ဆူဘင်းနှင့်မျက်နှာချင်းမဆိုင်လိုတာမို့ သွားနေကျအချိန် ထပ်စောပြီး ကျောင်းသို့သူထွက်လာခဲ့လိုက်သည် ။
ဒီနေ့မနက်ပိုင်း volleyball အသင်းအတွက်လေ့ကျင့်ရေးရှိသည်ကိုလည်းသူမသွားတော့ဘဲနေပစ်လိုက်သည် ။ ဆူဘင်းနဲ့ဘယ်လိုမျိုး မျက်နှာချင်းတွေ့ပြီး ဘာစကားပြောရမှန်းသူမသိနေတော့ပါ ။
တစ်နေ့ညက အလွန်ဒေါသထွက်နေသည့် ဆူဘင်းမျက်နှာကိုပြန်မြင်ယောင်မိတော့ နောက်တစ်ကြိမ်သက်ပြင်းမောတစ်ခုကို လေးကန်စွာချလိုက်မိပြန်တော့သည် ။
သူ့စကားတွေကအတိုင်းအတာတစ်ခုအထိလွန်သွားမှန်းလည်း ယောန်ဂျွန်းသိသည် ။ အရင်လိုစရင်းနောက်ရင်းစိတ်ကောက်ကြတာမျိုးနဲ့မတူသည်မို့ ဘယ်လိုပြန်အဆင်ပြေအောင်လုပ်သင့်လဲ သူမတွေးတတ်တော့ ။
သူသိတာတစ်ခုက ဆူဘင်းသူ့ကို အမှန်တကယ်စိတ်ပျက်သွားခဲ့ပြီ ။
" ဘာလုပ်နေတာလဲ "
" ဘာလဲ ... မင်းကဘယ်လိုလုပ်ဒီကိုရောက်လာတာလဲ "
" မနက်ပထမဆုံးအချိန်ထဲကအတန်းထဲမှာ မရှိလို့ ဒီမှာထင်ပြီးလိုက်ရှာတာ "
ဟုတ်သည် ။ ဒီနေ့လည်းထုံးစံအတိုင်း ကျောင်းရောက်နေပေမယ့် အတန်းလစ်ပြီး လာနေကျခေါင်မိုးထပ်မှာသူရောက်နေခြင်း .....။
" လာမရှုပ်နဲ့ဂန်ဝူးရာ အေးဆေးနေပါရစေ ငါစိတ်မကြည်ဘူး "
ပြောလိုက်သည်ကို မကြားယောင်ဆောင်ပြီး နံရံကိုမှီထိုင်နေသည့် သူ့ဘေးတွင်တိုးကပ်ထိုင်လိုက်သည်မို့ စိတ်ပေါက်ပေါက်နှင့် အသံတိတ်ကျိန်ဆဲပစ်လိုက်မိသည် ။ တကယ့် အရှုပ်ထုပ်ကောင်ပဲ ။
"မျက်နှာကဘာဖြစ်ထားတာလဲ "
ဂန်ဝူးအမေးကြောင့်နှုတ်ခမ်းထောင့်ကဒဏ်ရာကို လက်နဲ့အသာထိကာသူ ခပ်ဟဟရယ်လိုက်ရင်း
" ဆေးလိပ်သောက်တာအိမ်ကမိသွားလို့ "
အိမ်ပြန်လာတဲ့အချိန်ထဲက အဖေနဲ့အမေ လုံးဝမသိခဲ့ပေမယ့် သူနဲ့ ဆူဘင်း အော်ကြီးဟစ်ကျယ်တွေထဖြစ်တော့ ဖုံးမနိုင်ဖိမရဖြစ်သွားခဲ့ခြင်း ။
YOU ARE READING
𝒀𝒆𝒍𝒍𝒐𝒘 𝑨𝒄𝒂𝒄𝒊𝒂 •YeonBin•
Randomတစ်နေ့နေ့တော့မင်းမြင်နိုင်ပါစေရည်ရွယ်ပြီး အဝါရောင် Acaciaတွေကို ငါ့ရင်ထဲမှာတိတ်တခိုးပျိုးထားခဲ့မိတယ် YeonBin story 💛✨ Both Unicode and Zawgyi
