امانكِ بين اضلعي

البارت السابع عشر

#امانكِ بين اضلعي
للكاتبة ضوء القمر

تايهين بلا محطات وسفر
والفرح مَر بينه صدفة وأنكسر .
.....
تراتيل.بعد الغدة كعدنه بمكتبه جان بيده ملف واني بقيت مركزه على الكاب الي موجودة مشت بالمكتبة حلو عنه حب الاطلاع وهالشي نقطة الي

وثاب :مبين اهواي تحبين الكتب
تراتيل.فزيت جان وراي كلش مكدرت التفت تنحيت خطوة والتفت عليه جان مخليه اديه بجيوبه :أي احب الكتب والقصص والروايات هواية المفضلة وانت مبين هالشي عليك
وثاب :كل هالكتب هي خاصه بشغلي وحتى الروايات الي بيها قضايا موجودة تكدرين تكولين اي
تراتيل :زين وعندك مجال تقرا
وثاب :لا ماعندي بس مرات بليل اكعد من اكون مشغول ومحتاج شي يريح بالي
تراتيل :القراءة شي حلو
وثاب :اي احجيلي اشلون قبلتي
تراتيل :على شنو
وثاب :توقعت بهالتأخير هو رفض شنو الي غير رايج
تراتيل.نزلت راسي من خجل بس تعودت حتى لا اباوع بعينه :ماتغير راي اصلا بالاساس تركت السالفة تحل نفسها بنفسها واشلون وافقت بدون اي تفكير وافقت ليش مااعرف ماعندي جواب

وثاب.بقيغ صافن عليها كلامها بين الي عجبني وين لا :افهم منج بدون وعي مامتندمه
تراتيل :لا ليش اندم بحالة وحدة اندم اذا قررت اخرب حياتي هنا اندم عمري ماندمت على شي
وثاب :يعني مواقفه بكلشي ممكن يصير
تراتيل :ماما كتبت وصيتها وقررت ويه خاله كلشي تتوقعت اكدر ارفض أو يكون الي قرار لا لان ماما تعرف مصلحتي
وثاب :شنو افهم من كلامج اني كتلج انتي حرة بقرارج ليش تراجعتي جان بيدج ترفضين ومحد يجبرج على شي لا وصية ولا اي احد معقولة مافكرتي بحياتج وياي
تراتيل :بلي فكرت بكلشي الي يختاره الك القدر يكون مقدر الك واني كتلك قراري مكان رفض
..مكدرت احجي الي بداخلي فعلا اني قراري مكان رفض بس السر هو الي مانعني اتمنى بذيج الليلة مايصير بينه شي

وثاب :هذا هو واذا بيوم شفتي نفسج مامستعدة تكملين راح اقدر وضعج
تراتيل :تمام
من بعدها رجعني للبيت ومشت باقي الايام مثل الي قبلها ماكو بينه اي تواصل غير حتى كان نادر يفتح واني جنت مرتاحه بس دوم ينبهني ومرات يتصل بيه يجي ياخذني بعدها بفترة كال نعقد لان مكدر بعد عقد القران صار عنده شغلة واطر يأجلها. بالنسبة للعقد خلال يوم واحد كلمنه كلشي وعقدنه محكمة المحكمة أغلبها عرف اله اجوي كلهم يباركون وخاله فرحتها ماتنوصف عمو مسوي عزيمه علمودنه طبعا مو عزيمه نص العشيرة موجودة من غير الأصدقاء. اني من كلش بهيج مواقف البنات يعرفني

جيهان :ههه يعروسه اشبيج صافنه
تراتيل :مو صافنه بس دااحاول اتأقلم ويه الوضع
ربى :كلها كم ساعة وكلها تروح اكول يحلوة لازم تتعودين
تراتيل :تصورن أشكد ماما الله يرحمها جانت تعلم بيه بس جنت مااتعلم وخاصه بعد وفاتها أشكد متندمه لان ماتعلمت منها  

جيهان :ههه خلي تسمعج عمتج هسه تكوم تغني علينه
ربى :هههه تذكرين شسوت قبل المهر الظهر
جيهان :اووف خاب اسكتي لسه صياحها زرايلها بأذني احنه هم غلطانين يعني اشبينه راح تاكلنه الناس
ربى :حبي هالحجي كولي لنفسج مو الي اكول يحلوة احجيلنه وثاب اشلونه وياج
تراتيل :اشبي زين
جيهان :تحجون اهواي
تراتيل.خرب اشلون أسئلة احبها بله شكول هسه مااكدر احجي بشي وخاف هو يحجي بشي ثاني :اي نحجي بس مو اهواي لان مشغول واني هم
ربى :اممم تسهرون
تراتيل :لا
جيهان :هم يحجي رومانسيات وكذا
تراتيل :هههه لا ماكو بعدين سوالف متخصكم انتن شكو
ربى :غير نريد نفهم اخونه بي غزل لا لو بس صياح ومعصب هم يتأمر وذلك ممنوع وذلك لا
تراتيل :امم لا ماكو لان تعرفن اني لا منا ولا مناك
جيهان :والدوام يجي ياخذج بكل مرة
تراتيل :لا يابه شسالفة بس ذلك اليوم لان خاله عزمتنه على شنو اكلفه وهو مشغول سيارتي وعندي ماكو داعي
ربى :خاب هاي منحصل منها لا حق ولا باطل هي قبل منو وهسه صارت زوجة منو
جيهان :ههه اي والله اشلون راحت من بالي عبالي نسحب لسانها