#امانكِ بين اضلعي
للكاتبة ضوء القمر
هله يل مانساك الگلب مره
وصدك كل ليالي اجفاك مره
شيضرك بالحلم لو تمر مره
اكولن ماكطعت الوصل بيه
.....
وثاب.جنت متاكد راح تسألني هالسؤال وهالعار كامل كان متقصد هيج يحجي .ماجذبت من كلت ماعندي شي صح ياسمين بحياتي بس ماكو اي شي يربطني بيها ومن حد آخر مرة مااعرف عنها شي بعد مارجعتها للبيت مريت على شامل
شامل :بس اريد افهم اني اشوكت ارتاح منكم حتى بالاجازة مااخلص منكم
وثاب :انجب وادخل جوة بيك خير تزوج ومحد يجيك
شامل :اشبيه مخبل واورط روحي
وثاب :لا ياساقط هسه طلع الي يتزوج مخبل
شامل :ههه لا مو هيج بس مو كل واحد يكدر يستقر
وثاب: وانت شناقصك بيت ووظيفه سيارة وصحة وعافية شتريد بعد
شامل.اشرت على كلبي :هذا ماكو الي اتزوجها مو تريد مني حب واهتمام واني مااكدر انطيهن لنفسي مو عاد انطيهن لغيري
وثاب :هو انت ظل بسوالفك هاي لحد ما تموت وحدك
شامل :ليش اموت وحدي انتو موجودين الخير والبركة
وثاب :لا حول ولا قوة الا بالله لك ابني حتى اني الي جنت رافض خطبت
شامل :وثاب لا تجذب عليه ولا على نفسك انت اخذت هالقرار بوقت ماحسبت اي حساب الها نصيحة مني اياك بيوم تندم على قرارك واذا عندك ذرة شك بنفسك عوفها ولا تأذيها
وثاب.رجعت ظهري ليوره واخذت نفس غمضت عيوني نظرة عيونها متفارك بالي :ماادري شامل اني تعبان كلش من السالفة من جهه ياسمين صفحة وانطوت ومستحيل اعيدها ومن جهه مااريد تتأذه بنت عمي بسببي ومن جهه مااريد اندم واخسر نفسي
شامل :خلي ببالك سالفة مستحيل اعديها لا تكولها متعرف شنو يصير لا تنسه كلبك حب مرة يكدر يحب مرتين هاي اذا فعلا حبيت وبنت عمك لا تمسها بحرف يأذيها
وثاب :صح قررت بوقت ماحسبت اي حساب اله بس صدكني القرار الوحيد الي ماعدت التفكير بي ويمكن أكثر قرار متاكد منه بس سالفة ااذيها هي المشكلة تصور قبل اشويه سألتني عن اذا عندي احد بحياتي
شامل :اكيد جاوبتها بلا
وثاب :طبعا ماجذبت جان عندي اما حاليا ماعندي وهم من فترة طويلة هالشي مو هسه واكول اي احتمال ترجع علاقتي اني غلطت من حبيت تريد صدك مجانت احس بخوف أو اهتمام عليها صح حبيتها بس مو درجة اموت بلاها لا جنت كلش عادي
شامل :بس هي حبتك
وثاب :شافت بيه الإنسان الي يحاسبها على الطالعه والنازلة وهي جانت تمشي وتطلع ولا احد يكلها وين ماوين
شامل :وتكسر بيها
وثاب :شامل انت من صدك تحجي اشبيك أول شي اني من البداية كتلها مااوعدج بزواج وهي هم جانت هيج ببالها وثانيا تصرفاتها صارت تضوجني وتسوي الي يعجبها بعد شنو اكسرها ليش ماتكول هيج الي كسرت
شامل :انت بعد ادره المهم اشلونك هسه مرتاح
وثاب :تكدر تكول اي ماعندي شي وحددت العرس
شامل :هاا هيج بسرعة بسرعة
وثاب :هي ماقبلت وانطينها مهلة لاسبوعين الي راح اروح بيهن لاريبل
شامل :اكيد متقبل هي شتعرف عنك حتى وان كنت ابن عمها
وثاب :شامل ترا زواجنه تقليدي شتريدني اظل سنين اني اشوف بهيج حالات من تصير يم زوجها تعرف طبعه
شامل :والله انت عجيب هسه الي يسمعك يكول انت قبلت من وحدك
وثاب :هسه عوفك مني كلي شصار على طلبته منك
شامل :انت مخبل تريد ادخل روحك بورطه وهناك تندم
وثاب :انت بس سوي الي طلبته منك وبس اني اهتم بالبقية
شامل :سويت الي طلبته بس بشرط اروح وياك مااعوفك
وثاب :على راحتك. اني اترخص
شامل :وين توك اجيت
وثاب :مابيه اريد ارتاح رايح لبيتي وراي سفر
شامل :على راحتك
وثاب :ثيمالا
....
