قدري ان احبك

الجزء السادس عشر

وجدان:وا طلب السمااحة
عثمان:الا
وجدان:طلب السمااحة
عثمان:وا قتلك لاا
وجدان:راه اندير فك تانا شرع ايديي
عثمان:اش لمك اتسخنيني و تهربي تاني
وجدان:بداات دور ف عينيها.. ههه االاا ههه
عثمان:وا معرف انا
وجدان:وا طلب منو السماحة... بدات ترمش عليه ف عينيها بحالا اتبكي و جمعات دوك القنانف بحال الدرااري الصغاار ولا منضرها كيوووت
عثمان:شافها كي دغيا قلبت وجهها و رجعاتو بحال لوليدات الصغاار تشوفها تحلف عليها مهيا لي كضل نهار و ماطال ترد عليه فالهدرة و مشا بلهلا ايطريه لييه بدا كيمسح ليها على كتفها و قاال... صافي ا سكتي سمحيليا
وجدان:هههه صافي
هزات  تيليفونها و بغاات تخرج و وقفها
عثمان:فيين غادا
وجدان: ماغادا فيين راه قتلك انعرض على عمااتك ليوماا باش ندوزو العوااشر
عثمان: اوا تبتي للارض راه لي مكلفين بالكوزينة ايطيبو
وجدان:لا لا من نيتك انا عارضة على النااس و منطيبش ليهم انا تؤ مالني مقطووعين ليا ولا شنو
عثمان: هز بكتافو ...  نتي تعرفيي.. يلاه انا خارج لا بغيتي شي حاجة عيطي لياا
وجدان:مغاديش تفطر
عثمان:تؤ انفطر فالشركة
باسها ف حنكها هز سوارتو و خرج
وجدان:شادة بلاصت البوسة بحال الحمقة... اااه يا ربي الله ايخلينا ديما فرحانين و ناشطيين ههه
خرجات من بيتها و مشات كي العاصفة عند البناات لقاتهم فااقو و نزلو التحت
هبطات حتا هيا التحت لقاتهم مجموعين على الفطووور
وجدان:صباح الخير
جوبوها لي فالطابلة بالمثل و باشرو فالاكل
وجدان:احم خالتي رحمة
شافت فيها رحمة ب معنى شكااين باقا هازا عليها شووكتها من ديك المرة هخهخههه
وجدان:قلت زعما ليوما نعرضو على عمات عثماان و ندوزو معاهم العوااشر نطيب كسكسو..
رحمة:ربعت ايديها...  عيطي ليهم ا ختي انا مبقا عندي ري و لا شوار فهاد الدااار لا صافي انا سكت مقلت والو
رحاب:ماما راه سولاتك واقيلا
وجدان:ضحكة صفرة...  ههه لا لا ا رحاب عادي راها كتبقا هيا مولات الداار و الرااس الكبيرة اولا ا خالتي
رحمة:وا شوفي ا نتي
وجدان:مهم انا قتلك شعندي ا خالتي انعيط ليهم و نديرو قصرية د كسكسو (هزات ليد لي فيها الخاتم كتلعب بيه فايدها) و حتا راااجلي تشههاه و منردووش ليه فوجهو ههه
رحمة:هاو لا تشههاه ايقولها لممووو
وجدان:ههه ميبقاش ف خالتي الحاال سمحيليا و صاف خديتلك بلاصتك
سلمى:تحت نيفها... احياااني علك ا نمرووودة انا نعرفك
كملو الفطوور و ناضت وجدان لبيتها لبست عليها قاندورة فالموڤ و كلاكييطة عقدات شعرها ف نيڤيا باش ميطيحش الزغب فالماكلة..
هزات التيليفون و عيطات لعماات عثماان فرحوو فاش تفكرتهم وجدان اصلا دخلت ليهم لخاطرهم من نهاار تجمعوو
نزلت للكوزينة و بداات تنقي فالخضرة و البصلة باش ديرها تفاية...
عند سلمى لي من بعد ما فطراات مشات تعون وجدان فالكوزينة
سلمى:احم وجدان
وجدان:كتنقي فالخيزو.. ممم
سلمى:تعقلي على داك خينا لي كنت قتليك عليه خدامة ليه واحد البلاان
وجدان:وااه مالوو
سلمى:دبا كي شتيه هواا معرووف و دكشي يااك
وجدان: ضارت كتشوفيهاا... اري الموووفيد عجبك نخطبو ليك
سلمى:الخراا تي عقلك فيه ا الزوااج
وجدان:اوا شنوو دوي شكين
سلمى:احم وا هوا الصرااحة الزيين زويين ههه
وجدان: هانا على بنت نادية تاهيا تزعطت
سلمى:حمارة مالني معندي قلب
وجدان:و شنو دبا اشنو نديير
سلمى:مديريش والو غير هوا ديك المرة كنت تلاقيت معااه و..
وجدان:وا دوي ا لخريية باركة تعصري عليا هنااا
سلمى:اهاديك بغلة القبوور متغوتيش علياا..
وجدان:اوا دويي تلاقيتو و شنوو
سلمى:اووووف معرت.. دبا هوا زوين و فاش كندوي معااه كنحس بقلبي كيرفرف و فاش كيشوف ليا ف عيني كنحس بالحشمة و و تاني فاش كيدوي مكنبغيهش ايسكت صوتو زوييين و مشيتوو كولو كولو على بعضوو
وجدان:كتمسح ايديها فالسربيتة...  على سلامتك ا بب
سلمى:شنو لي على سلامتي
وجدان:راك طحتي على زنافرك طيحة خييبا
سلمى:اويلي من نيتك
وجدان:وااه من نيتي هاداك كيستما الحب لوووڤ بلوونچلي
سلمى:لا لا اويلي انا شتو زووج مرات بالحسااب و نولي نبغييه
وجدان:و مال البغو ايجي ايتشاور معااك ا صحيببتي ايدق علك البااب و ايقولك كوكو سليمو واش ندخل ا نوضا اوا نووض تششلي راك طحتي طيحة العما فالضلماا (كتسمع التشنشييط) ويلييي ويليي بغييت ليك الساااكتة نشاء الله ويلي التفاية تحرقت
مشات كتجري كبات عليها شوية الماا باش متلصقش كاملة و بقات كتحرك فييها
وصلات ديك الثلاتة و الضيااف جااو جلسو فالصالون الكبيير لي كاان مفرش ب مبرة فالزرق و الذهبي و فييه زووج طواابل و صوندرييات فوقهم ،طعاارج للعشية باش ايقصروو استقبلتهم وجداان بابتسامة كي ديما لابسة عليها قنيديرة فالحمر جامعة شعرها كودشوڤاال و ديرا عكر مااات لون الفم و ايلاينر و ريحة صيفية ديال الڤاني و لابسة شريبيل فرجلهاا

