضت حيدات التريكو لي كانت لابسة بقات غير ب ديباردووور
منير كان دايز و شاف باب البيت محلول مشا كيشوف لقاها محيدة حويجها
منير:بابابا حشومة ضيع مع داك عثمان بففف
عثمان لي كان طالع و سمعو اش قاال محس براسو غير ضاربو ببونية
منير (غووت) : مال دين مكك زملتتيي ولا شنوو
عثمان:(شانق علييه) انا اش قلت لزااامل لي ولدكك ياك قتلك مرتييي خط حمممرر ولا مقلتهاااتش
سمعات وجدان صووت عثمان كيغووت نسات راسها اش لابسة و خرجت كتجري
وجدان:ويلييي...طلق منوووو عثماااان
منير شاف وجدان و دار فعثمان هه شوف مرتك و غمزوو
عثمان شافها اش لابسة محس براسو ا داافع منييير و صرفقها بججهدد
وجدان ودينها صمكهم لييها بديك الضربة
عثمان:دخخخلييي
عينيها غرغروو دخللت كتجري للبيت سداتو و دخللت للطواليط سدات عليها بالسارووت
طلعو رقية و رحمة كيفكو
رحمة:عفا وليدي لما برد عفا وليدي
عثمان:قاااود من دارييي دابااا
عثمان:(هابط فالدرووج) عقل عليها ا ولد خالتييي... ديتي ليا اللولة و دبا التانييية عقل مزييييان
جا ماشي عثمان باش ايضربو و هبط منييير فالدروج
عثمان معععصصبب ديال ببصصصح ضار كيضرب فايدو مع الحييط
عثمان:اااااااعععع...
دخل صاخط للبيت حلو بالجهد و سدووو لي لقاه قدامو كيهرسسوو
رحمة و رقية دخلو لبيوتاتهم سادين عليهم ختفو لا تجي فيهم شي دقة
هرس المراااية هرس كولشيي شخشخووو تعصب ديال بصصح علاش كتسدش البااب و علاش تخرج هكك عريانة
وجدان شادة ودنيها عندها لي مبقاتش كتسمع بوحدة كيضربها الضوو فيهاا و كتبكي بجههد شادا على قلبهااا كتسمع فييه كيهرس و ايشخشخ
بقات وجدان حابسة عليها فطواليط تا سمعاتو سكت مبقاش تهراااس
ناضت و حللت الباب كلها حمرة اما واحد الحنك زراااق بقوة الضربة
لقاتو واقق فالبالكو و الدنيا گاع مهرسة و مشخشخة
سمعها حلات طواليط ضار عندها كيشوفيها
لقاها گاع كترعد و حنكها زرق ايديه طراساو و ماشي بحال ديك المرة كثر
عثمان مشا عندها وقف قدامها يلاه بغا ايدوي و هيا تقول واحد الكلمة خلاتو مصدووم
وجدان:طلقنيي..
هزات عينيها فيه و مغرغرين
وجدان:طلقني ا عثماان..انا منقدرش نصبر على هاد العييشة هئ.. منقدرررشش... ديما الصدااع..انا مفهمتش هاد الغيرة عندككك... مكتبغييننييش.. و كتغيير مفهمتش..ا خويا طلقنيي.. الراجل لي ايضربني معندي مندير معااه(هزات عينيها فييه) هئ الراااجل لي عقلو مع مرا اخرى معندي منديير معاااه.. طلقنيي.. عفاااك.. كنطلبك... هئ.. طلقنييي(جلسات فالارض كطلب فييه) خليني نعييش مرتاحة.. متخلينيش نتعلق بيك كثر و كثر.. حتا انا باغا الراجل لي ايبغيني و نضحكو انا و ييااه ماشي ايبقا حابسنني..عفاااك كنطلبك هئ...
وجدان كتبكي قدامو و هوا مقادر اديير والو مكيحملهااش فاش كتبكي عارف راصو عصبي بلا قيياااس فاش كيتعصب مكيبقا ايشوف حد قدامو
نزل عندها و شافيها و دوا
عثمان:الطلاق هوا لي عمرك تحلمي بيه ا وجدان..
خرج من البيت و هبط التحت
وجدان(زادت فوتيرة البكا) : هئ.. وا علااااااااااش... علااااااااش.... طلقنننيييييييي..... برااااتي توصلنننيييييييي(كتغوووت ربي لي خلقهااااااا)اااااااااااااااااااااااااااااا هئ
غوتات تا غوتتتها تسمعات فالقصر كااااامل
رحاب قلبها ضرها مني سمعات غوتت وجدان.. كتحمل ف طياتها تعب...الم...انكساار... و حتا حب.. 
على اثر هاد الغوتة فقدات وجدان الوعي الطونسيو طااح ليهها
مشات رحاب كتجريي لعندها لقاتها طيحة فالارض و البيت كامل مشخشخ
رحاب:ماماااا...عيطي لعثمااان...
هبطات رحمة كتجريي مشات عيطات لعثماان قاتليه مرتك سخفاات
مشا كيطلع درجة و اينقز ربعة
طلع لقاها هكك دابلة و مليوحة فالارض
هزها بحال الشرويطة و داها لليرجونص