البنات وقطاع طرق؟!

البارت الحادي عشر

سلطان
جالس في السيارة الا واشوف غُرو يحوم حول المكان
واشوفها تلعب باالحوض وتغازل الغنم..كنت بس
مغرم كيف تسولف معهم..
.
نوره
العب مع الغنم الا واشوف سلطان يدخن بالسياره لحاله
ويراقبني..تفشلت وقلت له
نوره وانا احاول ارقع واقول يارب ما شافني : كيفك سلطان
سلطان : شكلهم عاجبينك حريم مهل؟
نوره وهي تضحك : اييي يازينهم
نوره وهي تبي تهرب الا ويمسكها سلطان
ومتغيره ملامحه
نوره وانا زاقه العافيه: سلطان شفيك
سلطان وهو يسحبها ويشغل السياره
نوره : وشفيك هيي وين توديني
سلطان ساكت
نوره : ولله اذا ما حكيت لا تجيك الحديده بنص خشتك
سلطان وباقي مكمل وكأنه مايشوفها
الا ويوقف في مكان
نوره وتفكيرها بعيد: وش بتسوي!!
سلطان : بقولك شيء عشان كذا رحت ذا المكان
ما ابغي أحد يخرب علي
سلطان وهو يكمل ويناظر قدام: ي بنت الاوادم اسمعي
نوره : هاه
سلطان وهو يحاول يقول :
يا بنت الاوادم اسمعي أن كان ودك تسمعين
سكت شوي وكمل..
عزي لمن ضـاقت عليه الوسيعه
ما اذوق حلو النوم و نـومي تقاطيع
جالساً لحالي في ذا ظلمه
افكر واسرح فيك واقول احبك
وإن كان ودك بزود اعشقك
اقصد فيك قصيد يسعد خواطر الكثيرين
أنا ماني بصابر اكثر ودي بردك ي الغُرو الفريد
.
نوره وهي تحاول تطلع شيء بس عقلها متنح ماتدري
ايش تسوي الا يوم تنزل
ينزل سلطان وراها و يمسك يدها ويسحبها له
سلطان : على وين ماني معتقك إلا وانتي معطيتني ردك
.
الساعه كانت تقريباً
٢:٣٠ الليل
ملاك..
قمت من نومي وباقي فيني نوم الا واشوف نوره ماهي هنا
جلست احاول اصحي غاليه من نومها عشان اقولها أختك مو هنا
الا وتضربني رحت وأخذت شرشف وانا اتغطى وفيني نوم
جلست ادورها بين الخيام..
الا وفي وسط وانا ادور ومعي سراج عشان المكان موحش
وظلام حالك اشوف لي ورع!
كان كيف اوصف لكم
كان لونه مثل الون البني الغامق كان واضح عليه التعب
والوجه الشاحب وفلينته الي مليانه غبار وشكله يحزن
ناديته وهو يناظر لي ويبتسم ويلوح ابتسمت له
وفي وسط بسمتي خوف : انت ضايع ي حلو؟
وانا احاول اقرب منه يبعد
كل ما اقرب منه يبعد
.
عمر
كنت طالع من الخيمه الا واشوف شخص
وكنت ماني متاكد من شخص ذا قربت له
كنت مرتبك ومستغرب في نص الليل؟
ناديت الا ويلف علي شيء...
مقدر اقولكم ايش شاف لأنها ملكيات خاصه بعمر..
عمر : من انتي ي بنت؟
ملاك وهي تحاول تغطي نفسها : انا ملاك ي عمر
عمر : وش جايبك لحالك هنا
ملاك : عمر كنت ادور نوره ما حصلتها شفتها انت؟
عمر : حتى سلطان ماهوب هنا
ملاك بخوف : طيب بقولك شوف ذا الورع
عمر وهو ينقز : وش ذا الورع
ملاك : شكله ضايع؟
عمر : ما اتوقع سمي بالله
ملاك وهي تركض للورع تبي تمسكه 
والورع يركض ركض مو طبيعي
عمر : عز الله عينت خير
ملاك : وشفيك امش حماس تعال عمر بسرعه
عمر : أمري لله
ملاك وهي تركض وهو يبعد بشكل جنوني
ابعدو كثير الا ويدخل الورع كهف أو شيء مظلم
عمر وهو يناظرها : لا توقفين ندخل؟
ملاك : اي خلنا نسوي مغامره
عمر : ي بنت الحلال ارجعي نامي
ملاك : حرام عليك يمكن هو محتاجنا
عمر :ماظنتي بس امشي
مشينا ولقينا عند مدخل الكهف عجوز كبيره بالسن
عمر : السلام عليكم شفتي بزر مر من هنا
ملاك : شكلها ما تسمع؟
عمر : اجل امشي داخل
ملاك وهي تلتفت وتنصدم :ع ع عمررر
عمر وهو يمشي : وشفيك
وجه نظره لها وشاف نظرة الخوف بعيونها
شاف ايش هي تشوف الا والعجوز صارت
يتبع..
ايش هو رد نوره على اعتراف سلطان؟
ايش بيصير لملاك وعمر!
هل راح تبدأ قصة حب لمهل؟
العجوز ايش فيها..