حنين :مداافهم شي هسه انتي راضية لو لا
تراتيل :اكلها حايرة مااعرف شسوي
حنين :اي شنو خايفه منه اول وتالي تتزوجون شكو بعد وهم راح تعرفين كلشي عنه بيج خير على كولت بيبي غيري انتي
تراتيل :اووف شغير هو اني محتاجة اغير
حنين :اني اشوف هالاسبوعين فرصتج وبعدها كلشي ينحل
تراتيل :اي فرصه اني اشوف التهي بعرسج احسن
حنين :ههه ذكرتيني بعرسي بصراحة مااريد افقد لهفتي لأيام العرس
تراتيل :كلها يومين وتكونين اجمل عروس
حنين :يروحي بعدها وراي شفتي كتلج اخذج وراي
تراتيل :هههه هو انتي مخطوبة من سنه شلعتي كلبه
حنين :هذا الي عندي
تراتيل.عفت سالفة العرس اريد افرح بصديقتي ورفيقه عمري العرس راح يكون بقاعة لان زياد هو الابن الأخير بعائلته وحنين هي الوحيدة لاهلها عدها بس اخ واحد ومزوج بالخارج هديتي الها هو ليلتين بفندق حجزتلهم سويت كامل وهم سفرة لاربيل لان وراها راح يسافرون لتركيا اسبوع فكلت الفندق والسفرة عليه بدون متعرف حجزت عند مصممه غرف عرسان
.بيوم الحنه رحنه سوه الصالون كانت ملاك ببدلتها الماروني والمكياج السموكي اما اني لبست فستان لونه سمائي فاتح وهادئ تصميمه كلش هادئ الصدر لحد الخصر كله شغل براعم ورد بنفس اللون تور شفاف وينزل من الخصر ببطانه كلوشه البساطة الي بالفستان كلش راقيه مكياج ماخليت مجرد كحل ومرطب لان الفستان مايحتاج مكياج .طبعا قبل مااطلع من الصالون اتصل بيه وثاب
..الوو
وثاب :ماعندي وقت مااريد لا مكياج ولا فستان مشلتح خليها ببالج
تراتيل :منو وصلك حجي انو اني البس أو اخلي هيج
وثاب :محد وصلي المهم الي كلته يتنفذ وهاا شغلة ثانية سديم يوديج ويرجعج لا ترحين بوحدج مفهوم
تراتيل :بعد أوامر ثانية سيدي
وثاب :اي تصوير مااكو حتى بجهازج
تراتيل :ولا كاميرا
وثتب :اذا الج ميخالف بس لغيرج لا
تراتيل :تمام مثل متريد
وثاب :انتبهي على نفسج
تراتيل :إن شاء الله
.من صدك ضجت شنو هالتحكم اول مرة هيج يصير بيه اني من الصغر متعلمه على وحدة اثنين ممنوع هذا هو بقت وياي للكبر شنو هالتسلط. خابرت سديم
..الوو
سديم :هلا اكو شي صوتج مال ضوجه
تراتيل :لا ماكو شي بس تكدر تجي توديني
سديم :ليش اشبيها سيارتج
تراتيل :مابيها بس اجتني أوامر
سديم :اهاا يله جايج
تراتيل :اذا مشغول خليك اشوف غيرك
سديم :لا يابه كلشي ماعندي بعدين جلال بمكاني
تراتيل :ليش جلال مو عنده لجنة مناقشه اليوم
سديم :لا على باجر
تراتيل :تمام انتظرك
