احببت والدي

البارت الحادي عشر

الغربه

اصعب شعور ممكن تعيشه
كأبه كلشي بداخلك يدمر

يستوطنك شعور بل أنهيار
تحس اهلك غربه أو الأصح

الناس ألي ربوك غربه
تحس الدنيه كلهة غربه
وتعيش دمار نفسي وجسدي

عشت كل هل المشاعر والدمار النفسي والجسدي
وبعد هواي أمور تصعب عل الحروف تعبر عنهه

اليوم اجه من التحاقه مشاعري متضاربه اتجاهه
أحس روحي محتاجته طلعت الكلمه بهدوء من شفايفي نزلت أدموعي صار يومي ميمر أذا ما تحرگ وجنتي گمت بهدوء

مسحت أدموعي وگفت گبال المرايه صرت أباوع عله نفسي متغيره هاي الكلمه قليله بحق ألي چنت بي وصرت بي عدلت شعري وفتحت الباب

هدوء وكلهه نايمه صعدت دگيت الباب فتحلي الباب
وكتله تعبانه أخذني بحضنه بس رغم هاذه الشي

حسيت أكو شي أختلف بيناتنه أي حته هوة صار يحس بهاذه الشي

حسيته ما مرتاح حسيته ما راغب بوجودي بحضنه رفعت راسي شفت يعصر براسه وعيونه ويمسح وجهه گتله

سلاسل،، شبيك
علي،، لا مابيه شي بابه
سلاسل،، لا بيك شي
علي،، لا بابه بس تعبان نامي بابه ارتاحي

حضنته حييل دفنت راسي بحضنه وگتله سلاسل،،ارييييد أهلي
صارت تنزل دموعي ونار تطلع من عيوني تحرگني حييل

علي،، (صار وجهي ينطي ألون )

علي،، تعبببت أني هم حگي أني أريد تعب رباي وسهر ليلي وبالي الي ينشغل بيچ من أني بشغلي وخوفي عليچ وحبي وتعبببي

سلاسل،،محد جبرك تاخذني وتربيني چان أختيارك أني أريد أهلي ألي باعوني أريد أشوفهم وأروح وياهم ما أضل عندگ حته تذكرني بتعبك عليه اني ما ناسيته مشكور بس مجبرتك تربيني

علي،، تدرين بيهم باعوچ وتردينهم
سلاسل،، أي أريدهم
گلي گلمه خلت گلبي يوجعني حييل گالهه بهدوء حسيته مخذول مني حيييل

علي،، وأني مو أبوچ
سلاسل،، انته ألي ربيتني مشكور هسه اريد أشوفهم شوكت تاخذني ألهم
علي،، طلعيييي بره
سلاسل،،راح أطلع بس گلي شوكت تاخذني ألهم

علي،، طلعي تعبان واريد ارتاح

سلاسل،،(وگفت يم الباب وگتله)
سلاسل،، تدري باچر يجون اهل رفل
علي،،شو أمي ما گلتلي
سلاسل،،اي ادري بيهه ما گالتلك
علي،،لعد ليش جاي تگليلي
سلاسل،،بيبي جايبتهم علمود خطوبتك

علي،،ششنننوووو
سلاسل،،أي معقوله خطبولك وأنته ما تدري عمو أحمد يدري معقوله مگلك
علي،،طلعييي بره
سلاسل،،أي علكيفك طالعه

طلعت ونرسمت ابتسامه عله وجهي
أذا تزوجت فمعناهه انته متريدني وأذا انته متريدني

اني هم مراح أضل أذا ما اتزوجت ارجع وياك مثل قبل وأبوي الباعني أقره علي السلام وأشتريك مثل مشتريتني