ယွီအော်ထွက်သွားတော့မှသူမွန်းကြပ်မှုကိုပြေပျောက်ရန် အပြင်သို့ထွက်ခဲ့သည်
ကုန်းကုန်းကအလိုက်တသိ မီးအိမ်လေးကိုင်ကာ ပန်းခြံရှိရာသို့လမ်းပြပေးလေသည်.....
ယနေ့လပြည့်နေ့ဖြစ်သဖြင့်လမင်းကြီးကထိန်ထိန်သာလျှက်ရှိလေသည်
လေပြေအေးများတိုက်ခတ်သဖြင့် ပန်းရနံ့သင်းသင်းလေးကပျံ့လွင့်လာသည်
ပန်းခြံရှေ့ရှိ မဟာရေကန်ဘက်သို့မျက်နှာမူကာရပ်လိုက်ပြီး မငြိမ်မသက်ဖြစ်နေသည့်စိတ်အစဥ်ကို ငြိမ်သက်စေရန်အလို့ငှာရေကန်ထဲသို့ခုန်ဆင်းလိုက်လေသည်
"ဝုန်း...”
ရုတ်တရက် ရေထဲခုန်ဆင်းသွားသဖြင့် ကုန်းကုန်းမှာ ဘာလုပ်လို့ဘာကိုင်ရမှန်းမသိဖြစ်နေလေသည်
ရေကန်ထဲငုံ့ကြည့်သော်လည်း ဘုရင်မင်းမြတ်အရိပ်အယောင်တစိုးတစိမျှမမြင်သဖြင့်
"မင်းကြီး....မင်းကြီး....” ဟုတကြော်ကြော်အော်ပြီး
"စစ်သူကြီး Park ကိုအမြန်သွားခေါ်ကြစမ်း..” ဟု နန်းတွင်းအစေခံကလေးများအားလှမ်းအော်လိုက်သည်
"မလိုဘူး...မခေါ်နဲ့တော့... ” ဟူသော အသံနှင့်အတူ ရေထဲမှ ပြန်တက်လာသော မင်းကြီးကိုကြည့်ကာ
"မင်းကြီး..... ဘာလို့ ရေထဲခုန်ဆင်းရတာလဲ... မြန်မြန် မင်းကြီးအတွက် အပေါ်ဝတ်ရုံယူခဲ့ကြစမ်း.....” ပြာယိပြာယာ ဖြစ်နေသည့် ကုန်းကုန်းအားကြည့်ရင်း
"ရပါတယ်.... ကိုယ်တော် ဒီအတိုင်းနေချင်တယ်... ကုန်းကုန်း... မစိုးရိမ်ပါနဲ့...ကိုယ်တော့်စိတ်တွေရှုပ်နေလို့ပါ.....”
တအောင့်အကြာ
"မင်းကြီး..... ပြန်သင့်ပါပြီ....ရေစိုနေတော့ ကျန်းမာရေးထိခိုက်နေပါမယ်...”
ကုန်းကုန်း၏ စကားကိုနားထောင်သည့်အနေဖြင့် သူနန်းဆောင်သို့ပြန်ရန်ပြင်ပြီးမှ ငယ်စဥ်ကတည်းကနေထိုင်ခဲ့သည့်အဆောင်ကိုသတိရကာ
"အနောက်ဆောင်ဘက်သွားကြရအောင်....”
ကုန်းကုန်းမှာ အနောက်ဆောင်သွားရာလမ်းသို့ ပြောင်းကာ မီးအုပ်ဆောင်းကိုပြလျှက်ရှေ့မှ တလှမ်းချင်း ထွက်သွားလေသည်
တနေရာအရောက်တွင်
"ကုန်းကုန်း ဒီရေတွင်းပျက်ကြီးကို ကိုယ်တော်သတိထားမိတာကြာပြီ..... ဘယ်ကတည်းကပိတ်ထားတာလဲ....”
YOU ARE READING
The Goddess of Love
Romanceနှစ်ရာပေါင်းများစွာထောင်ပေါင်းများစွာတိုင် မင်းကိုချစ်တဲ့ အချစ်က ပြောင်းလဲသွားမှာမဟုတ်ဘူး... ကမ္ဘာကြီးကဘယ်လိုဘဲပြောင်းလဲနေပါစေ......တစ်ယောက်ထဲသောသူကိုမေ့ပစ်ဖို့ကမဖြစ်နိုင်တာမို့ ....... ပြန်ဆုံတဲ့အချိန်နဲ့စတွေ့တဲ့အချိန်ထိမင်းတစ်ယောက်ထဲကိုသာချစ်ခဲ့တာ...
