ငါလေးကတာဝန်ကျေတဲ့ဇနီးလေးနဲ့မေတ္တာရှင်မိခင်ဖြစ်လာတယ်[ဘာသာပြန်]

*2* သေချင်နေတာလား

သူတို့ကဘယ်သူတွေလဲ....ဘာလို့ငါ့ကိုလက်သီးနဲ့လာထိုးတာလဲ...ဒုတိယအစ်ကိုနဲ့ ငါးမြွှာပူးတွေဘယ်ရောက်သွားတာလဲ...ပြီ်းတော့ ငါဘယ်ရောကျ​နေတာလဲ...

ရုန်ယိ သူ့ကိုယ်သူ ခေတ်သစ်အပြင်အဆင်နဲ့အခန်းမှာမဟုတ်ဘဲ TV ထဲမှာသာမြင်ခဲ့ဖူးတဲ့ ရှေးခေတ် အဆောက်အဦးရှေ့မှာရပ်နေမှန်း သတိပြုမိသွားသည်။ ရုန်ချီရဲ့ရယ်စရာကောင်းတဲ့သူငယ်ချင်းတွေက သူ့အပေါ် မှော်အတတ်သုံးလိုက်တာဖြစ်မယ်။

"ဝိုး.. ဒီအခြောက်က ငါ့လက်သီးကိုရှောင်နိုင်တယ်ဟ..အထင်ကြီးစရာပဲ.."
ရုန်ယိရှေ့မှာရပ်နေတဲ့ယောက်ျားကပြုံးပြီး
"မင်းရဲ့ နို့တိုက်နေရတဲ့ယောက်ျားခွန်အားတွေကိုသုံးလိုက်တာလား...."

တစ်ခြားယောက်ျားနှစ်ယောက်က ကျယ်လောင်စွာရယ်မောလာကြသည်။

"အစ်ကိုချွမ် အချိန်မဖြုန်းနဲ့တော့.... သူ့ကို ဂိုဏ်းတူအစ်မရဲ့ မဂ်လာဆောင်ဖိတ်စာပေးလိုက်တော့..ဒါမှသူထာဝရလက်လျော့သွားမှာ..." ဒီယောက်ျားရဲ့နောက်ကမိန်းကလေးက အထင်သေးမှုတွေနဲ့ပြောလာသည်။

"ကောင်းပြီ" ချွမ်ဖုန်း သူ့အကျီရင်ဘက်ထဲကနေ အနီရောင်ဖိတ်စာကတ်ကိုထုတ်ကာ သူ့လက်ပေါ်သူပုတ်နေရင်းနဲ့
"သူမက မင်းကိုဖိတ်စာပေးခိုင်းလိုက်တယ်...။နောက်နှစ်လကြာရင် သူမနဲ့မင်းရဲ့ဆရာတူအစ်ကိုကြီးက ထျန်းယွမ်ဂိုဏ်းရဲ့ ကံကြမ္မာတောင်ထွတ်မှာ လက်ထပ်တော့မှာ..မင်းကို သူတို့ရဲ့ မဂ်လာပွဲကိုဖိတ်လိုက်တယ်...။ဒါပေမဲ့ မင်းမှာက လရင့်နေတဲ့ကိုယ်ဝန်ကြီးနဲ့ဆိုတော့ မလာတာကပိုကောင်းမယ်..။.မဟုတ်ရင် အဲ့မြင်ကွင်းက မင်းအတွက်လက်ခံနိုင်ဖို့ အရမ်းများလွန်းတော့ မဂ်လာပွဲမှာတင် ကလေးမွေးနေဦးမယ်..။"

"အစ်ကိုချွမ်..ကျွန်တော်တို့ လက်သည်တစ်ယောက်ပါဖိတ်လိုက်မယ်လေ..ဒါမှသူကလေးမွေးတဲ့အခါ သူ့ဘောင်းဘီကိုချွတ်ပြီးတော့ ယောက်ျားတစ်ယောက်ဘယ်လိုကလေးမွေးလဲဆိုတာ တစ်ဂိုဏ်းလုံးပြလို့ရမှာ.."ကျန်တဲ့သူတွေကပါ ဝိုင်းလှောင်ပြောင်ကြ၏။

"အကြံကောင်းဘဲ..."

ရုန်ယိက သူတို့ဘာပြောပြောအာရုံမစိုက်ပေ။ တစ်ယောက်ယောက်လုပ်လိုက်တဲ့ ဒီပုံရိပ်ယောင်ထဲကနေ ဘယ်လိုထွက်ရမလဲဘဲ သူ့အာရုံထဲရှိ၏။