امانكِ بين اضلعي

البارت العشرين

#امانكِ بين اضلعي
للكاتبة ضوء القمر

بغيابه الروح ماتسكت تهم بي
ترد كلمن حجه بضهره وتهم بي
الكضه عمره يهم بيكم تهم بي
مره وخله يكول احباب اليه
.....
وثاب.طلعت بعد العشه وصفنت بالرسالة واني صافن بيها اتصلت بيه
..خير ياسمين متصله
ياسمين :حبيت أبارك لك
وثاب :تعرفين الليلة ليلة عرسي اشلون تتصلين شنو معنى تصرفج هذا
ياسمين :عادي مابيها شي هيج مهتم لمشاعرها لمرتك
وثاب :ياسمين لا تجبين سيرتها على لسانج
ياسمين :لا والله وهم تخاف لا احد يحجي عنها بله متكولي اشلون هيج انطاك كلبك تسوي بيه
وثاب :ليش اني وعدتج بزواج انطيتج امل بالعيش وياي
ياسمين :لا
وثاب :شكوو بعد متصله وهم بهيج ليلة
ياسمين :راح تنومها بحضنك
وثاب :اششش انتي مالج علاقة هالشي مالج حق تحجين بي بعدين شنو هالجرأة ياسمين كولي من الاخير شرايده
ياسمين :انت الي وبس مو من حق اي وحدة تأخذك مني ان صار بينه مشاكل عادي كل العلاقات بيها مشاكل واذا انت ماوعدتني بزواج اني مااعوفك
وثاب :انتي مستوعبه الي تحجي ياسمين مو ملك نفسي بس مااريد هيج حجي
ياسمين :لا وثاب انت الي بس اشلون هيج تكسرني
وثاب :اكسرج ليش كان اكو وعد بينه كل الي عشناه قصة حب ماحجيت شكوو بعد هالسوالف ياسمين راجعي نفسج وراح تعرفين كلشي
ياسمين :راح تكدر تحبها راح تكدر تنام وهي بصفك كولي معقولة تنسه حبك الي
وثاب :يااسمين لحد هسه ماحاجي شي ومحترمج لا تخليني اخرب كلشي لا تنسين انتي الي بقيتي على عنادج وتصرفاتج راجعي نفسج.
..سديت الاتصال

واني معصب من حجيها اكو وحدة بنت ناس متربايه تحجي هالحجي مهما صار بينه ماتحجي هيج حجي خلتني انصدم بيها عجيب شنو هالجرأة بقيت كاعد لحد ما سيطرت على اعصابي ورجعت لغرفتي لكيتها كاعدة تكلب بجهازها وراها دخلت لغرفة النوم طبعا احسن شي مسويته هو ملابسه لبس نوم جان عمت على روحها من ردت اغير ملابسي صارت بوجهي هي اقصر مني عطرها جان هادئ بس شميته كلش عجبني عيونها بعيوني اني من يوم ماصار الحجي بالوصية مامخلي عيوني بعيونها تجذب عيونها وهسه مكحلتهن جانت قريبه مني حسيت بيها مرتبكه حبيت العب اشويه

تراتيل.جنت متطمنه انو ميصير شي بس الي صدمني هو من قرب عليه اكثر بحيث صرت لزك ويه الحايط نزلت راسي خجلانه مكدرت احاجي بس من قرب راسه يم اذني وكال

وثاب.جانت مثل فراشه ترجف همست بأذنها
..ممكن افوت

تراتيل.يبوو على الفشلة الحمدلله ماحجيت وخرت بسرعة وهو دخل اني حرت وين اضم روحي

..حنين :اكو وحدة الليلة ليلة عرسها وفاتحة نت شعندج
تراتيل :اي هاي اني ماعندي شي كلت اشوف شكو ماكو
حنين :لا صدك ماعندج شي ليش يمه
تراتيل :اييي حنين لا تسالين حيري بزوجج وبس
حنين :والله ابصم بالعشرة انتي مو صاحيه بس اني اعلمج وين ترحين مني
تراتيل :ههههه ميخالف من ارجع تعالي
حنين :خرب بحظي هو انتي بيج خير عرفتج كل خير مابيج
تراتيل :اكول حنونه راح انام هوسه هالخصبه كلها اريد اطلعها راح اشرب فاليوم وارتاح
حنين :وهذا المسكين يبقى وحده
تراتيل :لا هم نام
حنين :اكتل روحي انتو متاكدين تزوجتو
تراتيل :حنونه خلي انام احسن
حنين :ولي عوبة
تراتيل.ضحكت على حجيها طفيت النت ورجعت للغرفة لكيته نايم على القنفه ومغطي روحه استحيت اكعده ينام على الجرباية شربت فاليوم واول ماخليت راسي نمت ماادري بشي بعد.