Unicode
ပြန်လမ်းကြယ်ဝေစောင်းကြိုးပြေ Chapter 38
ရှောင်ရှင်းအာကနောက်တစ်ကြိမ်အမှားလုပ်လိုက်မိတယ်
ရှောင်ရှင်းမှာကြားထားသည့်ပစ္စည်းများအားလုံးဝယ်ယူခဲ့ပြီးပါသောကြောင့် ဝမ်ရှန်း သည် ရှောင်ရှင်းအဆောင်ရှိရာကိုလျှောက်လာသည်။ လက်နှစ်ဖက်အပြည့်ချိတ်ဆွဲထားသော ပစ္စည်းများအပြင် လက်ထဲတွင်လည်းဖရဲသီးနီနီရဲရဲတစ်စိတ်ကိုကိုင်ထားသေး၏။ အခန်းရှေ့ကိုရောက်သောအခါ သူသည် တံခါးခေါက်လိုက်သည်။
"ဟယ်လျန်........"
ရှောင်ရှင်းကား ပြန်မဖြေဘဲတိတ်နေ၏။ ထိုအခါ ဝမ်ရှန်းသည် ဆက်မခေါ်တော့ဘဲ အခန်းတံခါးကိုဖွင့်ကာဝင်လာလိုက်သည်။ အခန်းထဲကိုမျက်လုံးတစ်ချက်ဝေ့ကြည့်လိုက်တော့ ရှောင်ရှင်းက စာအုပ်တစ်အုပ်ကို ရင်ဘတ်ပေါ်ကိုတင်၍အိပ်ပျော်နေသည်ကိုမြင်လိုက်ရ၏။ စာဖတ်ရင်း အိပ်ပျော်သွားဟန်တူသည်။ လက်ထဲတွင်ပါလာသမျှကို စားပွဲခုံပေါ်တင်ပြီးသောအခါ ဝမ်ရှန်း၏ ခြေလှမ်းများသည်လည်း ရှောင်ရှင်းကုတင်ဆီကိုအလိုအလျောက်ဦးတည်သွားသည်။ သူသည် အိပ်မောကျနေဟန်တူသော ရှောင်ရှင်းကို မျက်တောင်မခတ်တမ်းကြည့်နေမိပြီး ကုတင်စွန်းလေးတွင် အသာကပ်ထိုင်လိုက်၏။
"ရှင်းအာ.... "
သူသည် ရှောင်ရှင်းမကြားနိုင်လောက်အောင် ခပ်တိုးတိုးရေရွတ်မိရင်း ရှောင်ရှင်းမျက်နှာပေါ်တွင်တင်နေသော မဟူရာရောင် ဆံချည်မျှင်လေးများကို ခပ်ဖွဖွလေးဖယ်ရှားပေး လိုက်သည်။
နဂါးပေါက်စလေးတစ်ကောင်ဟိန်းဟောက်နေသကဲ့သို့အ သက်ရှူသံလေးများတရှူးရှူးထွက်ကာ နိမ့်ခြည်မြင့်ခြည်ဖြစ်နေသော ရင်ဘတ်ကလေး၊ သူကြိုက်နှစ်သက်သောအနီရောင်နှင်းသီးများလို နီရဲနေသည့် နှုတ်ခမ်းဖူးလေး၊ အိပ်နေစဥ်မှာတောင် မှုန်ကုတ်နေဟန်တူသော မိုးသားလို မျက်ခုံးတန်းသွယ်ကလေး... ။ ဒေါသကြီးမားလေ့ရှိသော ထိုကောင်လေး၏ အရာရာတိုင်းသည် အချိန်တိုင်း ထိုင်ကြည့်ချင်စရာကောင်းလွန်းသည်ဟု ဝမ်ရှန်းတွေးနေမိသည်။ သူ၏ရှောင်ရှင်းသည် ဒေါသတကြီးနှင့် သူ့ကိုဆူပူနေလျှင်လည်း ချစ်စ ရာကောင်း၏။ လိုချင်တာရ၍ တည်နေသောနှုတ်ခမ်းပါးရတနာလေးများကိုဖွင့်လှစ်ရယ်မောလိုက်လျှင်လည်း ချစ်စ ရာကောင်းပေသည်။
YOU ARE READING
ပြန်လမ်းကြယ်ဝေ စောင်းကြိုးပြေ (BL OC) Complete
General FictionStarting Date 11Apr 2021 - Ending Date 30Sep 2021 Unicode ရှောင်ရှင်းအာ ဆိုတာကတော့ လူတွေကြားထဲမှာ လူသားဟန်ဆောင်ပြီးလှည့်ပတ်သွားလာနေတဲ့ အရမ်းကိုဆိုးသွမ်းလွန်းတဲ့အမြီးကိုးချောင်းမြေခွေးနီတစ်ကောင်ဖြစ်ပါတယ်။ နှစ်တစ်ထောင်မှာ တစ်ခါသာမွေးဖွားလာနိုင်တဲ့ အဆိ...
