احببت والدي

البارت الخامس

الحقيقه المرة
للكاتبة وردة سنيني
،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،

مسحت أدموعي ليش جاي أبچي أذا أني متأكدة هوة أبوي أي أبوي ليش أبچي أمسحي دموعچ سلاسل

هوة أبوي أي أبوي حبيبي هوة
أبوي وأني بنته من صلبه من لحمه ودمه أي گومي سلاسل أبوي أي أبوي السمعته بسبب تفكيري الزايد

أي بسبب تفكيري الزايد لأن الموضوع شغلني هواي وهاذة السبب لأن أفكر هواي بل موضوع گومي سلاسل

يجي بابه وأسئله متأكدة راح يگلي الحقيقه ويگلي أني بنته

گمت ومسحت أدموعي وصعدت الغرفة بابة بس دخلتلهة دموعي نزلت غصب عني هنا خارت قواي ومتحملت

أسئله هواي أدور أبالي وما جاي ألگه الهن جواب غير دموعي التجري

ليش بابه گال أني ربيتهة وهيه كل هل سنين ما عرفت وأذا ما گلنه هية أكيد ما راح تعرف
يعني أني مو بنته لا أني بنته زين ليش مسجلني بأسم زوج عمتي ليش مو بأسمه

بقت جروحي تنزف وطول هل عشر تيام ما ضگت طعم الراحه أل أكل صرت ما أستهوي حته المي من أحس نفسي راح أموت من العطش يله أشرب مالي حيل التفكير هد حيلي هد

طول هاي الأيام سكنت غرفة بابة وما أنزل حته كلهة قلقت عليه بس أني قافله الباب ما أريد أحد مرات أگول أنزل أسئل بيبي

بس بيبي تريد أبنهة يرجع للبيت أكيد ما راح تگلي معقوله هاي الكلمه أذتني والأذاني أكثر
معقولة هوة مو أبوي
معقولة أني مو بنته
معقولة العايشه وياهم كل هل سنين مو أهلي

ألف سؤال بداخلي وما أله جواب حيرة بداخلي
صرت من أبچي ما تنزل أدموع
من التعب والتفكير صرت أنام بدون ما أحس عله نفسي
گضيت هاي الأيام بچي حته صوتي صار ما ينسمع

،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،

علي،،رجعت بعد عشر تيام أجازتي دخلت للبيت سلمت عله أمي ودخلت الغرفة بنيتي ما لگيتهة أستغربت لأن هيچ وكت هية نايمه رحت لمي

علي،،يمه وين سلاسل
أم علي،،يوم بغرفتك
علي،،ها رايحلهة
أم علي،،سلاسل هل أيام حابسه روحهة بغرفتك وما تقبل تاكل كل ما نحچي وياهة تظل تصرخ ومتقبل نحچي وياهة

ومترضه تاكل وهاي ليام گضتهة ساكنه غرفتك مانزلت أبد
حاولنه وياهة ماكو أبد ومتقبل تگللنه ليش جاي تسوي هيچ
علي،،ليش محد خابرني وگلي

ام علي،،يمه خفت عليك وما خليتهم يگلولك

علي صعدت للغرفه دگيت الباب محد رد مرة مرتين تلاثه صاحت سلاسل

سلاسل،، خييييير شتردون
علي،، فتحي الباب بابه

سلاسل
بمجرد ما سمعت صوت أبوي نزلت أدموعي أجه راح يگلي أني بنته راح يطلعني من الدوامه الأني بيهة