البنات وقطاع طرق؟!

البارت العاشر

رشاش جالس في الخيمه ويفكر ويبتسم..
الا ومصلح يدخل عليه
مصلح : يخي ودي أقابلها غير أمها هنا ولله لو لا امها كان تشوفني عندها قبل الكل
رشاش ولا هو مع مصلح بس يهز رأسه ولا يدري وش يقول مصلح
الا فجأة
يسمعون صياح قوي
فز مصلح ورشاش وهم يناظرون بعض ويركضون متجهين لصوت
الا وينصدمون بشيء بوجههم
دلو كبير غرقهم وغرق ملابسهم بالماء
منيره وهي منصدمه : اسسفهه
غاليه وهي تحاول ترقع : شفتكم وصخين ونظفتكم
رشاش ببرود هو ومصلح يناظرونهم
قمزه والبنات اهربو ومنيره وغاليه مصنمين من الخوف
رشاش وهو يقرب لغاليه : بتنرد ي غاليه بتنرد
راح هو ومصلح وهم مبلولين بالماء
غاليه وهم مصنمه : يمه منيره
منيره وهي زاقه معها من نظرات مصلح : يويلي الموت جاي
غاليه : يقول بيردها قسم بالله أحسبه بيضحك
نوره من عند الخيمه وهي توايق: يعني منجدك لو احد رش عليكِ ماء بترضين وتضحكين بالله مو منجدك خليه فيك يصفقك
غاليه وهي تبي تتوطى بنوره دخلت الخيمه وهي تصفق نوره
الا وشوي
غاليه وهي طالعه من الخيمه ومعها منشفه
منيره : وش؟
غاليه بروح اعطيه منشفه واعتذر لهم
منيره : بجي بجي معك بس خلينا مع بعض
غاليه : خلاص امشي ذي عطيها مصلحه
منيره : مصلحه! تكفين اسكتي لا يسمعك
غاليه بضحكه : وأنا بودي ذي لرشاشه
منيره : ماراح نروح مع بعض
غاليه : هو هناك شوفيه برا الخيمه
منيره : ايه ثواني اجل
رحت له الا واشوفه جالس وهو مبلول ابغى امسك ضحكتي ولا قدرت..قربت منه بحيث أعطيه المنشفه
منيره وهي تحاول ما تضحك: خذ ذي ونشف نفسك ولا شكل الشمس احسن منها
مصلح مسكتها بقوه : اوه جيتي ولله ما أخليك تروحين مني ذي المره
منيره وهي خايفه: ولله ماكان قصدي بلغلط بعدين كانت ريحتك مقرفه وقلت اغسلك مره وحده عشان تصير نظيف وكملت
وقربت منه وهي تشمه : ريحتك الحين صارت حلوه
مصلح وهو يبي يأكلها ويرد على كلامها الا ويشوف حصه
ابعد من منيره ويتحمحم
مصلح وهو يهمس : انقذتك حصه ذي المره مني بس المره ثالثه ماراح تمر
منيره وهي تهرب : ماشفت طولك وانت تهدد؟
مصلح وهو ناوي يلحقها وهو ناوي على شر
بس شاف قحص جاي له
قحص : وشفيك مبلل نفسك؟
مصلح وهو يطلع الدخان ويجلس : لا بس ابغى البراد
(معلومه: قديماً لما يكون الحر شديد يرشون على نفسهم ماء خفيف)
قحص وهو يضحك: قلنا ترش شوي ماهو ترش دلو كامل عليك
مصلح : اسكت لا اخليك تأكل تراب
.
غاليه
دخلت الخيمه الا وإلقاء رشاش يفصخ ثوبه
كنت بطلع الا وأشوف حد يسحبني أحسبه رشاش الا اشوف عباتي يمسكها احد الا و حديدة الخيمه ماسكتها
ناظرت الا اشوف باقي يفصخ ثوبه
وأنا بطني يوجعني رعب حاولت أفك عباتي ابي اهرب
الا بشخص يسحبني داخل الخيمه انشقت طرف عباتي
غاليه وهي تناظر جسمه
الي صار واضح بسبب الفلينه المبلوله بالماء وتحاول تغمض
عيونها وتعطيه المنشفه : خذ ولله ما كان قصدي بس كنت ملانه
رشاش :شايفتني لعبه كل ما ضقتي لعبتي فيني؟
عمر وهو ينادي رشاش : رشاش وينك؟
رشاش بصدمه شافها وهي منصدمه ويناظرون بعض
استوعب حطها تحت المفرش ويحاول يخبيها
رشاش : لا تطلعين صوتك ولا تنفسين
غاليه : الله يخذك ي حيوان بنحط بموقف محرج بسببك
رشاش بهمس : اسكتي ولا بسكتك بالقماش
عمر وهو يدخل : رشاش يخي شفت الفلوس الي كانت في سيارة؟
رشاش : لا ولله ماشفتها ليه شتبغى؟
عمر : ابغى اشتري دخان
رشاش : تدخن ي كلب؟!
