حامد: بصي يا كيان انا انهارده حبيت اجي اتكلم معاكي هنا قبل متروحي ... الحقيقة أنا جي عشان احظرك
كيان باستغراب: من ايه
حامد: من نوح ... بصي يا كيان نوح ده يبقى حفيدي و انا عارفه كويس ... انتي شجاعه و قويه و نوح حس بكده ... و نوح مش بيحب حد يكون احسن منه ... و انتي عندك موهبه نوح نفسه تكون عنده
كيان : اللي هي
حامد: انك تقدري تتحكمي في عصبيتك و متخليش أي حد يقدر يستفزك بسهوله ... نوح عصبي جدا و هو الفتره اللي فاتت كان بيحاول يتحكم في عصبيته ... بس لما حاول يستفزك امبارح انتي مهتمتيش و عند تحكم علي اعصابك .. حس أن انتي احسن منه
كيان: هو قال لحضرتك كده
حامد: لا هو مقليش ... بس انا عارف نوح كويس ... اه و ياريت لما يعند معاكي في حاجه بلاش انتي كمان تعندي لان نوح شكله كده عايز يأذيكي ... بس متقلقيش انا عمري ما هسمح بكده
كيان بشجاعه : بص يا سيادة اللواء مع احترامي لحضرتك ... انا مبخفش و علي فكره هو هددني امبارح بس انا مهتمتش
حامد ضحك: عارفه يا كيان انا اول مره اشوف بنت بالشجاعة دي
كيان:يمكن عشان عديت بفتره كانت كافيه اني اطلع منها كده
في الوقت ده عمرو جه و آنا أدت القهوه لحامد و شربها
حامد: ماشي يا كيان ... أشوف في المدريه
تسريع الأحداث حامد مشي و كيان و آنا و عمرو راحوا
كيان خبطت علي مكتب نوح
نوح: ادخل
كيان دخلت هي و آنا و عمرو و أدم كان مستنيهم في مكتب نوح
كيان: صباح الخير
نوح : مش وقت تصبيح ... طلعي الكاميرا عشان نبدأ الشغل
كيان ببرود : ماشي
كيان طلعت الفلاشه و اللابتوب
نوح : ملوش لزمه اللابتوب فيه شاشه هنا هاتي اوصلها
كيان: لا خلاص انا هعرف
و كيان فعلا وصلت الفيديو علي الشاشه
و الفيديو اشتغل و الكل ابتدى يتفرج
بعد دقيقه من الفيديو
كيان : وقف الفيديو بسرعه يا سياده المقدم
نوح وقف : خير
كيان قربت من الشاشه و بصت لآنا و عمرو بصدمه و قالت: انت. شايفين اللي شايفه
آنا: شايفه ايه
كيان : ده دكتور محمود ... انا ازاي مشفتوش هناك
آدم : محمود مين
آنا: معيد عندنا في الكليه و بيحب كيان
كيان بحده: آنا
عمرو ضحك
كيان: انتو اخوات انتو
نوح:مش وقته ... عايز اعرف كل حاجه عن محمود ده
كيان: ده معيد عندنا في الجامعة زي ما آنا قالت و كمان بيشتغل دكتور في مستشفى ال...... ده كل اللي اعرفه عنه
نوح : ازاي يعني مش بتحبوا بعد لازم تكوني عارفه حاجه و مخبيه
كيان بانفعال: بنحب ايه ... انا عمري في حياتي محب الإنسان اللزج ده ... و لو حبيته اموت نفسي... هو اللي بيحبني و انا منفضاله
نوح باستفزاز : طب احمدي ربنا ان فيه حد بيحبك ده و بعدين بيحب علي ايه ده انتي حته مسترجله
كيان ببرود عكس اللي جواها: و الله يا سيادة المقدم انا عارفه كويس امتي اكون في كامل انثتي و امتي اكون اصلب من الراجل و ده بيعتمد علي الأشخاص اللي بتعامل معاهم يا سيادة المقدم
YOU ARE READING
محبوبتي الشجاعه
Romanceهي فتاه جميله تعشق المغامرات ... و تجمعها الظروف بأن تعمل مع ضابط شرطه و تشترك بحل قضيه تابعه للماڤيا ... فهل ستنجوا ام سوف تضحي بنفسها من أجل إنقاذ أصدقائها هذا ما ستعرفونه من قرأه الروايه
