Unicode
_________
ညဦးပိုင်းတွင် လေသည် သစ်ရွက်ကြို သစ်ရွက်ကြား သစ်ရွက်ကြားမှ ဖြတ်သန်းလာကာ ဆောင်းဦး၏ အငွေ့အသက်ကိုယူဆောင် လာကြသည်။သွယ်ကိုင်းနေသော သစ်ကိုင်းလက်တံများမှ တဖြုတ်ဖြုတ်ကြွေကျနေသည့် အရွက်ခြောက်များသည် မြေပေါ်တွင် ဖွာလန်ကြဲနေကြသည်။
သို့သော် မြေကြီးပေါ်တွင် ကြာကြာ မပျော်မွေ့လိုက်ရ။တံမြက်စည်းတံများကြားတွင် မပါချင်ဘဲ ပါသွားရပြီးနောက် တငွေ့ငွေ့လောင်ကျွမ်းနေသော မီးပုံထဲသို့ စံမြန်းသွားရလေသည်။
"ဟူး...ချွေးတောင်ပြန်ချင်တယ် "
တံမြက်စည်းကို နီးစပ်ရာ သစ်ပင်ဘေးမှီထားလိုက်ပြီးနောက် သူ့လက်နှစ်ဖက်က ဖုန်မှုန့်တွေကို ခါထုတ်လိုက်သည်။ထို့နောက် မီးပုံဘေး ခပ်လှမ်းလှမ်းတွင် ထိုင်ချကာ ထုံကျဥ်စပြုနေသော လက်နှစ်ဖက်ကို မီးကင်လိုက်သည်။
ဤအခြေအနေအထိကတော့ အရာအာလုံးသည် သာယာဖွယ်အတိဖြစ်သည်။
"ကင်ဆော့ဂျင်"
သူ့ ဘေးနားကို လိုအပ်သည်ထက် ပိုကပ်ထိုင်လိုက်သော ကောင်လေးကြောင့် ဝေးရာသို့ မသိမသာဆုတ်လိုက်သည်။ထိုအခါ မူပိုင်ဖြစ်သော နှာခေါင်းလုံးလုံးကို ရှုံ့ကာ အတင်းလိုက်ကပ်သည်။
"ဟေ့ကောင် ဝေးဝေးမှာနေ"
အော်ထုတ်လိုက်လျှင် မျက်နှာက အနည်းငယ်တောင် ညှိုးမသွား။
"ကိုယ်နေချင်တာက ကင်ဆော့ဂျင်ရဲ့အနားဆိုရင်ရော"
ထိုကောင်လေးသည် မဆီလျော်သည့် အခေါ်အဝေါ်များကိုပဲ ထပ်တလဲလဲ သုံးသည်။အမှန်အတိုင်း ပြောရလျှင် မိမိထက် ငယ်သော ကောင်လေးဆီက နာမည်အပြည့်အစုံအခေါ်ခံရတာကို သူသဘောမတွေ့။သို့သော် မခေါ်နှင့်ဟု ပြောလျှင် အဘွားရှေ့မှာ ခေါ်သလို'ကိုကို ' ဟုခေါ်ပြန်တော့လည်း သူ့မှာကြက်သီးထရသည်။
ထို့ကြောင့် ဘာမှအထွန့်မတက်တော့ဘဲ'အရူးစိတ်ချမ်းသာရင် ကမ္ဘာတစ်ခြမ်းအေးချမ်းတယ်' ဟု သဘောပိုက်ကာ ခေါ်ချင်သလိုခေါ်ပါစေ ဟု အမိုက်အမဲလေးကို သဘောထားကြီးစွာ ခွင့်လွှတ်ပေးထားလိုက်သည်။
BINABASA MO ANG
မင်းသားလေးရဲ့ ဖူးစာရှင် || JINKOOK ✓
Fanfiction❝ ကိုယ်တော့် ရင်ခွင်ထဲမှာ မောင်မင်းကို တစ်သက်တစ်ကျွန်း အကျဥ်းချထားလိုက်ပြီ... ❞ .. .. ❝ ကိုယ္ေတာ္႕ ရင္ခြင္ထဲမွာ ေမာင္မင္းကို တစ္သက္တစ္ကြၽန္း အက်ဥ္းခ်ထားလိုက္ၿပီ... ❞
