البنات وقطاع طرق؟!

البارت ثالث عشر

سلطان
انصدم من الي سمعه ويستوعب ينتقلون؟
حاولت ما اصدق وحسيت وجع بقلبي
سلطان : ي خاله ودي بكلمة رأس معك على انفراد
ناظروه كلهم وهو يأشر لها
راحت معه ام نوره وطلعو يتكلمون..
.
غاليه : راح ننتقل!
منيره : احسن من الجلسه في ذا تلال
نوره بهمس: يمه سلطان وامي يتكلمون
ملاك بهمس : بيقولها!
نوره بهمس : انا خايفه
ملاك بهمس : لا تخافين هاذا يدل على حبه ولا عنده حركات ثانيه وردك كان حلو لا تخافين اهدي
نوره بارتياح من كلامها: ارتحت
ملاك : امشي للبنات
.
رشاش : شسالفه ؟
مصلح : مادري وشفيه
قحص : يخي خلونا من ذي سالفه الحين بيروحون ذول
رشاش : نسيت اني رشاش ؟
مصلح : وش بتسوي
رشاش : معليك
عمر : الله يستر منك
.
سلطان: اسمعي ي خاله
ام نوره : وشفيك ي وليدي
سلطان : انا ودي أخذ بنتك نوره على سنة الله ورسوله ويكون لكم محرم وذا شيء بيفرحك
ام نوره بفرحه : بتاخذ نوره؟
سلطان : ايه
ام نوره : هاذي هي الساعه المباركة ولله أني صادقه
سلطان : يعني انتي موافقه؟
ام نوره : ايه وين بحصل رجال نفسك ي سلطان
سلطان : الله يسعدك ي خاله
ام نوره : بس اول لازم اشوف رد البنت
سلطان وهو خايف من رد نوره
سلطان : اسمعي ي خاله ردي لي خبر اذا وافقت البنت
ام نوره : أبشر وأنا أمك
سلطان راحت ام نوره رحت مسرع ومبعد عنهم
رحت أنقز من الفرحه : يارب توافق
.
دخلت الخيمه عند العيال
والابتسامة واصله لاذني : وشفيكم زعلانين؟
رشاش : انت الي وينك رحت ؟
سلطان : رحت قريب وجيت لكم
.
ام ملاك : حصه قومي أخذي حليب من غنم مهل
حصه : ليش انا!
ام ملاك : قومي اخلصي
حصه : أبشري
رحت للغنم وأنا امشي واحط الصحن
حصه : صباح الخير
الغنمه صمت
حصه مسحت عليها وتهذري على الغنمه
.
مهل
كنت بروح اشوف الغنم واعطيهم علف
الا واحصل البنت ذيك هو اسمها حصه..؟
قربت منها الا أشوفها تسولف معهم
.
حصه : الا انتي الحين تسمعيني؟
مهل : تكلمين البهايم ي البهيمه
حصه : وانت وشو
مهل : وش قصدك ي بنت
حصه : فاهم قصدي
مهل : احلبي بس
حصه وهي تقلده
مهل وهو يحاول يخفي ضحكته
مهل : منجدك فيه احد يتكلم مع بهايم؟
حصه : تعبت وأنا أتكلم مع الحمير نفسك وقلت
اشوف الغنم طلعت اهون
مهل بصدمه يبي يجي لها
حصه وهي تهرب وتقلده دخلت الخيمه بسرعه
مهل : راحت من يدي
مهل وهو يتذكرها ويضحك
.
ام نوره
فرحت بمعنى الكلمه مقدر أوصف فرحتي
قلت للعنود وهي فرحانه رحت افاتح نوره بالموضوع وأخذتها بعيد
من أخواتها وقلت لها بكل حب
ام نوره : تعرفين أزواج وسنة الحياه ي نوره
نوره : ايه ي يمه ليش؟
ام نوره : شرايك بسلطان؟
نوره بغت تطيح
ام نوره : بسم الله عليك؟
نوره : ما شاء الله عليه رجال ونعم شهم وكفو
ام نوره : ما ابي أخبي عليك بس هو جاي طالب يدك
نوره بصدمه منجده جاء وخطبني : انا!!
ام نوره : ايه قالك بالاسم تبينه موافقه عليه
نوره بإحراج : الي تشوفينه يمه
ام نوره : اجل خلاص
نوره : وين رحتي يمه؟
ام نوره مسرعه : بروح اعلمه
.