و البنات لابسية حتا هوما قنيديراات فالاوان مختالفة و جمالهم الطبيعي بااررز
عمة 1: ولاهيلا نهاار كبيير هادا مني تجمعناا مرة اخرى
وجدان:ربي ايخليك ا خالتي اوا قلت نتجمعو فهاد العوااشر و ندوزوها مجمووعين اول عواشر ليا معاكم
عمة 2: معندي ميتساالك ا بنتي ههه سعدااتك ا رحمة ب عرووستك كون عرفتها قبل نخطبها لولدي ودييع
رحمة:ضحكة صفرة.. شتي ههه سعدااتي بيها نوارة نوارة
سلمى:هههه
رحااب:ا مالك كتفرنسي
سلمى:جاني الضحك اويلي نفرنسش
رحاب:فرنسي ا ختي على زهرنا العوج
ناضت وجداان تشوف القصرية  فين وصلات فالتسكية لقاتهم موجديين كلشي و اللبن فالكيساان ديال الزااج و فيهم من الجنب  زويوقاات فالدوغي زويينين
سگاات وجدان بايديها لعثماان و حطات ليه حقوو فالجنب مني ايجي تسخنو لييه
هزات وجداان القصرية و مشات حطتها فوق الطابلة فالصاالون
وجدان:قولو باسم الله
دخلو ف ديك القصرية طول و عرض ايكالو و ايشكرو ف طياب وجداان
كملو غداهم حطو ليهم الديسير كلاوه حتا هواا
وجدان:ههه اوا ا النااس نبداو دبا و لا حتاال شوية
عمة 1: هزات الطعرييجة..  سيرو عالله
💃 ياو صبااطو مسيري حدوو القدااام
البناات: ويلا جااا
💃 كتافوو عرااض تاع السلهااام
البناات: ويلا جاا
💃 جلابتو رقييقة حبة حبة
البناات: ويلا جاا
💃 ويلا ماا جا را نقلب عليييه
اوا حمااااوها شطييح و ردييح و وجدان جاوها على گانتهااا مشهيية الشطييح خلات رحمة مصدومة كيكتحرك طرمتها عاد دبا عرفات ولدها فين كان عقلو ههه النهار اللول
اوا مكملو الشطييح حتا ايديهم طابو بالضريييب  مسخااو بالجمعية كي كيقولو ولكن دارها الوقت
فرتكو الجقلة و بقاو ا البنات و رحمة لي مجموعيين
ناضت وجدان جابت ديك الجلابة لرحمة و عطاتها ليهاا
رحمة:كتشوف ف الجلابة متكدبش عجبتها.. الله ايعطيك الخيير
وجدان:ههه وايلي ا خالتي مبيناتناش دبا حنا عائيلة وحدة اولا
رحمة:ممم
وصلات ديك التسعة دالليل كلها و دخل ل بيتو تكوور جمعات وجدان مع البناات و مشات لبيتها نصلت عليها القاندورة و ديماكيات وججهها لبست عليها بيجامة و مشات جبدات شيبس من المجر خدمات فيلم فالتلفاازة كتفرج عليما جا حبييب القلب ديالها...

يتبع...