قيود العادات والتقاليد

ممن سأتزوج ؟

جدلان :  بدون اعذار عندكم خمس بنات
لازم تتزوجونهم وتسترونهم  من الفضايح
رشاش : تم انا باخذ  ديم
سلطان  : انا بتزوج رنا
مصلح : انا بتزوج عهود
جدلان : كفو يامصلح
علي : انا  بتزوج ساره 
ناظر رشاش في علي بحقد .،
رشاش : خل غيرك يتزوجها
الجد الجدلان : ليش وشفيه علي رجال
رشاش: مانيب موافق
الجد جدلان : مو على كيفك علي بياخذ ساره
علي : شفيك يارشاش بستر على اختك ( بأستفزاز

قام رشاش ومصلح معصبين من كلام علي لاختهم.،
مصلح : اسكت لاكوفنك هنا ( بصراخ)
رشاش : وش شايف  اختي ياكلب
علي : حمد لله  ماعندي حريم يهربون
( يبغى يرفع صغط رشاش )

ثار دم رشاش ومعاد شاف قدامه وضرب علي
كف على وجهه وعلي رد عليه  بكف وتضاربو

فرعو العيال بينهم وجدلان بقمت عصبيته

جدلان : معادكم تحترموني نسيتو من انا ( بصراخ)

ناظرو علي ورشاش في بعض بحقد  ود كل واحد
يذبح ثاني  جدلان راح غرفته ينام  بعدها بشوي
راحو العيال ينامون تعبانين

صباح 🌤

عند البنات صحيو كانو هادين ويحسون بألم
بعد ضرب امس ومقاطعين عهود مايكلمونها

دخلو لامهات عليهم وعاتبوهم .،
لام خيريه : ليش هربتو امس ( بهدوء)
البنات ماردو عليها وعادت سؤالها بعصبيه
عهود : انا قلتلهم يهربون ولعبت في راسهم بعد
لأم خيريه : وتقولينها في وجهي ( اعطتها كف)
عهود : خلاص من ضرب جسمي زرق ( بصراخ)

عند الجد جدلان جمع عياله عوض وخالد وسعيد
وقالهم سالفه زواج  وفرحو مره
والعيال كانو قاعدين بهدوء ينتظرون ليش مناديهم
جدهم دعى البنات يجلسون معهم
دخلو البنات وهم متفشلين من أبائهم 

جدلان : اسمعي انتي ويها بتتزوجون في يوم واحد
من عيال عمكم وافتك من فضايحكم فاهمين

ناظرو البنات بصدمه في بعض  وهم يدعون
على عهود ماحد رد عليه

جدلان : فاهمين  ( بصراخ)
ديم : إي زواج ليش دنيا فوضى ( تبكي)
سعيد ابوها : انطمي ولك عين بعد بتتزوجين ولد
عمك رشاش وش  تبين احسن من كذا
( ديم نزل الكلام مثل صاعقه عليها )
ديم : وليش رشاش فيه غيره
رشاش : وش تقصدين ( بعصبيه)
ابوها سعيد : ولا كلمه احسن لك
سكتت وهي بالعه غصتها وخايفه من فكرة زواج
جدلان : قومو من وجهي مو طايق اشوفكم

قامو البنات وراحو في الغرفه  ومعصبين مره
عنود : بنات وش عنده ذا شايب وش يبغى منا
رنا : معليش انا مابغى اتزوج اللحين
ديم : بنات بتزوج رشاش قولو هذا كابوس
تدمرت خلاص ( تبكي )
ضموها البنات وجلسو يهدونها ..

