Unicode
အခုဆို ဝိုင်းဖြိုးတောင် ဒုတိယနှစ်စာမေးပွဲကြီးဖြေရတော့မည်။ ဖြတ်သန်းလာခဲ့သည့်တစ်လျှောက် ကိုကိုဆိုသည့်လူလေးကို သတိမရသည့်နေ့ဆိုတာမရှိခဲ့။ ကိုကိုထွက်သွားကတည်းက ကိုကို့အခန်းလေးကို အန်တီတစ်လှည့် ဝိုင်းဖြိုးတစ်လှည့် နေ့တိုင်းသန့်ရှင်းရေးလုပ်ပေးသည်။ ကိုကို့အခန်းလေးက ကိုကိုထားခဲ့သည့်အတိုင်းပင် ဘာတစ်ခုမှနေရာမရွေ့။
နေနိုင်ရက်သော ကိုကိုကတော့ ဝိုင်းဖြိုးဆီလုံးဝ မဆက်သွယ်ခဲ့။ မနေနိုင်သော ဝိုင်းဖြိုးမှသာ
ကိုကိုသွားသည့်နေရာကို အန်တီ့ကိုမနည်းမေးထားရသည်။
ဒီနေ့က ကိုကို့အခန်းကို ဝိုင်းဖြိုးသန့်ရှင်းရေးလုပ်ရမည့်နေ့။ အန်တီကလည်း ကိစ္စရှိလို့အပြင်ထွက်သွားသည်။ အိမ်ကြီးထဲမှာ ဝိုင်းဖြိုးတစ်ယောက်ထဲသာ ။ ကိုကိုနေခဲ့တဲ့အခန်းလေးက ကိုကို့လိုပဲ
ဝိုင်းဖြိုးကို စိတ်ချမ်းသာစေသည်။ ကိုကို့အငွေ့အသက်တွေ ကျန်ခဲ့လို့ထင်ပါရဲ့။
ဝိုင်းဖြိုး တစ်ခါတစ်လေ ကိုကို့အခန်းဆီလာပြီး
စာကျက်လေ့ရှိသည်။ ကိုကိုအနားမှာရှိရင် စိတ်အေးချမ်းစွာ စာလုပ်နိုင်သည်မို့ ကိုကိုမရှိပေမဲ့
အခန်းလေးထဲမှာတော့ ကိုကိုရှိနေခဲ့ဖူးတာပဲလေ။
ကိုကို့စာကြည့်စားပွဲကို သန့်ရှင်းတော့ အံဆွဲတစ်ခုကို အရင်ကတည်းကတွေ့သော်လည်း ဖွင့်မကြည့်ခဲ့။ ဒီနေ့တော့ ဝိုင်းဖြိုး၏လက် ထိုအံဆွဲဆီအလိုလိုရောက်သွားလေသည်။
ဆွဲဖွင့်လိုက်သည်နှင့်မြင်လိုက်ရသည်က ဒဏ္ဍာရီ
ရေးသည့် စာအုပ်ကလေးတစ်အုပ်။ ဝိုင်းဖြိုး စာအုပ်လေးကို ယူကာ ဖွင့်ကြည့်လိုက်တော့ မြင်ဖူးနေကြဖြစ်သော ကိုကို၏လက်ရေးဝိုင်းဝိုင်းလေးတွေ။ ဆရာဝန်တစ်ယောက်ဖြစ်သော်လည်း
ကိုကို့လက်ရေးသည် လူနားမလည်အောင်ဖြစ်မနေ။ ရှင်းရှင်းလင်းလင်း သိသာနိုင်သော လက်ရေးမျိူးပါပဲ။
ရေးထားသည်က ' ခြံတံခါးပိတ်နေသော ချစ်ရသူ' တဲ့။ ဒီစာမျက်နှာမှာ ရေးထားသည်က ဝိုင်းဖြိုးကို ကိုကိုပထမဆုံးစတွေ့သည့်နေ့။ ခြံတံခါးပိတ်နေသောဝိုင်းဖြိုးကို အငေးလွန်လို့ အိမ်ကျော်သွားခဲ့သည်တဲ့။ ကိုကိုက အဲ့ကတည်းက ဝိုင်းဖြိုးကို သိနေခဲ့တာတဲ့။
နောက်တစ်ရွက်မှာ ရေးထားသည်က ' မုန့်ဟင်းခါးကြိုက်သော ချစ်ရသူ' တဲ့လေ။
ဒါဆို ဝိုင်းဖြိုး ကိုကို့စတွေ့ခဲ့သည့်နေ့က ကိုကိုသည် ဝိုင်းဖြိုးနောက်က လိုက်လာခဲ့တာပေါ့။
အိပ်မှုန်စုပ်ဖွားလေးနှင့်ကိုကိုကို့ ကလေးလေးလို့
ဝိုင်းဖြိုးက မှတ်ချက်ပြုခဲ့တာ။ စာတွေအားလုံး၏အဆုံးနားမှာရေးထားသည်က ' ပထမဆုံးမြင်ခဲ့ရသော ချစ်ရသူ၏ အပြုံးလေး'တဲ့လေ။
ဟား....... ကိုကိုရယ် ဖြိုးလေးကို အဲ့လောက်တောင် ချစ်ခဲ့တာလားဗျာ။
နောက်တစ်ရွက်ကို ထပ်လှန်လိုက်တော့
' သူငယ်ချင်းတွေနှင့်ပျော်နေသော ချစ်ရသူ' တဲ့။
စာလုံးလေးတွေက မှင်တွေပြန့်နေလေသည်။
ကိုကိုက မှင်စိုကိုအသုံးပြုကာရေးထားပြီး ဒီစာရေးချိန် ကိုကို ငိုနေခဲ့သည်လား။
ကိုကို့မှာ သူငယ်ချင်းဆိုတာ မရှိခဲ့ဖူးလေ။
ကိုကို့အဖေက သူငယ်ချင်းမထားခိုင်းခဲ့ပဲ တစ်လျှောက်လုံးဖြတ်သန်းလာခဲ့ရတာပဲ ဖြိုးလေးရဲ့ ကိုကိုက။
YOU ARE READING
လမ်းထိပ်မုန့်ဟင်းခါးဆိုင်မှ နိဗ္ဗာန်အထိ(Completed)
Romanceမုန့်ဟင်းခါးကြောင့် ဆုံခဲ့သည့် ဖူးစာဆိုပါစို့.... မုန့်ဟင်းခါးဖိုးပေးစရာမရှိလို့ အေးချမ်းလွန်းတဲ့ကိုကို့အနားမှာ တစ်သက်လုံးနေပါ့မယ် ကိုကိုကတော့ မုန့်ဟင်းခါးဖိုးလို့ သတ်မှတ်ပေါ့..... ဝိုင်းဖြိုး 💟 နေဒီစိမ်းဆု မုန့္ဟင္းခါးေၾကာင့္ ဆုံခဲ့သည့္ ဖူးစာဆို...
