وقفنا البارت اللي فات لما محمود طلع جزء من الماڤيا و هيساعد الشامي في صفقه المخدرات
( توضيح : الشامي هيسلم المخدرات و سعيد هيستلمها منه يعني الشامي الطرف الأول أما سعيد الطرف التاني )
عند كيان
آنا: ايه رأيك نخرج بليل نروح اي حته اهو نحتفل بنهاية الامتحانات
كيان: لا مش هينفع عندي مشوار كده
آنا : مشوار ايه
كيان: مشوار يا آنا مش لازم تعرفي كل حاجه
آنا: يعني يرضيك كده تخبي علي اختك تؤمك حبيبتك
كيان: بصي يا آنا انا فعلا مش هينفع اقولك
عمرو شافهم فراح لهم
عمرو: ازيكم يا احلي اخوات في مجره ضرب التبانه
( عمرو و كيان وآنا صحاب جدا و كمان اخوات في الرضاعه.... و سهام و احلام بيحبوا عمرو و سهام بتعتبره ابنها ... عمرو كل فتره بيروح لسعيد يقعد معاه يومين لان في الاول و في الاخر هو أبوه ولازم يبقي فيه صله رحم ... بس مش عايش معاه عايش لوحده عشان عارف ان سعيد شمال علي الاخر ... و لما سمع سعيد بيتكلم عن صفقة المخدرات كان عنده )
آنا : اخويااا الجدع
عمرو: حبيبي يا عمهم
كيان: ايه السرسجه دي متتكلموا عدل
عمرو: لا والله
آنا: بقولك ايه يا عمرو متيجي نخرج بليل عشان البت دي عندها مشوار و مش عايزه تقولي
عمرو اتوتر: لا مش هينفع... اصلي خارج مع صحابي
آنا ضيقت عينيها: انتو خارجين مع بعض مش كده ... رايحين مشوار ايه
عمرو: والله هي اللي خلتني اقولها و مينفعش و اسبها تروح لوحدها
كيان: ولا انت عبيط انت بتعترف منغير متاخد قلم حتي
آنا: عايزه اعرف
عمرو حكلها
آنا : انا هاجي معاكو
كيان: مش هينفع يا آنا احنا رايحين موقع تسليم مخدرات مش رحله
آنا : كيان والله لو مرحتش معاكوا هقول لماما وانت يا عمرو هقول لسعيد عشان يقتلك وانت عارف أنه ممكن يعملها عادي
عمرو: خلاص خلاص انتي جايه
كيان: عمرو
آنا: انا جايه
كيان: خلاص يا بومه
عند نوح
نوح و آدم درسوا الخطه كويسه و درابوا القوات عليها
بعدين راحوا علي المكتب بتاع نوح
آدم : نوح مش هتقولي بقي مين البت اللي انت متعصب منها من امبارح
نوح: يعني انا لو عارف هسيبها
آدم: طب ايه اللي حصل لده كله
نوح حكاله
آدم بضحك : اوف
نوح بعصبية: قسما عظما لو مسكتش هقوم اكسر الطربيزه فوق دماغك
آدم : خلاص يا عم علي ايه
عند كيان
كيان: تعالوا نقعد هنا
آنا :ملقتيش غير المكان ده محدش بيقعد فيه
كيان: تعالوا بس
عمرو: ايه الورق ده
كيان: ده مخطط مرسوم فيه مصنع الواحات القديم لقيته في ورق بابا الله يرحمه ... بصوا بقي انا هحط خطه عشان محدش يحس بينا عشان لو حد حس ممكن نتصفى فيها ... انا هبقى ال leader
عمرو: و مبقاش انا ليه.. ده انا حتي اللي قايلك
كيان: عمرو متعصبنيش ده مش لعب عيال... و اولا انا اللي هقول الخطه و ثانيا انا محضره كل حاجه
عمرو: طب قولي الخطه
كيان: بصوا احنا مش هينفع نروح بالعربيه لحد المصنع فاحنا هنسيب العربية في جراج ده و هنكمل علي رجلينا
... انا لما بصيت في المخطط لقيت تلت أماكن ممكن الصفقه تتم فيهم
١- المكتب الرئيسي
وده في الدور الاخير و عشان نقدر نشوف ايه اللي هيحصل لازم تطلع لمنطقه العمال اللي هتبقي فوق سقف المكتب و فيه زي فتحه في السقف نقدر نشوف منها
٢-غرفه الاجتماعات في الدور الارضي
و احنا ممكن نشوف من الدور التاني عادي بس اهم حاجه نبقي مش باينين
٣- منطقه آلات المصنع
ودي برضو في الدور الاول بس عشان الروأيه تبقي واضحه لازم نقف في منطقة العمال و محدش هيقدر يشوفنا
احنا هنروح علي الساعه سته قبل محد يوصل لان اكيد هما هيسلمو بليل ... اه صح احنا هندخل من الباب الخلفي عشان حارس المصنع ميشوفناش .... لما نوصل كل واحد فينا هيقف في مكان من اللي انا قولت عليهم و لما العصابه توصل و تشوف مكان التسليم هيبقى فين و اللي هيبقي واقف في نفس المكان هيبعت للتانين و بعدين هنتجمع في المكان التسليم بس طبعا هنكون فوقهم ... انا هكون بصور و انتو هتكون بتحموا ضهري
YOU ARE READING
محبوبتي الشجاعه
Romanceهي فتاه جميله تعشق المغامرات ... و تجمعها الظروف بأن تعمل مع ضابط شرطه و تشترك بحل قضيه تابعه للماڤيا ... فهل ستنجوا ام سوف تضحي بنفسها من أجل إنقاذ أصدقائها هذا ما ستعرفونه من قرأه الروايه
