قصي : فاكرني يا رضا
عم رضا : كبرت يا قصي ولا اقولك يا محمود
قصي : عندي ليك عرض ... مش هقتلك و في المقابل انك تقولي كيان تحبني ازاي
عم رضا بسخرية: وانا ايه اللي هيعرفني
قصي قام و راح مسك وش عم رضا
قصي : يعني انت عايز تقولي أن كيان مش بتعتبرك زي ابوها و بتيجي تتكلم معاك زي امبارح كده لما جتلك و فضلتوا تتكلموا
عم رضا : و اللي وصلك الكلام مقلقش أنها بتشتغل معايا ولا ايه
قصي ضربه : اتكلم قول ازاي تحبني
عم رضا: مش هتحبك كيان لما هتحب هتحب واحد نضيف مش وسخ زيك ... هتحب واحد تقدر تثق فيه مش قتال قتله و عضو في الماڤيا
قصي فضل يضرب فيه جامد
ياسر شده : خلاص يا قصي خلاص
قصي بزعيق: دخلووووو جواااا
الحرس دخلوا عم رضا في مكان ضلمه و قفلوا عليه
ياسر : أهدى يا قصي
قصي : قسما عظمااااا لتكون ليا برضاها أو غظب عنها
في بيت نوح
تحديدا غرفه شاهي
شاهي راحه جايه بغيظ: انا يا نوح تكسفي و متردش عليا كل ده عشان الست كيان ... ماشي يا كيان نوح ده بتاعي انا و بس و هعمل المستحيل عشان يبقى ليا و يحبني
شاهي خرجت لقت سحر بتتفرج علي التليفزيون
قعدت جنبها
شاهي : احم ... خالتو
سحر : نعم
شاهي: هو نوح خرج ولا ايه
سحر : اه راح عند جده
شاهي: اه ..
عند كيان
في غرفتها هي و آنا
آنا: كيان ادم بعتلي
كيان : بعت ايه
آنا: بيقولي هو انا ضيقتك في حاجه
كيان : كلميه بس بحدود فاهمه اللي هو متفتحيش مواضيع متحسسهوش انك مدلوقه
آنا: ماشي
كيان : اعملك نسكافيه معايا
آنا : لا
كيان خرجت راحت المطبخ تعمل نسكافيه
عند آنا
في الشات اللي بنها و بين آدم
-هو انا ضيقتك في حاجه
_ لا اشمعنا
- يعني بحسك بتتجنبي الكلام معايا شويه
_ لا خالص عادي
- ماشي يا آنا لو احتاجتي حاجه كلميني
_ شكرا
و قفلت
آنا لنفسها : و الله لو عليا مش عايزه اتقل عليك بس بردو مش عايزه ادلق عليك ... ياربي مفيش حاجه في النص
عند آدم
آدم : يا شيخه كفايا تقل بقى اكيد كيان اللي قايلالك كده
نسمه : مالك بتتخانق مع دبان وشك ليه
آدم: مفيش يا ماما واحد تقلانه عليا جامد اوي
نسمه بابتسامة : بتحبها
آدم: مش عارف بس من ساعت مشفتها مش عارف اشوف واحده غيرها كل البنات اللي عرفتهم ميجوش جنبها حاجه ... ده انا حتي قررت اني مش هسهر تاني عشان هي محترمه و انا مش عايزها تاخد عني فكره حلوه
نسمه طبطبت عليه : يبقى بتحبها ... اللي تقرر تتغير عشانها يبقى بتحبها
آدم ابتسم : و يارب تكون هي كمان بتحبني
نسمه : ربنا يريح قلب يا حبيبي
عند نوح راح لجده
عبده : ازيك يا سيادة المقدم
نوح : ازيك يا عبده جدي هنا
حامد من جوا : ادخل يا نوح
نوح : ازيك يا جدي
حامد: الحمدلله يا نوح تعالي اقعد .... ايه عملتوا ايه في قائمه الاغتيالات
نوح : عم رضا اللي قال لكيان معلومات كان من ضمن ... و نوح حكي لحامد علي اللي حصل لعم رضا و عن الخازنه
حامد: و اللي اسمه قصي ده عايز يأذيك
نوح : اه ... بس اللي مش قادر أفهمه أنه ليه منفزش لحد دلوقتي زي مايكون مستنيني احب حد و ينتقم مني فيه
حامد: جايز جدا ... بس حد زي مين
نوح : معرفش
حامد: نوح كفايا انا من رأي أننا نقفل القضيه دي علي كده
نوح : لا طبعا انا مش هسكت ولا هرتاح غير لما نخلص منهم
حامد: طب خدلك علي الاقل يوم اجازه
نوح : انا هدخل انام
حامد: هتبات هنا
نوح: اه ... شاهي جت الصبح و شكلها هتفضل عندنا يومين
حامد: ماشي ..
