روايـة: شخـوص داخلـة
مُهـم:"لا تنسـون التصويـت⚫.
"لَا بأس لقّد عِشتُ أيّاماً أكثر حُزنًا مِّن هذه".
______
أتمَنى لو چنت اگدَر اخفي الرُعب والقَلق الي بَاين على مَلامحِي بِوقتها نفِس رُعب الأيَام القَديمة تكَرر
صعِب جدًا تشوف أنسان ميت بلا روح وبطريقة بشعة وسابح بدمة وعيونة مقلوعة ايدة مقطوعة
عقلك ما رح يتحِمل وقلبك يمكن يتوقف بأي لحظة بعد الي شفتة
قتيبة منو إلي قتلة بهذه الطريقة وليش بهذا الوقت ومرمي علئ الأرض تحت سيارتي !!
ايديه علئ عيوني أصرخ بصوت عالي يا اللهي رحمتك عيوني علئ جثته والمنظر الفضيع الي مُستحيل شخص طبيعي يشوفه وما يفقد عقلة
ايدي صِارت ترجف وسيارتي مُبتعدة عنها بمسافة بعيدة ابتعدت كردة فعل
أسمع صوت هورنات سيارة عالية وراي
أريد احچي ما اگدر لساني أنشل أنربط أحاول أنطق بصعوبة تامة ما يطلع حرف مني
صرت أشلع شعري وأضرب رجلي علئ الأرض بقووة وأصرخ بوسط الشارع
الجثة أمامي والسيارة مُستمرة تضرب هورنات خلفي
تقدمت بخطواتي للخلف واني ناوية أروح للسيارة
ركضت بسرعة بأتجاها بدون ادراك عن تصرفي
فجأة توقفت عن ضرب الهورنات،وقفت يمها بشجاعة ودگيت الجام بقوة وأصرار
نزلت الجامة بهدوء مُخيف..
شددتُ قبضة يدي وأنا أرئ قاتل أبي يحُب الدماء وقتل الأبرياء المُجرم المجهول عيناه الحمراء الحادة فقط تظهران وتلمع بشكل غير بشري ترتسم عليها علامات الأرق والمرض والغموض وكأنها عين صقر يحيط وجهة قناع أسود إنهُ F !!
رجعت خطوات الئ الخلف برهبة وفزع..
أنفتح الباب ونزل بكُل جبروت القيتُ نظرة علئ ايده مُتزينة بالساعة ولازم مُسدس..
حاولت أتجمع قواي أمامي مُجرم مو أي شخص حاولت أنسئ جثة قتيبة وأفكر بمهرب بهكذا موقف صعب..
عيني صارت علئ سيارتي تحمحمت وردت أركض وأشرد من ذكائي المفرط
مُجرد إنُ قدمي تخطت خطوة للأمام رمئ رصاصة بقربي فزيت وبنفس الوقت دموعي نزلن كردة فعل بسبب صوت الطلقة حسيت گلبي رح يوگف
التفتت علية واگف بنفس مكانه ومتكئ علئ السيارة ويفر بالمسدس حول اصبعة
حچيت بصوت متقاطع ونبرة خوف وبرجفه..
- خليني أرجع بالرب أني ما سويت شيء الك ليش تأذيني . .
أنت تقرأ
شخوص داخلة
Actionفتاةٌ مسيحيةٌ، تشهدُ عَلَى عِدّة جَرائِم، فَتكبر ثلاثُ عقود فِيْ ليلةٍ مشؤمةٍ، ثُمَّ تفر هاربة إلى تُركيا، لَا تعرف شيءً عن القاتل المَجهول سِوى الحرف -F- الَّذي يَخطهُ بالدمِ، يا تُرى مَن هوَ؟ وماذا يُريد؟ ألغازٌ مُحيَّرةٌ عِنوانُهَا -حُبّ أم إنتق...
