نوح دخل المكتبه و راح علي المغزن و لقى البلاطه الحمره و كسرها و لقى تحتها خزنه صغيره طلعها و خدها و خرج و راح علي آدم و آنا و عمر و كيان
كيان كان وشها احمر اوي لأنها مسكه نفسها بالعافيه
نوح : الخزنه اهي قولي الرقم السري
كيان بصوت مخنوق : اكيد مش هنفتحها في الشارع
آدم : خلاص تعالوا نرجع نكمل شغل في بيت نوح و نفتحها
و فعلا توجهوا لبيت نوح
كلهم كانوا ساكتين طول الطريق و كيان حالتها بتذداد سوء بس مش بتعيط حابسه دموعها جامد
وصلوا شقه نوح
سحر بخده: مالك يا كيان وشك احمر ليه كده هي تعبت منكم
آنا بحزن : لا بس فيه حد غالي عندها اوي توفي
سحر بحزن : البقاء لله يا حبيبتي طب اعملك حاجه تشربيها
كيان بتوهان : ممكن ادخل الحمام
عمرو : لا يا كيان مش ممكن ... بصيلي يا كيان احنا كلنا موجودين اهو احنا حاولنا ننقذه بس ده قدره مينفعش نعترض صح ... مش ده كلامك
كيان بجمود : رقم الخاذمه 2610 افتحوها و انا هروح
عمرو: كيان عيطي ... بلاش تخضيني عليكي ... عيطي هترتاحي
بعدين عمرو حضنها
كيان ابتدت تعيط : ليه يا عمرو ليه كل الناس اللي بحبها بتروح مني ليه كل ده .... انا تعبت اوي تعبت اوي بجد مش ادره اكمل حياتي عباره عن خساره انا من يوم ما بابا مات وانا كل يوم اصحي مفزوعه ببقى خايفه اصحي تاني يوم لحسن أخسر حد تاني ... ليه بيحصل كده
سحر و آنا و آدم كانوا مشفقين علي كيان و زعلانين عشانها
نوح كان زعلان عليها بس فيه سنت غيره كده عشان عمرو حاضن كيان
شاهي كانت بتبص ليها بسخرية و فرحانه فيها
عمرو: ششش اهدي يا حبيبتي ... كلنا هنبقى تمام و هناخد حق عم رضا و حق عمو قاسم خلاص يعتبر خدناه ... و هنخلص مهمتنا و هنرجع لحياتنا الطبيعية ...
آدم حس أن نوح مضايق : مخلاص يا خوانا احنا سناجل هنا
شاهي بسرعه : هو انتو مرتبطين
عمرو: مرتبطين مين يا عسل ده احنا اخوات ... و بعدين عجبك كده يا ست كيان التيشيرت بقى كله دموع ده انا هعلقه في اوضتي و اكتب عليه تيشيرت احزان كيان الشاذلي
كيان ضحكت : ماشي يا ظريف
آنا: ايه بقى الجنان ده ضحك و عياط في نفس الوقت
سحر : ربنا يديم عليها الضحكه
كيان : شكرا يا طنط
نوح : مش يلا بقى علي الشغل ولا ايه
سحر: لا شغل ايه دلوقتي ده انا هحضر الغدا و بعدين اشتغلوا
كيان : لا مش هينفع غدا يا طنط احنا هنخلص شغل و ورايا مشوار تبع الكليه
سحر: معلش اجلي المشوار لبكرا ده انا عملى محشي ورق عنب
كيان : لو مكنتيش تحلفي بس
الكل ضحك و نوح ابتسم
سحر: يلا السفره جاهزه
و الكل قعد عشان ياكل
شاهي: بس انا حاسه اني شفتك قبل كده يا كيان
كيان : ممم انتي في كليه ايه
شاهي : كليه تجاره جامعه القاهره
كيان : لا معتقدش شفتيني انا في كليه طب عين شمس... ممكن تكوني شفتي حد نفس لون شعري
شاهي : ممكن ... بس ازاي بتشتغلي مع نوح وانتي في كليه طب
نوح : وانتي مهتمه ليه يا شاهي دي حتى حاجه متخصكيش
شاهي : انا بسأل عادي يعني
كيان : عمتا احنا لينا هدف مشترك و عندنا معلومات نكمل بيها بعض عشان نوصل لهدفنا
شاهي : اه
سحر : وانتو في سنه كام بقى
آنا: سنه ربعه طب بشري
سحر : شكلك كان حلم حياتك انك تدخلي طب يا كيان
كيان : لا خالص كان نفسي ادخل شرطه بس تيتا و ماما موفقوش
نوح : و انا اقول جايبه روح الظابط دي منين
عمرو: لا وانا عايزه اقولك أن الروح دي موجوده من واحنا في المدرسة ... فمره كان عندنا حفله تنكريه و المفروض البنات تلبس فساتين اميرات و كده بس كيان صممت أنها تلبس بدله ظابط و عمو قاسم الله يرحمه فضل يقولها يا بنتي مينفعش ده لبس ولاد وهي لا والله للبسه و في الاخر راحت بيه المدرسه و كان فيه ولد متنكر في حرامي كيان اول لما شافته نتط عليه و فضلت طول الحفله مسكاه عشان ميهربش و هو يعيط
آدم بضحك : كيان دي مثال حي علي القادره علي التحدي و علي المواجهه
كيان بهزار : بالزمه انتو صحاب جدعين بتتريقوا عليا
YOU ARE READING
محبوبتي الشجاعه
Romanceهي فتاه جميله تعشق المغامرات ... و تجمعها الظروف بأن تعمل مع ضابط شرطه و تشترك بحل قضيه تابعه للماڤيا ... فهل ستنجوا ام سوف تضحي بنفسها من أجل إنقاذ أصدقائها هذا ما ستعرفونه من قرأه الروايه