سلطان كنت جالس وسرحان
الا أشوفها تدخل وتدعيني
رشاش : وشفيها ام غاليه تناديك يقطع القهر قم فز لها
سلطان وباقي سرحان
رشاش وماعنده صبر رفس سلطان : قم ي ورع
سلطان وهو معصب : وشفيك يخي
ام نوره : تعال ي وليدي ابغيك
سلطان وهو منصدم : اقصد ابشري
رشاش وهو يضحك : تستاهل
مصلح وهو يقلد سلطان
مهل : كل تبن ترا هو اخوي
.
ام نوره : أبشرك وافقت
سلطان بدون وعي وهو ميت من الفرحه
ام نوره : خلنا نستقر في مكان زين غير ذا تلال بعدين نفضي لكم
سلطان ببتسامه : من بكره بروح ادور بيت
ام نوره : لا لا
سلطان : عشان اثبت لك وأصير محرم خليني تكفين طلبتك
ام نوره : خلاص نتوكل على الله
سلطان : بعد ساعه بروح للقريه
ام نوره : ما شاء الله عليك
سلطان : تروحين معي ؟
ام نوره : انا
سلطان : ايه اختاري البيت
ام نوره : اجل خلاص بجهز بعد ساعه
.
البنات وكل وحده تبكي من الفرحه لنوره
منيره : ي حظك عقبالي عقبالي
غاليه : بنات امسكوها مني هي قولي ما شاء الله
نوره : بنات استحي
حصه وهي تدخل : مبرووووكككك ي فرحتي فيك
قمزه : ماني مصدقه وحده مننا بتتزوج
نوره : تكفون ما اصدق بتزوج الي احبه! اضربوني
غاليه : اضربك؟
حصه : اهجدي غلاوي
.
ام ملاك : الا شوفي ذا البيت زين لي ولك والبنات
ام نوره : لا يهبل ما شاء الله
ام ملاك : بكم؟
سلطان : ازهلي السعر اهمشي عاجبكم؟
ام نوره : بيكفيني انا والبنات و وسيع
سلطان : اجل خلاص من بكره ننتقل هنا
.
الساعه ٣ العصر
غاليه
جالسه اسولف انا والبنات ونتمشى حول تلال
قمزه: اخذت دلة القهوه ما بغت تفكني الجده
غاليه : الحين شسوات ي بنات
حصه : في وش
منيره : معد بقدر اقابل مصلح
غاليه : وانا ورشاش
نوره : بننتقل لمكان ثاني؟ ي قلبي عليكم
حصه وهي تضمهم تعالو بس ما يسوى الزعل
.
بعد فتره مر الوقت وجاء بكره
والكل شايل عفشه والكل يودع ثاني
وغاليه ومنيره وملاك يناظرون من بعيد بحزن
.
حصه وهي تشيل الخيام الا وتنسحب
حصه: مهل ! وجع وشفيك
مهل : لا ترفعين عباتك وانتي تشيلين
حصه بصدمه : وش تقول
مهل : الي سمعتيه
حصه تركني مهل وشل الي كنت اشله
وانا باقي منصدمه..في مكاني
ملاك
كنت جالسه مع غاليه اسولف في السياره
الا وامسك السياره واروح قدام
ملاك : ودي اسوق
غاليه بضحكه : اتحداك تسوقين
ملاك : لا تتحديني
غاليه : يلا
تحرك الموتر شوي
وكان بيصدم
ملاك : مقدر أوقف
غاليه : اشوف ذا اضغطيه
ملاك : السياره مقدر اتحكم فيها كويس
الا ويركض عمر مسرع.. الموتر تحرك عليهم
عمر وهو يركب جنبها
ملاك : مصلح بندعم شسوي
عمر بحده وبغيره: زحفي لي بسرعه
ملاك : مقدر
عمر وهو يحاول يوقف ويسيطر على السياره
توقفت السياره وهم قريب مره من الاصتدام
عمر وهو يناظرها ومعصب
ملاك بدون شعور تبكي وتشاهق من الخوف ورعب الي صار لها
ومعها غاليه
عمر : خلاص اهدو
عمر اخذتها فرصه اضمها مادامها قريبه مني
ضميتها بقوه حسيت اني خنقتها شوي بس ما اهتميت
ضميتها بقوه خفت أفقدها
عمر بحده: كنتم بتموتون أنزلو
.
نزلنا بعد تهزيئه من عمر
.