#امانكِ بين اضلعي
للكاتبة ضوء القمر
محتاج صــرخه #گلــب
من ناسي احس #مختــنگ
الضحك كله #جـــذب
والدمـع كله #صـــدك
شايل خـلگ #للـبـجـــي
بس دمعي مـاله #خـــلگ
وگليبي كلش #تـعـــب
....
تراتيل. بعد ست اشهر اليوم عرس كنان طبعا اجته عدله قبلها زيد خطب ابوي كوة اقتنع وراح وياهم للمشية اما وفاء من قررت تبقى ويه أطفالها بشرط بيتها وحد ومالها دخل بي رغم هالقرار صعب عليها اهواي وخاصه كان كل الاهتمام الها صعب تشوفه يكون لشخص ثاني يمكن هي السبب بالي صارلها بس شيفيد بعد الاسف خطيبته بنت معروفين أهلها وناس طيبة سمعتهم ماشفنه شي منها ولو منعرف حتى نعاشرها اذكر قبل شهرين سديم حجالي
..اشلونها البنيه
سديم :ماادري مو اني الي اعاشرها ويمكن كدامنه شكل ووياه شكل ثاني
تراتيل :بس بنت الأصول ماتتغير
سديم :والله العلم عند الله المهم هو مرتاح بيها ومبين هي ممقصرة وياه
تراتيل :اشوكت العرس
سديم :يكول هالفترة منطول بس يجهز اثاث البيت
تراتيل :ماادري بس مااتوقع الهدوى راح يبقى فترة طويلة
سديم :اشلون يعني
تراتيل :والله ماادري اشلون اشرحلك بس اتمنى ميصير شي اذا فعلا بنت أصول راح تكسبنه كلنه مو بس زيد وحتى أطفاله تكسبهم
سديم :تتوقعين وفاء تقبل بهالشي
تراتيل :لا طبعا وفاء تخاف على أطفالها هي يمنه نادر ادزهم
سديم :غبية الي مثلها تضحي بكلشي علمود أطفالها بس هي ماعرفت تتصرف
تراتيل :سديم هي غلطت وغلطها مو اشويه رغم هذا ملازم نحجي منعرف شن الي خلاها تتصرف هيج المهم عدنه الاطفال يتربون صح وان شاء الله مرته الجديدة تخاف الله بيهم والا زيد راح يندم ندم بس الله يدري بي
سديم :ان شاءالله خير
تراتيل.من بعدها تزوج والبنيه تتلكانه بذلك السلام وخجولة وحتى أهلها ناس الله مفضل عليهم من عزمونه مقصرو ابد وزيد صح الفرحة بعينه بس اكو حزن ومبين عليه اتمنى شي واحد مايظلم لا نفسه ولا هالبنيه
..انتبهت على صوت سامر
..هاا
سامر :خاب بالج وين مو اصيح
تراتيب :اي دك الباب اني شمدريني بالي مشغولة
سامر :بشنو مشغول لا تكليلي بالحب
تراتيل :اي حب اشبيك ابني مصخن
سامر :ههههه مو أكول وثاب مو مال حب ابد اشلون تورطتي ماادري
تراتيل.صح ضحكت بس بداخلي الف اه وأخ ماادري اشلون احل السالفة :ههه لا تحجي عن زوجي ساامع
سامر :ترا زوجج اخوي يعني بكيفي
تراتيل :اهوو راح يشوف نفسه المهم شتريد
سامر :خاب مو صوجج صوجي اجيت اخذج
تراتيل :وين تاخذني ترا مابيه حيل اروح لمكان تعبانه مصار ساعة من رجعت
سامر :والله مشكلتج اني عليه اخذج ونطلع
تراتيل :سامر وثاب كلك مو
سامر :ليش اني اخذ الاوامر من غيره هو وبس
تراتيل :هسه دتعال اكل توني جبت حلويات تخبل وخلي اسويلك عصير وبعدها الله كريم
سامر :والله بس انتي مدللتني امي الي جابتني ممدللتني
تراتيل.ضحكت عليه هو يفقد كدام الحلويات وخاصه يمي بحيث مستعد ياكل كيلو لوحده وأكثر بعد سويتله عصير :الف عافية اني رايحه اجهز نفسي
