قيود العادات والتقاليد

صدفه

نكمل ..

عنود جهزت لاكل والبيت طبعًا عندها خدم بس هي
تحب شغلها وجهزت كل شي ومشعل معجب فيها
مشعل : يعطيك العافيه ياعنود
عنود : الله يعافيك
مشعل : تدرين اني خايف من بتول
عنود : ليش خايف منها
مشعل : دايم تجيب العيد اخاف تفشلني
عنود : لا مارح تفشلك شدعوه
دخلت بتول وهي تمضغ علك ومو مهتمه زين بشكلها
عصب مشعل منها
مشعل : انتي وين داخله
بتول : اشفيك يا بابا لاتنكد علي
مشعل : اول شي ابعدي العلكه من فمك ثاني شي روحي
ألبسي فستان ماني مقصر معك ليش تلبسين كذا
بتول : يعني ذوقي مايعجبك اعمت عينك ذي ( تقصد العنود)
عنود : حبيبتي طالعه قمر بس لو فستان احلى
بتول : اففف طيب ( راحت تبدل )

......................... في البيت

رشاش صدع راسه من عهود وديم ورنا وساره يطلبونه
عشان يروحون للعشى
رشاش : ماينفع نروح كلنا فشله
ديم : وليه فشله بالعكس بيفرح رجال
سلطان : ياربي نشبات خلاص قلنا لكم مافيه روحه
رنا بعصبيه : على كيف امك عزمونا واحنا بروح شدخلك
سلطان : احمدي ربك انك حامل
رنا : حمدلله عشان كذا استغل وجوده في بطني اخذ حقي
من عينك
سلطان : اهجدي خلاص
ساره : ياكرهكم لنا ساعه نطلبكم خلونا نروح
عمر بحنان : ساره حبيبتي ماينفع
ساره : تكفون خلونا نروح
مصلح : لا وألف لا بنروح نشتغل مع رجال ونرجع
عهود : مابناخذ منكم حته من زينكم انتو واجتماعكم مالت
مصلح : هااقعدي والله ماتروحين انتي بذات
عهود : مو لازم بروح اتفرج تلفزيون ابرك لي

رفضو العيال ياخذون البنات اخذو معهم لامهات نوره
وخيريه  بس
والبنات بينطقون من طفش

.....................  عند العنود
ام مشعل تسولف مع العنود
عنود جالسه في امان الله بتول تناظرها وغارت منها اخذت
كوب عصير وسوت نفسها تطيح وكبته على شعر وملابس عنود

مشعل بعصبيه : اشفيك انتي ماتشوفين
بتول : اسفه بالغلط
عنود : حصل خير بروح اغسل شعري
طلعت غرفتها ...

دق الجرس فتح مشعل الباب ورحب فيهم وضيفهم
تكلمو عن مواضيع
لام نوره : مشالله تهبلين وش اسمك
بتول : اسمي البتول
لام نوره : جميله مره طالعه على امك اكيد
بتول بعصبيه : انا ماعندي ام
مشعل : بتول اهدي

دخلت العنود عليهم انصدمت وبعد هم مصدومين
ناظرو في بعض ام خيريه تغمض عينها بقوه وتفتحها
تخاف انها تتخيل

مشعل : اعرفكم على زوجتي العنود ما احكيلكم عن ادبها
ولا اخلاقها بنت نازله علي من سما حمد لله عليها

ام خيريه ضمت العنود بقوه وتبكي
خيريه تبكي : وينك يالعنود سنتين وانا ادورك هنت عليك
عنود تبكي  : انتي تبريتي مني شسوي طيب

سلطان قام وضربها كف مسكوه العيال
رشاش بعصبيه : ليه تضربها
سلطان : ليش انحاشت كل هذي الفتره فضحتينا وبهذلتينا
لام خيريه بصراخ : لاتمد يدك عليها فاهم
سلطان : لو ماكنتي متزوجه كان نحرتك
عمر ضم العنود : اشتقت لك

تسامحو ومشعل فهم كل شي وفرح مره تعشو
وجلسو مع بعض

...................... عند البنات

رنا ماخلت سبه ولا دعوه إلا وقالتها والبنات طفشو
ديم : اسكتي خلاص من يوم راحو وانتي حارقه دمك
رنا : بموت من القهر وشفيها لو رحنا
عهود : مصلح ماصدقت يصير انسان طبيعي ورجع مثل اول
ساره تضحك : اللهم لا شماته عمر مدلعني فديته
رنا بعصبيه : انقلعي مريضه ليتني اصكك بعين
ديم : ساره اسكتي بتحرق البيت كله فكينا منها
رنا : اي بحرق دنيا فوق روسهم
( يضحكون عليها ونقهرت زياده )
رنا : انا الغلطانه قاعده معكم ( راحت لغرفتها)
ديم تضحك : بنات ذي العصبيه من هرمونات الحمل
عهود : الله يعين اخوي سلطان عليها بتاكله
ساره : ليش ماعصبتو زيها مدامكم حوامل
ديم : ادري العصبيه مابتنفع خصوصًا مع رشاش
عهود : اتخيل نفسي اصارخ في وجه مصلح يمكن يقطع لساني عادي يسويها
ساره : الله يعينكم هم اخواني بس مايتعاشرون

رجعو للبيت وكانو فرحانين مره ..
عهود : شفيكم فرحانين
لام خيريه ضمت عهود وتبكي من الفرحه
خيريه : اليوم شفت اختك العنود وكانت بخير
عهود تبكي : وانا ابغى اشوفها
مصلح : بكره بتجي هنا
فرحو البنات مره ويستنون بكره على احر من الجمر

.......................
معلومه
( عهود قبل تتزوج مصلح كانت لعابه وتكلم عيال
طلال تذكرونه ؟  وغيره وغيره كثير بدون علم اهلها)
........................
اليوم ثاني ..

كان البنات يجهزون كل لاكلات ونظفو وبخرو البيت
جهزو استقبال كامل وفخم

وصلت العنود ضمتها عهود وهم يبكون
عنود : سامحيني على كلامي القاسي لك بس والله انه غصب
عني
عهود : عادي اهم شي انك رجعتي وشفتك
عنود : بتطفشين مني كل يوم بزورك
ضموها البنات كلهم وهم يبكون من الفرحه
جلسو معها سواليف ووناسه

قاطعهم دخول مشعل مع سلطان هنا حصلت كارثه
كبيرررره ونظرات متبادله بين .......؟

احبكم 🫂🤍🤍