عمر : لا لا لقحص قالي
رشاش : اها خذ ذي واشتر وهاك زياده اشتر لي
عمر : وشفيها اذا دخنت؟
رشاش : مضر لصحتك مأهوب زين
عمر : وانت؟
رشاش : انا عادي
غاليه وهي تقبصه من يده
رشاش : المهم شرايك تروح الحين
عمر وهو طالع
رشاش وهو يلف يبي يتفاهم مع غاليه
الا ويشوف عمر دخل
ويخبيها مره ثانيه
عمر : ذا القماش وشهو؟
رشاش: هاذي شكلها من قماشات العجوز المهذريه هاتها
عمر وهو يقرب من رشاش ويعطيه القماشه
عمر : يلا انا بروح الحين
رشاش
انتظرت عمر يروح إلى تاكدت
وناظرت المفرش الي هي متخبيه فيه
الا وأحاول ابي ارد لها الي سوته فيني
رحت لباب الخيمه بحيث ماتسمع
رشاش : هلا ي ام غاليه..أبشري تبين المفارش تغسلينها.. بتدخلين؟
ادخلي ادخلي حياك ي ام غاليه
غاليه
وأنا ارتجف من الخوف و مليون سبه في مخي لرشاش
انتظرتها تفتح المفرش وتصفقني وتسألني الا بنص
تفكييري ينسحب المفرش واحصل..
رشاش يضحك ضربته وكنت بطلع الا واشوف
قحص جاي للخيمه رجعت لرشاش
غاليه : قحص قحص جاييي
رشاش وهو يلف يمين ويسار : تخبي هنا
حط علي المفرش
.
قحص وهو يدخل..
رشاش: وش جايبك
قحص: جاي بجلس يخي
ام ملاك وهي تدخل
غاليه قلبها كان شوي ويطلع خايفه
ام ملاك : قحص ي وليدي تروح معنا السوق
عشان نقضي حوايجنا؟
قحص : أبشري جايك
رشاش
راح قحص  الا يوم سحبت
المفرش واشوفها ترتجف من الخوف
.
.
منيره : بنت غاليه باقي ماجت لا يكون رشاش سوى فيها شيء
نوره : يمه
منيره : انا بروح أجيبها
ملاك : يلا اجل وأنا معك
نوره وهي تتذكر سلطان : بروح معكم
قمزه : بروح
الجده وهي تمسك قمزه: ساره  تعالي اسوي
شعرك إلى متى وانتي تجدلينه
منيره وهي تضحك : مافي فرصه اجلسي هنا
قمزه : ياليل ابغى اروح
الجده وهي تفك شعر قمزه وتنسله وتغني
قمزه وهي تضحك
.
قحص
كنت جالس وانتظر ام ملاك وأم نوره يطلعون اوديهم
الا واشوف باب الخيمه مفتوح وعيني من الي شأفته
انهبلت الشعر الأسود الطويل وأنا واقف وأقرب
الجده : قمزه غني معي بصوتك
قحص بصدمه : ذي قمزه يويل حالي
قمزه وهي تغني..
قحص كان باقي يناظر الا ويشوف عمر الدلخ جاي
قحص خايف عمر يجي ويشوف الي يشوفه
قحص وهو يمسك عمر : وش انت تبغي ي غليم
عمر : خذ شريت لك الدخان
قحص : امش اجل معي مره ثانيه
عمر : وين
قحص وهو سرحان ويمسك ذقنه
عمر: الوو وشفيك؟
قحص يوم استوعب مسك عمر وسحبه بعيد  : تعال معي
ام ملاك : قحص وينك تعال نروح
قحص : أبشري جاي
تركت عمر ورحت اودي الحرمتين لسوق
.
منيره : يوه وينها ذي
ملاك : ادخل ؟
نوره : اصبري خلي امي تروح خلاص راحو راحو
منيره : يلا امشو
دخلنا الخيمه..وسوينا مداهمه
الا
.
