عجاف القلوب

بارت 26

مساء الورد احبتي ❤
#البارت ( 26 )
#عجـاف_القلـوب ..
#بقلمي_شمـس_السعدي ..

حبيبتي تعاي هنا...
-اي بس انزع البرگع ..
-تعاي اني اشيله الج ..

اتقربت يمة ع الجرباية ..
جان نازع السترة بس وفاتح الرباط بس مانازعة ..
بدأ يفتح الماشات ويحجي ..
-سدن .. انتي من هاي اللحظة صرتـي نصي الثاني .. مو بس نصي صرتي اني ..
يعني اريدج تعرفين طبعي من هسا حتى نرتاح اثنينة ..
اني من صغري صرت اب الاهلي وتحملت كلشي عنهم ..
ومازلت ومااتغيير ..
ومن اختاريتج عرفت انتي الانسانه الي راح تقدر وضعي ووضع اهلي وتساندني بالحلوة والمرة ..
مااگلج همة اهم منج ومن هذا الحجي .
لا بالعكس انتي مرتي وحبيبتي وتاج راسي ..
بس اوصيج بامي ودرة خاصه ..
اخواني ولد وكلمن شايل روحة واني وراهم مااعوفهم
بس امي ودرة كاسرات ظهري ..
مااتخبل اذا شفت دمعه من عيونهن تنزل ..
سدن .. امير من غير ماتحجي ولاتوصي من هاي اللحظة اهلك اهلي وعمتي الله شاهد شگد احبها .. اما سدن فماكو داعي توصيني عليها هاي اختي الماجابتها امي

باسني من راسي وگال ..
عرفت ضني مايخيب ..
وهسا شلون ..
-شكو؟؟
-جعت .
-اي ماما مخلية تمتوعة بهذي الكارتونة.
وجدو گال راح اودي بيد مقداد كباب من المطعم ..
ضحك .. اني جوعان عليج .. هذا الكيك گبالي وتگليلي اكل وتمتوعة ..
دتعاي خلي اشبع گلبي وبعدين معدتي ..

-اتقرب مني وجان كله حنية ورقه ابد ماحسسني بخوف ..
باسني بگصتي وگال مبروك حبيبتي ..
يبووووو متت خجل ..
غطيت وجهي بإيدي وگتله ..
امير اريد اروح للحمام دير وجهك ..

ضحك .. قبل شويه ذايبه بحضني وهسا تستحين يله درت وجهي بس مو تتأخرين لان هذا مقداد يخابر خاف جاي جوة ..

امير ..
مقداد واهله من عمام الشيخ وعايشين بكربلاء لهذا الشيخ وخالي مرزا راحوا عندهم يباتون ..
طلعت سدن .. بسرعه سبحت ونزلت المقداد ..

شافني ضحك ..
ولك عمي مو صرت شجرة هنا وانتو نايمين بالعسل ..
امير .. انجازيك بعرسك واصيرلك نخله بعد شتريد ..
ضحك مقداد .. ع راسي والله .. بوسني وباركلي ..
هذا العشا .. علاگة الك وعلاگة العلي .
واكو بارد وعصاير جوة هم ..

امير .. ماقصرت اخوي سلملي ع الشيخ وياك .. لو بغير ضرف جان گتلك لاتروح بس هسا اعذرني ..
مقداد .. لاعمي معذور عايف الوجه الحلو ومگابل خلقتي حقك والله ..
يله في امان الله ..

طلعت للغرفة .. خابرت على علي يطلعلي مايرد ..
اضطريت دگيت الباب ..
طلع علي ضايج .. ها شبيك صار ساعه اخابر ..
علي .. ماكو شي ..
امير .. صاير شي گول .. اصيح سدن تشوف زينب. .
علي .. ماادري شأگلك بس ياريت .. هاي امها مامعلمتها مدري شبيها بس تبجي وخايفه ..
امير .. دهاك هاي علاگة عشاكم ..
واصيح سدن واجي .. خررررب يومكم فضحتونا ..