البنات وقطاع طرق؟!

البارت الثالث

عمر بهمس: اجيب لهم اكل
رشاش بهمس : وش رأيك تسكت وتخلني ادخن على راحتي
مهل بهمس: رشاش علمني شسالفه؟
رشاش : يخي وخر مني ذبحتني من صنتك
مصلح: قل طيب وش بنسوي فيهم ؟
رشاش بضحكه: معليك فيه شيء ببالي بيساعدونا كثير
سلطان : واضح من ضحكتك ذي شيء كبير
رشاش : شيء كبير كبير
.
.
ملاك بهمس: وش سالفه الله يخذهم
قمزه: وش بيسوون لنا؟
حصه: انا خايفه على امي وخالتي اكيد عرفو بيقتلونا
نوره: ما اتوقع عرفو أننا انخطفنا
غاليه: يب ما اتوقع يحسبون أننا هربنا بسياره ورحنا نلعب فيها
منيره: ي ربي احمينا منهم اذا هم ناويين لنا على شر
نوره وهي تحاول تعض غاليه: كله بسبتك يا تبن وبسبت منيره
ولله لا اعضتس
غاليه وهي تصارخ : وخرييي مني
قمزه : بنات كلو تبن جونا بسبت صراخكم
قحص : وش السالفة؟ وش صياح ذا
ملاك: مشكلة بنات
سلطان : وش هي
غاليه : كنا نضحك مع بعض بس
سلطان : اها
.
.
كنت تعبانه ونوم مسيطر على عيوني مرت خمس ساعات من اختطافنا وشكل الوضع مايطمن الليل حالك وظلمه تخوف
منيره: غاليه غاليه أنتِ صاحيه؟
غاليه : ايي
منيره : انا فكيت قيدي
غاليه ونوم طار: احلفي كيف!!
منيره بتفاخر: ارخيت يدي يوم ربطوني عشان كذا صارت في ثغره ومعصمي نحيف اصلاً
غاليه: خلاص كلي تبن بلا فلسفه وتعالي فكيني
منيره: فكيت نفسي من زمان بس انتظرتهم ينامون
غاليه وهي تضربها من الفرحه: احبتس قسم بالله ايلوموني بحبتس
حصه وهي عيونها فيها نوم : وشفيكم دقيقه كيف فكيتو نفسكم
فكو قيدي امانه بنات
منيره وهي جلست تشرح لها انها هي الي فكت قيدها وتجلس تعيد سالفه وتفتخر بنفسها
غاليه وهي تحط يدها على رأسها : خلاص كلي تبن عرفنا
بعد ما فكو البنات..
غاليه : الخطه كتالي اخذو حجر كبير واول مايقرب واحد منهم نضربه على رأسه ونأخذ سلاحه
منيره: منجدك بنيتهم قويه خطتك تبن
نوره: انا جوعانه
البنات وهم يناظرونها
ملاك : انتي مو منجدك الحين احن مخطوفين وانتِ تقولين جوعانه؟
قمزه: اسحبو عليها
غاليه : بنات شرايكم نسحب عليها ونخليها هنا؟ انا متبريه من أختي
منيره وهي تضحك : اجل خلوها هنا امشو
نوره: خلاص اسفه وقفو
قربنا من الخيمه لقيناهم نايمين باقي واحد ماهو موجود
منيره: باقي ابو كشه وين انقلع؟
غاليه : اسمه رشاش ي بقره
حصه: ومتى عرفتي اسمه؟
غاليه: يوم كنت معه
نوره: صار بينكم شيء يمه لا يكون
غاليه وهي تضربها : كلي تبن بالله
قمزه: وش الخطه الحين؟
غاليه: نربطهم وهم نايمين؟
ملاك : فكره حلوه خلو علي ذا دب ( تقصد قحص)
منيره: اجل اصبري اساعدتس؟
ملاك : ياليت ولله
غاليه : انا بجمع كل أسلحتهم الي جنبهم
بعد شوي ترجع ملاك
ملاك: ما قدرت
غاليه بهمس: اجل نربط رجلهم؟
حصه بخوف: انا خايفه نأخذه الموتر ونهرب؟ احسن خطه
غاليه: لا بسوي الي في بالي
قمزه بهمس : خفي علينا
غاليه: كلي تبن
.
