الفصل الثامن والعشرون
بعد ان سمعت نور الاغنيه... هرب النوم من عينيها وظلت تفكر فى كريم وهى لاتزال غير مصدقه انه يحبها....
فارسلت له رابط اغنيه ل حماقى تقول كلماتها
وحده وحده
الله بقى اللخبطة دي ليه
يلي خاطفني ياريت تقولي ..ايه حصلي
على كدة بقى دلي .. بالمللي
اللي انا عشت أحلم بيه
بين يوم وليلة أخدتني .. على مشمي وكنت راضي
ده احنا يادوب ..بنقول يا هادي
أمال لو .. فات شهر هيحصل ايه ..
طب وحدة وحدة .. وبلاش كل ده
يجي مرة وحدة .. لتجنن كدة
لوده النظام معاك .. بالشكل ده
مقدرش عليه ..
---
ده حلم ولا ده قولي ايه
ده شئ خيالي قلبلي حالي ..حيرني
معرفش مالي .. غيرني
ولا داري بقيت كدة ليه
بالزمة فيه في الدنيا دي .. بالسرعة دي حد نأمنله
مش عارف .. وبنطمنله
أنا خايف .. مستحملش اللي انا فيه
طب وحدة وحدة .. وبلاش كل ده
يجي مرة وحدة .. لتجنن كدة
لوده النظام معاك .. بالشكل ده
مقدرش عليه ..
ارسلت نور الغنوة ..... وظلت لدقائق تفكر فى كريم حتى سقطت فى النوم.
اما عند كريم.. فلم يكد يسمع نغمة وصول رساله الى هاتفه حتى اختطف الهاتف الموضوع امامه على الطاوله وفتحها بلهفه شديده عندما قرأ اسم المرسل..... واستمع اللى الاغنيه... وهو لا يكاد يصدق نفسه من السعاده فأخذ يردد كلمات الاغنيه مع المطرب وهو يدور حول نفسه فى حاله لا توصف من السعاده.....
بعد وقت يسيير.....
هاتفه سليم ليخبره بقدومه فى بهو الفندق..... فنزل له كريم... ليجلسوا سويا....
كريم /مبروك فك الجبس ياعم.
سليم /الله يبارك فيك ياكريم...... خير يابنى كنت عاوز تشوفنى ليه؟
كريم /قلقان ياسليم من مقابلة بباك ومامتك.
سليم /انت عبيط يابنى دانت بتشوفهم اكتر ما انا باشوفهم
كريم /بس الوضع دلوقتى مختلف ياسليم.
سليم /بص انا مش عاوزك تقلق لأنى لما اتكلمت معاهم لقيتهم مرحبين فاماتخافش.
كريم /حاسس كأنى داخل اصعب امتحان فى حياتى.
سليم /ياعم اهدى كده الموضوع بسيط وانت مش شويه ياصاحبى خليك واثق من نفسك..... وتوكل على الله.
كريم /ونعم بالله........ طيب اجى على الساعه كام بكره ان شاء الله.
سليم /خليها على الساعه سبعه كويس وانا هابلغهم.
كريم /تمام ربنا ييسر.
سليم /صحيح كنت عاوز اخد رأيك فى موضوع كده.
كريم /خير.. ؟
سليم /كنت عاوز انتهز فرصة الحفله واعلن خطوبتى على سجى ايه رأيك.
كريم /هى فكرة حلوه بس المهم رأى سجى
سليم /لا دا انا كنت عاوز اعملهلها مفاجئه.
كريم /مش عارف... بس متهيألى لما تبقى عارفه افضل عشان انت ماتضمنش رد فعلها وطبعا هاتكون الحفله فيها ناس كتير.
سليم /معاك حق..... مع ان ماما كانت مرحبه بالفكرة جدا..... طيب انا بافكر اخد سجى بكرة ان شاء الله اعرفها على بابا وماما عشان بردوا موضوع الناس اللى فى الحفله....... المفروض يتقابلوا لوحدهم قبل الحفله... ايه رأيك؟
كريم/صح كده... خليهم يتعرفوا على بعض بعيد عن دوشه الحفله وسيبك من موضوع المفاجأت ده.
سليم /تمام.... هاقابلهم ببعض واقترح الفكرة قدامهم كلهم واشوف رد فعلها ايه.
كريم /ايوه كده صح..... ربنا يتملك عل خير ويفرحك ياسليم.
سليم /ولك بالمثل يا ابو نسب.... يالا سلام بقى احسن انا اتفرمت النهارده مع البنات فى مدينة الملاهى... وهاموت وانام.
كريم /ماشى ياعم... ناس ليها الملاهى وناس ليه قعدة الفندق... الله يسهلوا ياعم
سليم /ياعم ماتقرش... دا انت لو شوفت المرمطه اللى اتمرمطها هاتبوس ايدك شعر ودقن هههه
كريم /ههههههه لا خلاص مش عاوز ملاهى.....
سليم/سلام........ ثم انصرف وترك كريم الذى صعد لغرفته وقام بتشغيل اغنية حماقى وكأنه اول مرةويسمعها
وذهب معها فى عالم اخر من الاحلام.