سامر :حتى لو تنامين عادي المهم هذني كلهن الي
تراتيل :خرب بقيلي وياك ولك
سامر :عوف ميخالف دروحي
تراتيل.صعدت سبحت وبدلت وجهزت اغراضي ونزلت لكيت الأفندي بعده ياكل ومطلع حلويات وجبس هم :هاي شنو سامر صدك تحجي ولك البارحة تسوكت
سامر :عندج اهواي خير من الله
تراتيل :خرب انت متشبع من ذني السوالف اشبيك ادري مفطوم عليهن
سامر :اسألج خالتج
تراتيل :وهاي الهوسه الي مسويها هسه وكتك بله هسه يلتم الدود شو وخر خلي انظف ااخ منك
سامر :محد كلج عزمي حيل بيج
تراتيل.بكل مرة يسويها نظفت المطبخ ورجعت الاكل الي بقه وطلعنه رغم مابيه حيل بس شسوي مجبورة اروح
.. يعني هسه الا اني موجودة
سامر :لا يابه اذا تعبانه اذبج بالبيت لا ترحين بس على كولت خالتج الناس تعتب وين مرت ابنج وكذا
تراتيل :يمعود اتخبل من هالسوالف لوما استحي من كنان فلا اروح
سامر :ههه الله امج
تراتيل :الف رحنه ونور عليها
. اذكر ماما مجانت تغير بهيج مناسب من نوع الي تأدي الواجب حتى لو مابيها حيل
.وصلنه بيت عمي والبنات بس شافني ركضن بيه
..وين يمعودات
ربى :امشي شكو كاعدة هم يله نخلص صالون
تراتيل :مااروح صالون شعندي تردن روحن ام صوفي وياجن
تهاني :وانتي مترحين لعد
تراتيل :اكلج هو اني حمرة اشويه غامقه ووثاب كال امسحيها شكو بعد اروح اصلا اصلا مااحتاج هنا اجهز نفسي
ام وثاب :يايمه صدك دروحي وياهن
تراتيل.ظلن يلحن واني مابيه حيل خرب هسه وكتها اتصلت بوثاب وكتله
..هاا تسوي فضل اذا ترفض
وثاب :ليش بيج شي
تراتيل :مابيه خلك لصالون وكذا اصلا اني ماأحب المكياج ومت اخلي شي بسيط شكو اروح
وثاب :اشو ترحين وأريد مكياج على ذوق ام الصالون
تراتيل :شنووو
وثاب :مثل ماسمعتي يله باي
تراتيل.ظليت صافنه شنو على ذوق ام الصالون هذا من صدك يحجي لو تخبل اهوو اشبيهم اليوم كلهم ضدي. انجبرت اقبل والمكياج جان على ذوق ربى بهالسوالف محد يلحگها طبعا المكياج جان كلش حلو متوقعت راح يعجبني هالنوع من المكياج
.. اشلوني
تهاني : تحفه اللهم صلي على محمد وال محمد كلش حلو تخبلين لايگ عليج كلش
جيهان : اي والله كلش حلو
ربى :اليوم اخبل سيادة الرائد
تراتيل. ضحكت تخبله لو اني اريد من زمان جان خبلته بس مااريد. الحنه جانت حلوة ووثاب من شافني جان توه داخل لبيت عمو بقى صافن
ربى :هااا سيدي شرايك
وثاب :بشنو
ربى :مكياج مرتك عجبك
وثاب :هي حلوة ميحتاج كل هاللوان
ربى :شنووو الوان خير سيدي الرائد شنو متشوف
وثاب :لا اشوف بس اهواي خافي من ملامحها ميوالمها
جيهان :لا لا اصلا يخبل عليها بس كول مااريد اتغزل بمرتي هنا كنلك حقك
وثاب :جيهان طبن يله
أنت تقرأ
امانكِ بين اضلعي
Mystery / Thrillerفي قانون الحياة كل شي يموت ليحيى شيء بدلا عنه هناك أشياء عند موتها لا يمكن ان تحيى من جديد وهناك من يحاول ليحي شيء ولكن يبقى السؤال هل يتمكن ام لا؟ .... كيف اخبرهم انني لا اريد سوى ان اكون وحدي لقد ارهقني ضجيج هذه الحياة الم يكفيها الخيبات التي ا...