غاليه وهي ترتجف : الله يخذك انت وكشتك
رشاش : حتى وانتي ترتجفين وخايفه السانك اطول منك
رشاش وهو يأخذ القماشه : اشوف رجلك
غاليه وهي تنصدم من رجلها : رجلي اشبها تنزف
رشاش وهو يناظرالدم : شكله بسبب حديدة الخيمه
غاليه وهي تبكي : يوجع
رشاش وهو يناظرها تتوجع : اقوم اضرب الحديده؟
غاليه: تكفى مو ناقصتك  تضرب جماد؟؟
رشاش وهو ياخذ القماشه ويربطها بساقها: لعيونك العن والديه
غاليه تبتسم
رشاش : تقدرين تمشين؟
غاليه : اي اقدر امشي لأنها بساقي وهو مشخ بسيط عادي
رشاش : غطي ساقك
غاليه وهي تستوعب...
الا ويشوفون نوره وملاك ومنيره داخلين مسوين مداهمه
منيره : ي وصخ وش تسوي فيها
رشاش وهو يناظرهم ويطلع الدخان ويطلع من الخيمه
رشاش : لا يروح بالكم بعيد الحديده شقت عبايتها..
وطلع..
منيره وهي تركض لها : انتي كويسه
نوره : اختيييي بسم الله
غاليه : خربتو علييي تدرون إني احبه ليش تخربون
ملاك : امشو امشو واسحبو عليها
.
ملاك
طلعت من الخيمه وانا رايحه الا واشوف جدتي تمشي
لحالها رحت لها الا واشوف معها حد كان عمر..
ملاك : عمر ايش تسوي هنا
عمر : جلست معها تذكرني في أمي
ملاك وهي تبتسم : الله ياجعلك تقر عينك بشوفتها قريب
عمر : ان شاء الله
الجده : العنود خذي زوجك عبدالله ورحو بعيد
عني خلوني اجلس على راحتي لا تسولفون فوق راسي
ملاك بحراج: جده هاه انا ملا..
عمر وهو يسحبها : ابشري بأخذ ملاك اقصد العنود
رحت وانا ماسكها
عمر وهو يستوعب ويفك يدها : ا اسف
ملاك : عادي عادي
عمر وهو يجلس ويناظرها : تجلسين؟
ملاك: اي
جلست جنبه
الا وانا اشوف شيء في يدي وانا اصارخ : يمه نمل نمل
يدي كلها نمل
عمر : لا تخافين سمي بالله وهاتي يدك
عطيته يدي وهو ينفخ يدي من نمل..وانا احس باحراج شديد
.
كان المغرب تحديداً الساعه ٥ وشوي
بدأ يهب النسيم البارد في التل
قحص
وكان راجع هو وأم ملاك وام نوره من سوق..
وكان نص عقله أو كل قلبه مع قمزه
.
سلطان
كان جالس لحاله في سياره ويشعر ويدخن ويفكر بنوره..
.
مصلح
كان بعيد شوي من الخيام ويفكر بشيء عشان يردها لمنيره
.
عمر
يفكر بملاك وكل ما هنا طلع يوايق من الخيمه
.
رشاش
جالس في الخيمه يناظر مفرشه ويضحك كل فتره مع نفسه
.
والبنات
الي تسوي السمن والي تغسل الصحون
والي تسوي العشاء وترتب الخيام
كانو متوزعات..
الاويشوفون..
شخص راكب سياره شخص غريب
جاي نحوهم مصلح جاء يوم شاف السياره وسلطان
طلع من السياره وعمر ينادي رشاش
والبنات يتوايقون ويتسالون
الا ورشاش مجهز السلاح
.
نزل مهل بثوباً ابيض يلق ويلمع
وغتره وكان متزين
مهل : وينكم سحبتو علي
سلطان وهو يركض لاخوه: أرحب اقلط
مهل وهو يضمه : اشتقت لكم يكلاب
رشاش وهو يبتسم ويضمه :وش ذا الكشخه
مصلح : متكشخ لحريمه الي في الحوض حق السياره
مهل : كل تبن
.
البنات
منيره : يمه ذا مهل
حصه : وش ذا صاير مزيون اكثر من قبل
نوره : تشوفيننن
.
.
الساعه ١١ بالليل
جالسين انا والبنات جنب بعض
نوره : بنات
نوره وهي تكمل: من تروح تتمشى معي ؟
الكل نايمين..
نوره وهي تبتسم لهم وتطلع تمشي..
.
نوره
امشي ونسيم الهواء يحرك طرحتي كان شعور..
ماينوصف المهم ألا واذكر سلطان وترتفع حرارتي...
كنت جنب سيارة مهل العب مع الغنم الي في الحوض الا
يتابع