قيود العادات والتقاليد

سرقه

{أحبك بقلب غيور يهوى التملك }

نكمل .....

رنا تناظر في سلطان وهو مايدري كان يبكي وقاعد على لارض شباك غرفتها
مطل على شارع وقريب مره وتسمع صوت
بكاه
كان الوقت متأخر قراب الفجر
رنا بنفسها : اول مره اشوفك تبكي ياسلطان مدري انت
تبكي  علي ولا مني انت خسرت انسانه تعشق تراب
تمشي عليه ووعدك بذوقك من نفس الكاس

عند سلطان
يبكي وهو مو قادر يطفي شعور شوق والخوف متملكه
لان يدري لو اجبروه يطلقها بيزوجونها مارح تقعد بدون
زواج وهذي الفكره كلما طرت على باله يموت من الغيره وهو بس شك ووهم

سلطان بنفسه : والله لاذبح واقطع من يقرب منك يارنا
الله ياخذ عمرك ياعزيز انت واختك

...................................
الفجر ساعه ٤
باقي الشمس ماشرقت نزلت ساره تبغى المطبخ
فجأه شافت جميله عند تلفون وتكلم احد بصوت
واطي قربت ساره بس للأسف ماتسمع وش
تقول بس لقطت كلمه وهي
( بسرق ألي بقدر عليه )

رجعت ساره لغرفتها قبل تشوفها جميله
وهي مصدومه
ساره : وش تخطط له ذي 🐍 معقوله بتسرق

..........................

رجعت جميله للغرفه وخافت من سلطان قاعد ويدخن
ينتظرها وهو معصب قرب منها وهي ترجع ورا
سلطان : وش منزلك ذي الحزه تحت
جميله مرتبكه ؛ كنت عطشانه

عطاها كف وهي داخت من قوته
سلطان : المويه قدامك هنا  اش نزلتي تسوين ؟؟
جميله تبكي: كنت اكلم اهلي من تلفون اشتقت لهم
سلطان : استأذني قبل تعتبين باب الغرفه
جميله : حاضر

....................................
ساعه ٧ ونص صباحًا

ديم نزلت مثل عادتها تسوي قهوه هي اول وحده تصحى
في البيت شبة البخور وقعدت في صاله تشرب
قهوتها جذبتها ورقه صغيره مرميه تحت طاولة
التلفون قربت واخذتها طلع رقم بس مو رقم سعودي
رقم مصري استغربت
ساره : يووه ياديم مايمديني اسبقك وأصحى قبلك
ديم بأبتسامه : اذكري ربك لاتعينيني
ساره : الف من ذكره  وشذي الورقه
ديم : مكتوب رقم مصري شكلها للزفت جميله
ساره : تعالي بقولك اليوم الفجر نزلت للمطبخ
وشفت جميله تكلم بصوت واطي صراحه
ماسمعت غير انها قالت بسرق تتخيلين
ديم : بتسويها اكيد لازم نراقبها
ساره : اي لازم

لام نوره : صباح الخير يبنات
ديم وساره : صباح نور
لام نوره : فين الفطور

قامو البنات يسوونه نسيو نفسهم مع سواليف
المهم الحضرو الفطور وكالعاده يفطرون
بعدها يروحون لاشغالهم