قيود العادات والتقاليد

لازال هناك أمل

نكمل .....

قرب منها سعد وسكين ورا ظهره ديم استغربت منه
ديم : لاتقرب خلك مكانك
مسك ديم من شعرها وحط سكين في بطنها
سعد : تحركي قدامي ولا طعنتك
صرخت ديم بخوف : لاتكفى لاتتقتلني
سحبها بقوه يبغى يدخلها سياره وديم تصارخ
بعد مادخلها سياره لف يبغى يركب مصلح كان في وجهه
صقعه مصلح بحديده على راسه وديم نزلت من سياره تبكي
اخذ مصلح سعد للمستودع البيت وربطه وسكر فمه
وقفل عليه الباب مستحيل يقدر يطلع

رجع مصلح لديم وشربها مويه وقعد يهديها ..،
مصلح : خلاص ماحولك خلاف اللحين انتي في امان
ديم : ليش يبغون يقتلونا منهم
مصلح : مدري بس بنعرف ونسود عيشتهم

دخل رشاش والعيال البيت وشافو ديم تعبانه
رشاش خايف عليها : ديم فيك شي
(مصلح قال لهم سالفه كامله ورشاش عصب مره )
رشاش : فيه احد ناوي علينا كلنا
مصلح : قربنا نعرف منهو اذا صحي سعد بنجبره يتكلم
سلطان : طيب وساره في المستشفى لحالها اخاف يأذونها
رشاش : مهل وقحص خليتهم عندها
سلطان : زين حمد لله

رشاش شل ديم لغرفتها وقعد يهتم فيها

................ عند ريم

قاعده على جمر تبغى تعرف سعد قدر ينفذ خطتها
دخلت اختها ليان ( ليان تشتغل دكتوره ) وقعدت معها
ليان بتعب : اليوم متعب مره ماصدقت يخلص
ريم : اسمعي ليان شرايك بكره نروح نعزي لعمر اخو رشاش
ليان : جنيتي شدخلنا فيهم
ريم : ليش شدخلنا بالعكس نكسب اجر
ليان : تم
ريم : جهزي نفسك بكره بنروح لهم في العصر

...................... اليوم ثاني صباح

قامو البنات يحضرون الفطور كانت لام نوره تتجهز عشان
تودي الفطور لساره وتهتم فيها.

قامو العيال يفطرون بعدها رشاش نزل للمستودع
دخل رشاش وشاف سعد باقي نايم جاب مويه بارده
وكبها فوق راس سعد وشهق من برودتها
رشاش : بتفق معك اتفاق تقول من ارسلك ولا اخليك
تتمنى الموت وماتحصله
ما اعترف سعد ورشاش يعذبه بكل الوسائل عشان يعترف

عند البنات سمعو دق الباب راحت عهود تفتح ألباب
وتفاجأت بريم واختها ليان دخلتهم
ريم عصبت بعد ماشافت ديم بخير ومافيها شي
ريم : سلام كيفكم
ديم مستغربه : وعليكم السلام
رنا : تفضلو اقعدو
جلسو ليان وريم والبنات بعد ورنا راحت تسوي قهوه
ريم : جيت انا واختي نعزي لكم الله يرحمه
عهود : أمين ماتقصرون
ليان : ندري انا ابطينا ماعزينا لكم بس والله انشغلنا
رنا جابت القهوه وصبت لهم  وريم تدور بعيونها لرشاش
وهم قاعدين سمعو صراخ واحد يتألم
ارتبكو البنات لانهم يعرفون ان رشاش يضرب سعد
ليان بخوف : وشذا صوت
ديم : ولاشي ماقلتولي وش اخبار امكم ليش ماجت معكم
( ديم والبنات يسولفون بصوت عالي عشان يغطون
على صوت سعد )