نوح دخل غرفته و خد شاور و غير هدومه و اتصل بسحر عشان يقولها يطمنها أنه هيبات عند حامد
عند كيان
دخلت البلكونه و سرحت في السما
كيان لنفسها : تفتكري يا كيان ممكن تخرجي من الدوامه اللي دخلتي نفسك فيها دي .... مهو مكنش ينفع تدخلي من الاول ... كده كده حياتي كانت هتفضل في خطر حتي لو مكنتش دخلت لأن قصي مكنش هيسبني في حالي .... بس علي الاقل مكنتيش هتعرفي أنه عضو في الماڤيا
كيان دخلت اتوضت و صلت و دعت ربنا أنه يكرمهم و دخلت نامت
عند نوح
نوح حط دماغه علي المخده و بدأ يغوص في بحر أحلامه ... نوح نام و ابتدى يحلم
حلم أنه بيقول لكيان أنه بيحبها و هي كمان قالتله انها بتحبه ... مره واحده قصي بيظهر و بيضرب نوح بالنار و بياخد كيان منه
نوح صحي : كيان .. كيان
بص في الساعه لقاها تسعه الصبح قام لبس و راح علي المدريه و كل ده و الحلم بيدور في دماغه هل فعلا هو هيحب كيان و قصي هيخدها منه و يبقى نفذ انتقامه
نوح وصل وراح علي مكتبه منغير ميكلم حد و حتي آدم قابله علي باب المكتب و سلم عليه بس نوح مردش و دخل المكتب و قفله اكنه مش شايفه
آدم : ماله ده
و بعدين دخل علي مكتبه
عند كيان صحيت هي و آنا و لبسوا
سهام: تعالوا افطروا قبل ما تنزلوا
كيان و آنا: حاضر
بعدين عمرو جه و كيان فتحت له
عمرو: صباح الفل و الياسمين علي احلي سوسو و حلوم
سهام: صباح النور يا حبيبي
احلام: صباح الخير يا عموره يلا تعالي أفطر
خلصوا فطار. و عمرو و كيان و آنا راحوا علي المستشفى اللي هيتدربوا فيها ... بعد دقائق كانوا وصلوا المستشفى و دخلوا جوا و قابلو الدكتور اللي هيضربهم
المهم خلصوا و كانو واقفين بياخدوا من الدكتور ورق عشان يسجلوا فيه بياناتهم
آنا : كيان
كيان : ايه
آنا: بصي وراكي بسرعه
كيان لفت و قالت بصدمه : ينهار ابيض
تفتكروا كيان شافت ايه يصدمها استنوا البارت الجاي عشان تعرفوا ❤️
#رينو_سيد
الكاتبه رينو سيد 💕
حكمه اليوم:انظر إلى الحياة بتفاؤل.. التذمر والشكوى من المشاكل التي تعترض طريقنا يستهلك تفكيرنا ووقتنا دون طائل ❤️
أنت تقرأ
محبوبتي الشجاعه
Romanceهي فتاه جميله تعشق المغامرات ... و تجمعها الظروف بأن تعمل مع ضابط شرطه و تشترك بحل قضيه تابعه للماڤيا ... فهل ستنجوا ام سوف تضحي بنفسها من أجل إنقاذ أصدقائها هذا ما ستعرفونه من قرأه الروايه
