مساء الفل والياسمين احبتي ❤️
البارت الاخير
#عجاف_القلوب
#بقلمـي_شمس_السعديدرة ..
غلقت التسجيل واني اگلة بيني وبين نفسي ..
- خفت تخسرني .. لكن هسا ضمنت خسارتـي ..دخلت واني احس بدوار فضيع .. كل كلمة گالها ترن بأذني ..
زوجتة؟؟
يعني خانـي مرتين ..
مرة وي حوراء ومرة وي هاي ..
بالفترة الي اني جنت اتعذب بيها وابجي على فراگة ..
بالفترة الي اعاني بحملي واتعذب الوحدي ..
هو جان مرتاح ومتزوج وعايش حياته ..اتنهدت ودخلت للبيت ..
صاحتني سدن ..
- يالله العشا جاهز ..
رحت كعدت وياهم بس مااكل انقش قليل حتى مايحسون ..
لكن عيون امير مراقباتنـي وماگدرت اخفي عليهن حالتـي ..كملنا عشا .. وخالتي كل شوية تگلي خلي اخوج ياخذج للمستشفى مادامة هنا .. شكلج ماعاجبني ..
وخالي هم يلح عليه ..بالگوة قنعتهم مابيه شي ..امير ساكت ومايحجي ابد ..
گاعدين يشربون جاي ..
راح للاستقبال واشرلي اجي وراه ..رحت واني افكر شلون راح اگدر اخبي عنه ..
گال .. تعاي يمي هنا .
گعدت يمة ..
- باوعي بعيوني ..
- باوعت ..
- شنو الي مضوج هالعيون الحلوة .. متعاركين انتي ويوسف ..
مااتحملت .. خاصه يم امير احس بأمان مو طبيعي ..
نزلن دموعي ..
گال .. اشششش هاي الدموع مااريدها تنزل .. احسهن جمر بگلبي .. اشكي همج الي ..
فرغي حملج الصدري .. راضي اشيل عنج الحزن وكلشي بيج بس كون ماتضوجين ..حضنته وابجي على صدرة .. گمت اشهگ ..
وهو يمسد براسي ..
- تدرين من اشوفج احس امي ماميتة وگبالي .. كلما تكبربن تشبهيها .. ومن احضنج جن حاضن امي ..- واني هم .. ارتاح بهذا الحضن كل همومي تختفي من اكون بحضنك .. اموري انـي تعبانه ..
- وشنو الي متعبج يبعد اخوج ؟؟
- يوسف ..
- اذا مشاكل بينكم مااگدر اتدخل لان هاي خصوصياتكم بس اذا شغلة تستوجب تدخلي احجي ولاتخافين ..
لو مو احبة واعزة مثل اخوي واكثر ..
اخذلج حقج منه ثالث ومثلث ..مسحت دموعي ..
ابتسمت .. لاتشيل همي شغله بسيطة بس الظاهر الحمل مأثر عليه ..
ماگدرت اسولفلة .. كافي همومة وتعبة وخاصه بالفترة الاخيرة وغدر ابوي اله ..
المشاكل تركض وراي دايما ..
وادري بي يضوج وينقهر اذا صار بيه شي ..طلعت سدن ..
- تعالوا اشربوا جاي لايبرد .. سوتلي حركة .
- اشرتلها ماتگول شي ..
دخلنا شربنا الجاي .. وبعدها راحوا البيتهم ..
ودعتهم للباب ..
همستلي سدن ..
- خلي بالج من نفسج وصيري قوية ..
هزيت راسي بمعنى إي ..
راحوا قفلت الباب وبقيت بالحديقة اتأمل النجوم وحدي
ماحسيت ع الوقت .. اندگت الباب ..
طفرت من مكاني
- منووو ؟؟
- اني يوسف
استغربت يوسف شجابة وبعد يومين النزولة ..
فتحت الباب وصرت وراه ..
دخل وصارت عيني بعينة . راد بتقرب يسلم عليه .
دفعته بأصبعي ..
- إياك تلمسنـي ..
- درة… .
قاطعتة عود ادخل واقفل الباب وراك ..
درت وجهي عنه ودخلت .
خالي وخالتي بعدهم بالصالة ..
صحت ..
- سند .. اية .. اجة بابا ..
طفروا فرحانين وممصدگين ابوهم اجة ..
انرسمت علامات الاستغراب على وجه خالو وخالتي ..
واكتفوا بجملة وحدة ..
- خير شجابة بهاي الساعة من الليل ؟؟
![](https://img.wattpad.com/cover/173018059-288-k199388.jpg)
YOU ARE READING
عجاف القلوب
ChickLitإن وجودك هنا يعنـي انضمامك للعالم الواقعـي شخصيات الرواية من واقعنا .. ستجد نفسك تعيش بينهم تفرح لفرحهم وتحزن لحزنهم فمن المستحيل ان تقرأ هذه الرواية دون أن تذكر شخصيةً مـا في حياتك .. سواء كانت جيدة ام سيئة ستجد الذ اعدائك بينهم .. او يمكن ستجد ا...