مساء الورد احبتي ..
البارت ( 53 )
#عجاف_القلوب
#بقلمي_شمس_السعدي
كنت گاعدة ومنتظرة حبيبي وسندي ..
امير كل شويه يدز فيديو لو صور بالقاعة ..
ابوه مسويله كوشة ومگعده بيها وحفله ..من الفيديو واضح بي شخصيات كبار وضباط وشيوخ ..
ممخلي واحد ماعازمة يوسف ..
والبنات وياي يباوعن ..سدن .. يروح عمته شوف شلون گاعد عبالك شيخ ..
هلي .. شخصيه يخبل ..
درة .. طبعا يطلع شخصيه غير تربية اموري ..
سدن .. احم احم .. وج شوفي كروري شلون يرگص
هذا طلع ع عمة حيدر ..
هلي .. وشبي حيدر يخبل ..
سدن .. لا عيني مابي شي ..هن يسولفن ويتناگرن واني بالي وعقلي وگلبي كله يم حبيبي .. اباوع الصورة ومبتسمة ..
شوكت تكبر يعمري واتباهة بيك ..بقوا لليل يلة اجو ..
اخذته منهم واشمشم بي وابوسه وهو حاضني ويضحك ..
ويحجي اشياء ماافهمة بس عرفته جاي يعبر عن فرحته ..امير .. وج هذا ابنج فد واحد هتلي .. گاعد ع الكرسي وكل الي يجي ينطيه فلوس ياخذهن ويخليهن بجيبه ..
خربهم من الضحك ..
ودور فضحنا هناك يأشرلي ويصيح بابا ..
هسا فشله من العالم وابوه خطيه اختفت ابتسامته ..درة .. هو متعود عليك لان تطلعه وياك هو وكرار ونضوري .
سدن .. هاي عود يوسف كلما يجي يگله گول بابا ويعلمة وتالي نطقها الك ..
امير .. بعدة طفل يكبر ويفهم .. بس الظاهر اني خليته يتعلق بيه زايد ..
لازم يقضي وكت اكثر وي ابوه حتى يعرفه زين ..
سدن .. هو هم ابوه مافارغ بين الدوام وبجي تعبان يله بليل يجي شويه وكت نومته وبسرعه ينعس ..ثاني يوم من الفجر گعدت ..
ريگت امي وبدلتلها ..
انطيتها علاجها ونامت ..
حتى ماتگعد بغيابي وبس هلي وحيدر بالبيت مايعرفولها ..
بدلت ولبست سند دشداشته ..
بالگوة گعدته هو يحب ينام للعشرة الصبح ..
جنت ابدله وهو كل شويه يغفى ..امير .. يله ماكملتوا وعدت العالم من الفجر نجي ..
طلعنا بسيارة امير ..
علي بالصدر ومخلي بحضنه كرار وجنه ..
واحنه بالورة ..وصلنا البيت الشيخ وگلبي مقبوض مااعرف ليش ..
نزلت تلگانا يوسف اخذة مني ..
هو لان نعسان ماقبل گام يبجي ..
يوسف .. شبي ..
درة .. بعدة مشابع نوم ..
يوسف .. جا تعاي نخليه بغرفة اهلي بين مايجي المطهرجي ..دخلنا للبيت ..
صارت گبالي حوراء تسوي ريوگ بالمطبخ ..
شافتني خزرتني بسرعه ..
يوسف .. ادخلي گبل للغرفه ..
دخلت للهول .
خالاتي كلهن موجودات ..
سلمت عليهن ..
صارت عيني بعين فاطمة تباوعلي من فوگ لجوة ..
من زمان ماشايفتها جانت زعلانة وياهم ..
يمكن هسا متصالحين .
بس ضعفانه ومحلوة صايرة ..دخلت بسرعه للغرفه ..
نومته ع الجربايه ..
ويوسف يمي يبوس بي ويحاول يگعدة ..
وهذا يغمض عيونه مايقبل ..
ويوسف يضحك عليه ..
![](https://img.wattpad.com/cover/173018059-288-k199388.jpg)
YOU ARE READING
عجاف القلوب
ChickLitإن وجودك هنا يعنـي انضمامك للعالم الواقعـي شخصيات الرواية من واقعنا .. ستجد نفسك تعيش بينهم تفرح لفرحهم وتحزن لحزنهم فمن المستحيل ان تقرأ هذه الرواية دون أن تذكر شخصيةً مـا في حياتك .. سواء كانت جيدة ام سيئة ستجد الذ اعدائك بينهم .. او يمكن ستجد ا...