الفصل الرابع عشر
///فى صباح اليوم التالى..... بانجلترا.
افاق كريم من نومه.... ثم صلى فرضه ولاول مرة يشعر بالرضى.... شعور لم يختبره من قبل.... جلس على سجادة الصلاه يناجى ربه ويشكرة على نعمه الكثيرة التى كانت غائبه عن ناظريه....
فها هو اليوم يعمل فى وظيفه لم يكن يحلم بها ولديه من المال مايكفيه لسنوات ويزيد ولا يشكوا من مرض يرهقه... لديه صديق افضل من اخ ولدته له امه..... كم كان جاحد لنعم ربه
اخذ يكفكف دموعه وهو يشكر ربه...
ثم تناول هاتفه وقام بالإتصال برفيقه.
سليم بقلق/ كريم انت كويس؟ لعلمه بفرق التوقيت بين البلدين فبما انها فى مصر الثامنه صباحا اذا هى بلندن حوالى السادسه صباحا.
كريم / ماتقلقش ياسليم انا كويس عاوذ اقول لك انى لاول مرة من سنين كويس..... انا حاسس انى كنت باغرق وربنا نجانى.... اخيرا ياصاحبى عرفت انت ليه ماكنتش بتزهق من انت تحاول معايا عشان اتوب وارجع لربنا... عاوز اشكرك ياسليم انك صبرت عليا كل السنين دى ومابعدتش عنى رغم انى كنت صاحب سوء لكن الخير اللى جواك هو اللى انتصر فى الاخر...
شكرا ياسليم عشان استحملتنى ومايأستش من نصحى وتوجيهى طول الوقت.
سليم والدموع تنساب على خديه/الحمد لله الف حمد وشكر ليك يارب
اخيرا ياكريم اخيرا... واجهش بالبكاء
كريم وهو أيضا يبكى /الحمد لله ياسليم اخيرا ربنا نورلى بصيرتى وتاب عليا انا كنت مييت ياسليم والله كنت مييت وربنا احيانى... احساس عمرى ماحسيته.. عارف لما تكون متغرب بقالك سنين واخيرا ترجع لبيتك عارف كأنى لاول مرة باتنفس ولاول مره باعيش...
سليم /الحمد لله التى تتم بنعمته الصالحات.... مسح دموعه... ثم قال
/عارف نفسى فى ايه يا صاحبى؟.... نفسى نروح نعمل عمره سوا.
شهق كريم /دا نفس اللى كنت بافكر فيه والله.
سليم /خلاص ان شاء الله الاجازة الجايه عمرة ياصاحبى.
كريم /ان شاء الله ربنا يكتبهالنا ياسليم.
سليم /بإذن الله ياحبيبى...... المهم ياكريم اهم حاجه انك تبعد خالص عن اى حاجه او اى حد يبعدك عن ربنا.
كريم /ماتقلقش يا سليم انا اصلا بقالى فتره بعيد وكأن ربنا كان بيحضرنى عشان ارجعله بقلب نضيف
سليم /الحمد لله والشكر لله.
سليم /باقولك طيب ماتيجى مصر اهو فرصه تبعد عن الجو القديم وكمان نكون مع بعض.
كريم /بص ياسليم هو انا كنت ناوى اعملهالك مفاجئه بس خلاص هاقولك... انا اصلا حاجز تذكرة الطياره مع عمى خالد ومامتك ونور... خفق قلبه عند ذكر اسمها فقال ليدارى توتره....... ها ايه رائك؟
سليم /بجد دا خبر حلو جدا وكنت مخبى عليا يا ندل
كريم /كنت عاوز اعملهالك مفاجأه.
سليم /احلى مفاجأه ياكركر
كريم /طالاما وصلنا لكركر يبقى اسيبك بقى عشان عندى شغل كتير عاوز انجزه قبل السفر سلام
سليم /ماشى ياكركر سلام.
//انهى سليم المكالمه وهو لا يكاد يصدق ما قاله كريم كم تمنى ان يمن الله على كريم بالتوبه... اراد ان يسجد لله شكرا لولا كسر يده والرضوض التى بجسده فسجد فعينيه وقلبه ودعى الله ان يثبت صديقه ويتم نعمته عليه.