بعد ما ربطنا رجولهم
أخذنا سياره وركبنا
.
غاليه: كيف استخدم السلاح ذا؟
نوره: انا اعرف هاتي
غاليه: من ورانا تعرفين؟
نوره : لا بس ابوي الله يرحمه علمني بس ما اقول إني اعرف مره  اعرف كخبره بسيطه
غاليه: ليه ما علمني ابوي
نوره : كنتي بزر
غاليه : ممكن تاكلين تبن
.
نوره وهي تطلق ثلاث طلقات وراء بعض وطلعت صوت قوي
كلهم وقفو الخمسه وطاحو مع بعض
ركبنا السياره بسرعه وهربنا
.
مهل: بنات الحرام بهذلونا
مصلح : ولله لو طاحو بيديني مايعينون خير
.
فكو قيدهم بسرعه وركبوا السياره
.
سلطان : جردونا من الاسلحه
قحص : وراهم ي عمر ما اتوقع ابعدو
عمر: يخي خلاص راحو
سلطان بحده: بيعلمون علينا ي ورع امش حرك بيلعن خيرنا رشاش السياره الي معهم فيها المخدرات
.
.
صوت ضحكاتهم في سياره
منيره: شفتو اشكالهم يوم طاحو
ملاك : مقدر أوقف ضحك
قمزه : تتوقعون ايش يقولون الحين مالهم اسلحه الحين
نوره: ما اقدر بطني
غاليه : احم احم انقذتكم بذكائي ومسخرناهم
حصه: من يقدر عليتس أنتِ تخوفين
منيره : الله يستر من امي وخالتي ايش راح يقولون لنا
غاليه: بنات ترا عادنا بخطر لازم نبعد بسرعه من المكان
حصه: غاليه معها حق باقي ما طلعنا من الخطر لازم نبعد بسرعه
منيره: لا تخافين قريب ونوصل للخط
نوره : اخاف نحصل خويهم ذاك الثاني ابو كشه لان
مالقيناه معهم تتوقعون وينه
غاليه: مهما كان ي منيره لا توقفين واسرعي لأن
واضح لو مسكونا ذي المره ماراح يخلونا
ملاك وهي تفتش السياره : بنات شوفو وش هاذا
قمزه : شكلها حبوب رأس صح بنات؟
نوره بصدمه: وش ذا ريحتها كريهه ذا حشيش الي داخل سيجاره!!
غاليه: يمه بنات مخدرات؟!!!
منيره وهي تسوق : مقدر ألف وروني
ملاك وهي ترويها
منيره بصدمه : الانواع ذي كلها مخدرات؟!!
نوره بخوف: اخاف ننسجن
غاليه: كلي تبن بالله شرايكم ندفنها مع الاسلحه
منيره بصراخ : بنات قدامنا دوريه
غاليه : ركزي وهدي عادي دزي ي بنت ولا توقفين
منيره: بس اخاف يعرفون الي تسوق بنت بيوقفونا اكيد
نوره: دزي ولا تخافين ما سوينا شيء غلط
.
.
الشرطي١: يخي قسم مشكله العقيد مزعجنا عشان موت عبدالله الغثيث
الشرطي٢: يخي بالله شف ذي سياره ماهي سياره الي انسرقت؟!
الشرطي١: اي ولله نفسها بضبط
الشرطي٢ بالمكروفون: ي راعي الجمس وقف
.