بعد ساعتين جلست ديم في صاله تقرأ كتاب
جلس جنبها رشاش ويدخن انزعجت من حركته

ديم : كتمتني من ريحه دخان
رشاش : بتتعودين عليه  ( يضحك)
ديم : اشتبي فيه حوش روح ودخن هناك
رشاش : من كنتي تبين يخطبك
ديم : واحد غيرك طبعا
رشاش : لو تموتين ماخذيتي غيري
ديم : طيب ممكن اقرأ كتابي اسكت
رشاش : لا مو ممكن قومي سويلي شاهي
ديم : وشدخلني فيك قول لاختك تسويلك
رشاش : بتقومين ولا شلون ( بحده)
ديم : الله ياخذك ( بصوت واطي )
راحت تسويله شاهي واعطته وهو عاجبه شكلها
وهي معصبه اخذت كتابها وراحت غرفتها
رشاش وده اليوم قبل بكره تصير زوجته

عند رنا كانت مصدعه مره وتدور حبوب
راحت للمطبخ قابلت سلطان توه داخل البيت
وكان المطبخ قريب من باب البيت
سلطان : يالله انك تحيي رنا
رنا : اهلين ( تسلك )
تبغى تكمل طريقها سحبها بقوه ولزقها على
جدار وقرب منها وقال عند اذنها
سلطان : وش منزلك ذي الحزه لايكون عندك
حبيب  وجايه تشوفينه( بعصبيه)
رنا : وشدخلك فيني (توخره عنها بس مافاد )
سلطان : شوفي لاتلعبين معي  انا طيب لاكن ان
لعبتي علي ذبحتك
رنا : طيب وخر كنت رايحه اشرب مويه ( تبكي)
سلطان : انقلعي بس  ( دفها ومشى )
راحت تشرب مويه وهي تبكي ليش تغير عليها
كان متفاهم ويدلعها رجعت الغرفه وشافت ديم
متضايقه جلست جنبها .
رنا : ليش الحلوه زعلانه
ديم : كنت اصبر نفسي اني بتزوج واحد يعوضني
عن كل شي محرومه منه وطلع زوجي رشاش
فيه انحس من كذا ( تبكي)
رنا : حبيبتي انتي معليك يمكن لو تزوجتيه يصير طيب
ديم : ماضنتي من يوم انا صغيره وانا ما اشوفه يضحك
رنا : شرايك نجلس في سطح مع البنات
ديم : اي احسن من القعده هنا

رنا راحت وكلمت البنات يطلعون سطح كلهم
طلعو بس عهود متفشله من البنات وماطلعت
سألو عنها البنات قالت اختها عنود انها تبغى تقعد
لحالها سمرو من دونها

عهود كانت قاعده في غرفتها سمعت دق على الباب
قامت تفتح الباب وشافت مصلح خافت وش جايبه
في وقت متأخر دفها بقوه داخل  ودخل وسكر الباب
عهود كلجت وهو يقرب منها .
مصلح : تدرين من بيتزوجك ؟
عهود : لا ما ادري ( بخوف)
مصلح : انا ياحلوه شرايك
عهود : على جثتي
مصلح : احب على قلبي اذبحك بس قبل اذبحك
لازم انبسط فيك ( يلعب بشعرها)
عهود : حقير ( تبعد يده عنها )
مصلح : حقير مع امثالك بغيت اقولك لو اشوفك
تسوين شي من ورانا والله ياعهود مايفكك حد مني
طلع وسكر الباب بقوه عهود  خافت تقعد ويرجع
يجيها مصلح راحت عند البنات  في سطح

دخلت وهي متوترة سلمت وجلست بينهم
ردو عليها سلام سكتو وتكلمت
عنود : عهود فيك شي
عهود : بنات بسالكم انتو تعرفون من بتتزوجون
عنود : والله شي يضحك ماندري من بنتزوج (بضحك
رنا : كلهم ملاعين ماغير عمر يارب اتزوجه
ديم : ياحسرتي على عمري صدموني من ابو كشه
ساره : فيني فضول من بتاخذ مصلح
رنا : يمه تخيلو يطلعلي
عهود : لاتخافين بياخذني انا ( بأحباط)
ضحكو على عهود ...
عنود : تستاهلين خليك تعقلين
ساره : اخيرا مصلح  بفتك منه
رنا : بنات متى يرجع فهد من شهر العسل ؟
ديم : ياحظ عايده يدلعها
عنود : ترا بيجيبها هنا تسكن
عهود : اكيد شايب العايب مابيرضى يسكنون لحالهم
ديم : جني شله المريض نذر علي لو يموت لارقص في عزاه

مر الوقت وهم ناسين كل همومهم ويتذكرون اشياء
يضحكون عليها هم مالهم غير بعض