.اجاني سديم ووداني للحنه طبعا مكدرت اطول لان أقاربهم اهواي رغم عائلتهم قليلة وهم مابيه هوسه ولو حنونه زعلت مني بس وعدتها باجر وياها بالزفه. ثاني يوم العرس جانت أكثر من رائعه حبيبة عمري شفتها عروس ودكتور زياد طاير بيها حضرت الحفلة اني وسديم وزفيناهم للفندق ورجعنه وهالثولة اتصلت بيه جنت توني واصله البيت
..هااا حنونه خما اكو شي
حنين :انتي اشلون تمشين وتعوفيني
تراتيل :خير سالمين حنونه وين عايفتج غير ليلة عرسج هاي وهم زوجج وياج اني شكو ابقى
حنين :حقيرة وعديتني تبقين
تراتيل :هههه اكول مابيه حيل مشاكل ويه رجلج وعدج بس مو مال اظل منتظرة ادري ام العريس اني وابقى
حنين :ولي مني
تراتيل.ههه خبله
...
وثاب :خير يمه اكو شي
ام وثاب :والله يايمه ماادري بس رحت ورديت وبسرعة جهزو للعرس شصار
وثاب :توقعتج تكيفين
ام وثاب :شي اكيد مكيفه بس ليش هالاستعجال خلي نجهز نفسنه على راحتنه
وثاب :وهو شعدكم بس تجهزون ملابس البيت كامل والغرفة هم واي تريده بس خلي تأشر
ام وثاب :خالتك الله يرحمها مجهزة بنتها من جانت عايشه وهم عمك وهي كالو منريد شي
وثاب :هالحجي همه يحجو اريدج تجهزيها من كلشي ماتخلين شي اني مااعرف بهالامور واذا تحب ادزلها فلوس وتشتري على راحتها
ام وثاب :ليش مطلعون سوه وتشترون
وثاب :اني ماعندي وكت وهم اخاف هي تخجل مني عالاقل وياكم أو وحدها على راحتها
ام وثاب :يوم واحد فرغلك وتعال ويانه
وثاب :الله كريم اشوف
.حطيت سلاحي بالحزام واخذت السويج :محتاجه شي يالغالية
ام وثاب :لا يمه سلامتك
وثاب.بستها براسها وطلعت .واشوف جنه تريد تنزل من الدرج وشلتها
...لززمتك يحلو وين تروح مني
جنة :عموو نزلني لا اودع
وثاب :هههه اسمها اوكع مو اودع ام لسان مشتاقلج
جنة :اني مااحجي وياك
وثاب :لا ليش اني بابا وثاب
جنة :رحت ماخذتني وياك
وثاب :هههه وين اخذج كلها زلم بعدين مو رحتي ويه ابوج شكو بعد
جنة :لا وياك احلى
وثاب :هههه خرب هنيالك كنان على خلفتك لا عمو هذا بابا هو بكلشي احلى بس كولي متعودة عليك حتى اقط بكيفي
جنة :ههههه عموو
وثاب.لزمتها وبقيت ادغدغ بيها خليتها تموت من الضحك هالطفلة أشكد مااكون ضايج كلمة منها تغيرني ١٨٠ درجة نزلت راحت على عمتها لكيت كنان بوجهي
أنت تقرأ
امانكِ بين اضلعي
Mystery / Thrillerفي قانون الحياة كل شي يموت ليحيى شيء بدلا عنه هناك أشياء عند موتها لا يمكن ان تحيى من جديد وهناك من يحاول ليحي شيء ولكن يبقى السؤال هل يتمكن ام لا؟ .... كيف اخبرهم انني لا اريد سوى ان اكون وحدي لقد ارهقني ضجيج هذه الحياة الم يكفيها الخيبات التي ا...