منيره : اطقع ولله ما أوقف معنا اسلحه ومخدرات ولله لا ننسجن لو عرفو ما ابغى انسجن
قمزه: وقفي بنقول لهم أننا انخطفنا ي بقره وذي سيارة الخاطفين
غاليه : احسني ضايعه نوقف ولالا؟
قمزه: راح نكون بحمايتهم ي بقر
منيره وهي تستسلم وتوقف: أمري لله
الشرطي٢ وهو يقرب منهم( بنت وفالليل وتسوق؟)
الشرطي ١ وهو يشر بسلاح : انزلو كلكم الحين
منيره بخوف: ليه وش سوينا
الشرطي٢: تحسبونا دلوخ؟ أنتم طلعتم بنهايه بنات وتنهبون حقوق الناس وتقتلون
غاليه: يخي انت فهمتنا غلط هم خطفونا وحن هربنا بسيارتهم
الشرطي وهو يمسك يدي
غاليه بصدمه : انقلع ي كلب
الشرطي١بخبث : بنقول أنه أنتم قطاع الطرق ونحطكم بسجن ونأخذ ترقيه شرايك؟
الشرطي٢بضحك :قدام 
منيره: اخر مره اسمع كلامك ي قمزه
نوره وهي تحاول تطلع المسدس والبنات يغطون عليها
الشرطي٢: وش فيكم ساكتين يلا قدامي لمرك...
طاح طريح في الارض
.
نوره بخوف ورجفه : بلغلط اول مره اقتل
.
الشرطي ١ كان بيطلق على نوره جته طلقه من العدم
البنات وهم خايفين نوره ذبحتيه؟
نوره وهي تبكي : لا انا بس قتلت ذا
وهم منصدمين من السيارتين الي جايه من بعيد
منيره : بيمسكونا اركبو بسرعه
من بعيد جتهم طلقه ثانيه خلت السياره تبنشر
ملاك: مو منجدهم من البعد ذا الطلقه وصلت هنا وجع
منيره: اركبو السياره بقفلها بسرعه ماراح يقدرون يفتحونها
ركبنا الجمس
وقفت السياره
نزلو وهم مسلحين
نوره : أطلق عليهم؟
منيره: مو منجدك لو اطلقتي على واحد منهم بيقتلونا كلنا اكيد
مصلح وهو يقرب من الجمس و معصب  : افتحو ولا فتحته بالقوه
رشاش وهو ينزل: خلونا نحرق السياره وندفنهم بعدين نتفاهم مع الخرفان الي في سياره تعال ي مصلح
قحص : ولله انك رهيب قدرت تطلق من بعيد طلقتين قناصنا الخطير
عمر: ساعدوني ادفنهم ي حمير
مهل : اهمشي المخدرات الي في الجمس سليمه؟
.
بعد مادفنو الشخصين وفجرو السياره
.
نوره: انا خايفه ياربي سامحني لاني قتلته
منيره: احمدي ربك انقذونا كان بيقتلك الكلب
غاليه: ياربي قسم توتر مو طبيعي ابي أمي اشتقت لها
رشاش وهو جاي لهم
منيره : اسلمي جاء ابو كشه
رشاش: افتحو السياره ولا ولله لا اشبها واخليكم تحترقون داخلها
مهل بهمس: منجدك المخدرات داخل؟!
عمر: لا ي رشاش لا تسويها
رشاش: اعيد واكرر اذا ما نزلتو خلال ثواني ولله لا اشب..
نزلو وحده وحده بسرعه وبخوف
رشاش وهو يبتسم ويناظر لخوياه: قايل لكم زلايب ذول
مهل وسلطان وهم ينزلو الاغراض ( المخدرات والأسلحه)
رشاش: شصار هنا بضبط ومين الي قتلت الشرطي
نوره بصوت مبحوح : انا الي قتلته
مصلح: ليه اطلقتي عليه؟
غاليه: كانو يبون يسجنونا ويقولون أننا انتم عشان الجمس المسروق ويترقون
ملاك وهي تبكي: كانو يبون يرمونا بالسجن عشان كذا نوره أطلقت امانه تكفون رجعونا البيت أبغى أمي
عمر وهو حاس بملاك: معليه بنرجعكم لا تخافون
رشاش : بسوي معكم اتفاق وارجعكم البيت بعدها
.
يتابع